نجوم بورݣون

من ويكيپيديا
(تحولات من نجوم بوركون)
نجوم بورݣون
معلومات عامة
نوع د لفرقة فرقة د لموسيقا
نوع د لموسيقا شعبي مغريبي
لأعضاء مصطفى بورݣون
تاريخ د لبدية 1985


نجوم بورݣون (Noujoum Borgogne) كانت مجموعة غنائية مغريبية ديال شّعبي تأسسات عام 1985 مكونة من 4 ديال لمغنيين، ولاد حي بورݣون ف دارلبيضا: مصطفى السمرقندي، بوشعيب، رشيد حياك و الزيتوني بورݣون.[1] نجوم بورݣون منتوج ديال "أضواء لمدينة" لي كانت مسابقة كبيرة تنظمات ف لمغريب ف تّمانينات باش يبانو مواهب ف لغنا و لمسرح و لفكاهة من شباب أقاليم لمغريب.

لمجموعة معروفة بأغانيها ديال شّعبي تّقليدي (لعيطة) و حتا لعصري. ف لبدايات ديالها، كانت لمجموعة كاتخدم بآلات أكوستيك (غير كمنجة و بندير)، و كانو بربعة بيهوم تايغنيو، شوية بشوية تميزو مصطفى و الزيتوني كمغنيين أساسيين. ف تّسعينات تفرقات لمجموعة من بعد ما ختار الزيتوني يكمل بوحدو، وهي لمرحلة لي عرفات دخول ستيل عصري (لأورݣ و لباطري).

دابا لمجموعة ما بقاتش و غير جوج مغنيين لي باقيين، مصطفى السمرقندي (لي ولات سميتو لفنية مصطفى بورݣون) والزيتوني بورݣون.

أشهر لأغاني د لمجموعة[بدل | بدل لكود]

  • شحال تسنيتك ما جيتي
  • بويا عمر
  • واش نݣوليك
  • الدنيا غدارة

عيون لكلام[بدل | بدل لكود]

  1. ^ Nora Dialna (8 أبريل 2021). "[Musique] Noujoum Bourgogne, histoire d'un groupe 100% marocain". dialna.fr (ب لفرانساوية). مأرشيڤي من لأصل ف 2023-02-02. تطّالع عليه ب تاريخ 2021-09-19.
هادي زريعة ديال مقالة خاصها تّوسع. تقدر تشارك ف لكتبة ديالها.