معاونة:هوط كات
لڭادجي هوط كات HotCat هوّ واحد الڭادجي لي كيسهّل الزيادة و التحياد ديال التصنيفات من بعض النواع د الصفاحي بحال المقالات و التصنيفات براسهم.
الڭادجي هوط كات ديجا مأمپورطي للويكي من عند إمغارن د لانطيرفاص، خاص غير يفعّلو الخدايمي عندو باش يولي خدّام عندو ف الكونط:
- سير للتفضيلات ديالك
- سير للڭوادج
- كوشي الصنيديقة ديال HotCat و صوڤي
حضي: عافاك ماتخدّم هاد الڭادجي حتى تكون فاهم مزيان التصنيفات و لاش كيصلاحو و كيفاش كيخدمو. حاول تزيد تصنيفات لي راك عارفها ولا شاكّ بلي كاينة، ولّا باغي تصايبها فيساع. يلا كانت الصفحة د التصنيف ماموجوداش، راه غادي تبان ب الحمر ملي تصوڤي
- باش تزيد تصنيف ف صفحة، سير للتحت ديالها و كليكي على رشمة (+) و كتب السمية ديال التصنيف (ب الپريفيكس "تصنيف:" ولّا حافي) و دخّل ب ولّا ب كليك على OK
- باش تحيّد تصنيف من صفحة، سير للتحت ديالها و كليكي على رشمة (-)
- باش تزيد بزاف د التصنيفات كليكي على رشمة ++ و دخل السميات ديال جميع التصنيفات لي بغيتي (ب كليك على رشمة (+) ل كلّا تصنيف) و صوڤي ب كليك على Save
- باش تصحح تصنيف، كليكي على رشمة (±) و صحح السمية د التصنيف و كليكي على OK
.png)