كاس لعالم
_at_National_Football_Museum,_Manchester_02.jpg)
كاس لعالم ديال كورة ديال الرجال، اللي معروفة بكاس لعالم، هي أكبر مسابقة ديال لكورة ف لعالم، و تينضمها لإتحاد الدولي ديال لكورة (فيفا). كاس لعالم تاتنضم كل 4 سنين و تنضمات أول مرّة ف 1930. تحبسات كاس لعالم جوج مرّات فالتاريخ (1942 و 1946) علاود لحرب لعالمية التانية. من 1998، ولاّو تيشاركو 32 بلاد فكاس لعالم، مقسومين على تمنية د لمجموعات، و تيتنافسو كاملين على شكون أيربح لكاس.[1]
تنضمات تال دابا كاس لعالم 22 مرّة و ربحوها 8 د لبدان، هوما: لبريزيل (5 د لمرات: 1958 - 1962 - 1970 -1994 - 2002)، الطاليان (4 د لمرات: 1934 - 1938 - 1982 - 2006)، ألمانيا (4 د لمرات: 1954 - 1974 - 1990 - 2014)، لارجونتين (3 د لمرات: 1978 - 1986 - 2022)، لوروݣواي (1930 - 1950)، فرانسا (1998 - 2018)، لينݣليز (1966) و صبانيا (2010).[2]
آخر بلاد ربحات كاس لعالم كانت هي فرانسا ف لبطولة د روسيا 2018، و اللي غلبات كرواتيا ف النهاية ب 4 ل 2.
تأهل لمغريب ستة د لمرات ل كاس لعالم (1970 - 1986 - 1994 - 1998 - 2018 - 2022). تقصا ربعة د لمرّات من الدور اللول، و تأهل مرّة وحدة للدور التاني (ف 1986)، و مرة ل الدومي فينال (ف 2022). هاد الجوج كانو إنجازات تاريخية حيت كان لمغريب هو أول منتخب د إفريقيا اللي وصل ل تمن النهاية د كاس لعالم، و أول منتخب د إفريقيا كيوصل ل الدومي فينال.[3][4]
- ↑ "لمحة عن تاريخ كأس العالم - روسيا ليوما (2018)".
- ↑ "تاريخ كأس العالم - ݣول.كوم (2017)". Archived from the original on 2021-06-07. Retrieved 2020-11-21.
- ↑ "30 عاماً مضت: المغرب تحقق إنجازاً تاريخياً في كأس العالم - فيفا.كوم (2016)". Archived from the original on 2021-06-07. Retrieved 2020-11-21.
- ↑ "Qatar 2022: Morocco, first African team in the World Cup semi-finals". 12 دجنبر 2022. Archived from the original on 2023-02-02. Retrieved 2022-12-18.
 |
ويكيميديا كومنز عندا تصاور و معلومات على كاس لعالم. |
