نامكس
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
نامكس إتش يو ڤي هي طوموبيل كاتخدم ب لهيدروجين ديال شّاريكة لمغريبية لفرانصاوية نامكس.[1][2] صاوبها لمهندس من أصل مغريبي فوزي نجاح، لمؤسس ؤ رايس تنفيدي د شّاريكة ؤ دارت ديزان ديالها شّاريكة طاليانية پينينفارينا.[3]
تقدمات نامكس إتش يو ڤي لأول مرة ف 11 ماي 2022 ف طاليان ؤ ف أكتوبر ف لمعرض د باريز د طوموبيلات. هي نتيجة ديال ربع سنين ديال تّطوير ؤ لمعاونة بين شاريكة طاليانية د تصواب لمركوب پينينفارينا و نامكس (لي هي لختيصار د نيو ؤطوموتيڤ أند موبيليتي إكسپلورايشن).[4] تقدمات لأول مرة ف لمغريب ف أبريل 2023 ف ملتقى ليام صيناعية د طنجة، ؤ موراها تعرضات ف لقصر لملكي د رّباط فين ستقبل لماليك محمد سّادس مولاها.[5][6]
كاتميز هاد طوموبيل بلي عندها ريزيرڤوارات د لهيدروجين يمكن يتبدلو. هاد ستة د ريزيرڤوارات د لهيدروجين كيتزادو على ريزيرڤوار رئيسي ؤ كيوفرو ؤطونومي كاتوصل ل 800 كيلوميطر. كيسهل هاد سيستيم تبدال ديال ريزيرڤوارات ستة لي كيقدرو يتحيدو ف لمحطة بلاما تعاود تدير لپلان ل ريزيرڤوار رئيسي، حيت لمحطات د لهيدروجين مامنتاشرينش بزاف.[7]
هاد طوموبيل فيها خلية د لفيول كاتولد تريسينتي من لهيدروجين لي كيخدم لموطور. ف لڤيرسيون د دفيع لموطور فيه قوة د 300 عودان ؤ لڤيرسيون كاطكاط فيها جوج موطورات لي لقوة ديالهم كاتوصل ل 550 عودان.[8]
- ↑ "NamX - mentions légales". namx-hydrogen.com (ب الفرنسية). Archived from the original on 2023-06-02. Retrieved 2023-05-17.
- ↑ "Société ANNAJAH MOTORS". data.gouv.fr (ب الفرنسية). Archived from the original on 2023-05-18.
- ↑ Bell, Sebastien (October 17, 2022). "NAMX HUV Is A Pininfarina-Designed SUV With Swappable Hydrogen Bottles Heading To Production". Carscoops. Archived from the original on April 24, 2023. Retrieved May 17, 2023.
- ↑ Lionel Bret (12 ماي 2022). "Pininfarina et NamX roulent à l'hydrogène". Archived from the original on 2023-03-26. Retrieved 2023-05-17.
- ↑ "الملتقى الدولي للأيام الصناعية ،موعد للكشف عن أقوى إعلانات الصناعات المغربية" (ب العربية). 20 أبريل 2023. Archived from the original on 2023-05-17. Retrieved 2023-05-17.
- ↑ "الملك محمد السادس يترأس حفل تقديم نموذج سيارة أول مُصَنع مغربي". هيسپريس (ب العربية). 2023-05-15. Archived from the original on 2023-08-04.
- ↑ Audric Doche (12 ماي 2022). "Le Français NamX veut révolutionner la voiture à hydrogène avec ses réservoirs amovibles". Archived from the original on 2022-11-28. Retrieved 2023-05-17.
- ↑ Henckaerts Arnaud (12 ماي 2022). "Pininfarina : une voiture à hydrogène complètement innovante dans le pipeline !". Archived from the original on 2023-03-23. Retrieved 2023-05-17.