موراساكي شيكيبو
موراساكي شيكيبو
| ||
 | ||
| معلومات عامة | ||
| زيادة | 970 ↔ 978 Heian-kyō | |
| لموت | 1014 ↔ 1031 Heian-kyō | |
| لجنسية | الجاپون | |
| لحرفة | وصيفة ملكية، روائية، شاعيرة، كاتيبة، كتاتبي د ليوميات، فيلسوفة و كاتبة د السينيما | |
| لّوغات لي كيعرف | جاپونية | |
| لفاميلة | ||
| لواليد | Fujiwara no Tametoki | |
| لواليدة | Fujiwara no Tamenobu's daughter | |
| شريك | Fujiwara no Nobutaka | |
| لولاد | Daini no Sanmi | |
| معلومات خرى | ||
| لأعمال |
| |
     | ||
موراساكي شيكيبو (مزيودة ف ج. 973، توفات ف ج. 1014 ولّا 1025) لمعروفة ب شيجو (ب الجاپونية 紫女، حرفياً "لالة موراساكي") كان كاتيبة روائية، شاعيرة و وصيفة ملكية جاپونية. كانت خدمات ف لقصر لإمبراطوري ف وقيتة هييان. هيّ معروفة سيرتو ب روايتها قصة ڭينجي، لي كاتّعتابر من أول الروايات لي تكتبو ف لعالم، و تكتبات ب الجاپونية مابين عام 1000 و 1012. "موراساكي شيكيبو" هيّ سمية وصفية، و سميتها لحقيقية مامعروفاش، ولايني تقدر تكون هيّ فوجيوارا نو كاوروكو (ب الجاپونية 藤原香子) لي تدكرات ف جورنال د لقصر ف 1007 ب عتيبارها وصيفة ملكية.[1]
لعيالات ف وقيتة هييان كانو مقصيين من تعلام الشينوية، اللوغة لمكتوبة د لحكومة ف الجاپون، ولايني موراساكي لي كبرات ف دار بّاها لي كان مطّلع بزاف، بيّنات قدرات كبيرة ف لكلاسيكيات الشينوية من صغرها، و ستاطعات تهضرها ب طلاقة. تجوجات ف نصاصات لعشرينات و ولدات بنت هيّ الشاعيرة دايني نو سانمي و راجلها توفى عاماين مور جواجهم. ماشي واضح فوقاش بدات كاتكتب قصة ڭينجي، ولايني غالبا بدات فاش كانت مجوجة ولّا غير شوية مورما ولّات هجّالة. ف جوايه 1005، تعيّط ليها من عند فوجيوارا نو ميتشيناڭا باش تولي وصيفة ملكية ديال لإمبراطورة صووشي ف لقصر لإمبراطوري، غالبا بسباب الشهرة ديالها كـ كاتيبة. بقات كاتكتب ف فترة خدمتها، و زادت مشاهد من لحياة ف لقصر ف كتاباتها. مور 5 ولّا 6 سنين خرجات من لقصر، و تقاعدات معا لإمبراطورة ف منطقة ضاية بيوا. الدارسين كيختالفو على لعام د موتها. أغلبية متافقين على عام 1014، ولايني كاين لي قتارح بلي تقدر تكون باقية حية ف 1025.
موراساكي كتبات يوميات لالة موراساكي، لي هوّ مجلد ديال لقصايد الشيعرية زيادة على قصة ڭينجي. ف ضرف 10 سنين كان هاد اللخر تنتاشر ف لأقاليم د الجاپون، و ف ضرف قرن ولّى كيتعتابر من لكلاسيكيات ديال لأداب الجاپوني و مادة ديال النقد لأكاديمي. مابين 1925 و 1933 تطرجم للنڭليزية. الدارسين باقين كيعتارفو ب لأهمية د خدمتها، لي كاتعكس لمجتمع د لقصر د هييان ف لأوج ديالو. من لقرن 13، لأعمال ديالها تمتّلو من عند الرسامين الجاپونيين و النحاتين د لخشب ديال فن أوكييو-إي.
- ↑ "Murasaki Shikibu Japanese courtier and author". Retrieved 2025-08-31.
قتيباسات من موراساكي شيكيبو ف ويكي قتيباس- Rozan-ji Temple, Kyoto
- معرض:قصة ڭينجي، تسليط الضو على عامال كلاسيكي جاپوني ف لمتحف لميطروپوليطاني د لفن، مارس 5 – يونيو 16، 2019
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
