معاونة:موضيل

لموضيل فويكيپيديا هو واحد الصفحة لي مديورة باش تتخدم ف صفاحي خرين و المحتوى ديالها يبان تماك. هاد المحتوى يقدر يتبدّل على حساب الصفحة، الخاصيّات ديالها، ولّا پاراميطرات كيعطيها الخدايمي. أكتر ميتال منتاشر ف ويكيپيديا هوّ ديال صندوق ديال المعلومات ولّا ديال الإعلان واجد، كتقدر تزيدو ل شي صفحة. هاد الصندوق يقدر يكون فيه:

• إعلان على شي حاجة فالمقالة (مثلاً: {{تحياد}} لي كيدلّ بلي الصفحة خاصها تتحيد).
• معلومات عامة كاتعاود بزاف د لمقالات (مثلاً: {{معلومات شخص}} لي كيورّي معلومات مختاصرة على الشخص لي مكتوب عليه مقال).

كاينين جوج ديال النواع ديال لموضيلات:

• موضيل عادي: بحال صندوق معلومات بسيط.
• موضيل ب متغيرات/پاراميطرات: بحال صندوق معلومات كايقدر الواحد تبدل شي حوايج فيه على حساب كل مقالة.

لموضيلات هوما صفحات بحالهم بحال أي صفحة خرة ف ويكيپيديا، يعني يقدر الواحد يبدل فيهم. ولكن رد لبال مزيان ملي كاتبدل شي موضيل، حيت أي حاجة بدّلتيها غادي تبان ف ݣاع الصفحات اللي فيهم هاد لموضيل.

كيفاش تصاوب موضيل

أسهل طريقة باش تصاوب موضيل جديد هي:

1. تخمّم ف سمية مناسبة للموضيل: حاول تختار سمية كاتعبّر على شنو كايدير لموضيل.
2. تقلّب على لموضيل بهاد الطريقة:
   1. كتب فخانة البحث الفوق: موضيل:السمية اللي ختاريتي.
   2. مثال: موضيل:معلومات كتاب.
3. يلا مالقيتيش لموضيل: غادي تطلع ليك نتيجة البحث فيها رابط باللون الحمر.
4. ضغط على الرابط الحمر: هاد الرابط غادي يديك ل صفحة جديدة فين يمكن ليك تبدا تصاوب لموضيل ديالك.

ف أغلبية د الحالات كاناخدو الموضيلات من ويكيپيديات خرين (بحال العربية و النڭليزية) و كانطرجموهم، حيت هادشي كيتطلب مجهود و معرفة قل من لو صايبناهم من والو. يلا خديتي موضيل و زدتيه ف ويكيپيديا الدارجة، عافاك ماتنساش تربطو معا الموضيل الأصلي. شوف ف هاد الصفحة كيفاش تربط صفحة ب لوغات خرين.

يلا بغيتي تعرف كيفاش تصايب موضيلات ب نواع محددين، شوف هاد الصفاحي:

• معاونة:كيفاش تصايب صندوق د لمعلومات
• معاونة:كيفاش تصايب صندوق د التسركيل (Navbox)

كيفاش تستعمل لموضيل

باش تحط شي موضيل ف شي صفحة، كاينين جوج خطوات أساسيين:

إضافة لموضيل للصفحة:

كتستعمل هاد الكود: {{سمية الموضيل}}

بدّل "سمية الموضيل" بسمية لموضيل اللي بغيتي تستعمل. (مثلاً: {{معلومات دولة}}).

يمكن ليك تستعمل ݣاع لحروف، الأرقام، الرموز، وحتى لمسافات (الخويات) ف سمية لموضيل.

لمتغيرات

لموضيلات يمكن يكونو فيهم متغيرات. هاد لمتغيرات بحال شي بلايص خاويين ف لموضيل، كتعمرهم بمعلومات مختلفة على حساب كل مقالة. يعني نفس لموضيل يقدر يبان بشكل مختلف ف مقالات مختلفة.

باش تعمر هاد لبلايص لخاويين (لمتغيرات)، كتستعمل هاد الطريقة:

ف لبلاصة اللي بغيتي تحط فيها لموضيل ف لمقالة، كتكتب: {{سمية الموضيل|سمية المتغير=قيمة المتغير}}

سمية الموضيل: هي سمية لموضيل اللي بغيتي تستعمل.

سمية المتغير: هي سمية لبلاصة لخاوية اللي بغيتي تعمر ف لموضيل.

قيمة المتغير: هي لمعلومة اللي بغيتي تحط ف هاديك لبلاصة لخاوية.

و ف لموضيل نيت (ف لكود ديالو)، خاصك تحط {{{سمية المتغير}}} ف لبلاصة اللي بغيتي تبان فيها لقيمة.

مثال: يلا عندك موضيل سميتو معلومات شخص، وعندك متغير سميتو الاسم، غادي تكتب ف لمقالة: {{معلومات شخص|الاسم=علي}} وف لموضيل معلومات شخص، غادي تكون حاط {{{الاسم}}} ف لبلاصة اللي بغيتي تبان فيها السمية.

ملاحظات إضافية

لموضيل يقدر يكون فيه موضيلات خرين داخلين فيه.

كيفاش نستعمل العلامات فـ الموضيلات فـ ويكيبيديا؟

فـ ويكيبيديا، الموضيلات (القوالب) كيعطيونا طريقة باش نعاودو نستعملو نفس المحتوى فـ بزاف ديال الصفحات بلا ما نعاودوه كل مرة. ولكن، كاين بعض الحالات اللي بغينا شي معلومة تبان فـ صفحة الموضيل وما تبانش فـ المقالات، أو العكس. وهنا كيجيو 3 علامات مهمة:

1. <noinclude>...</noinclude> – المعلومات اللي ما كاتبانش فالمقالات

أي حاجة بين هاد العلامات ما غاديش تبان فالمقالات اللي كايستعملو الموضيل، ولكن غادي تبان فـ صفحة الموضيل نفسو.

🟢 فين تنفع؟ كتنفع ملي اتبغي دير شي معلومة توثيقية على الموضيل بلا ما تأثر على الصفحات اللي كاتستعملو.

🔹 مثال:

<noinclude>هاد الموضيل كايستعمل باش نبينو معلومة معينة</noinclude>

✅ غادي تبان غير فصفحة الموضيل، وما غاديش تبان فالمقالات.

2. <onlyinclude>...</onlyinclude> – غير هادشي هو اللي كايتضمن فالمقالة

بين هاد العلامات كتحط غير الحاجة اللي بغيتيها هي اللي تبان فالمقالات اللي كايستعملو الموضيل.

🟢 فين تنفع؟ ملي يكون عندك شي محتوى طويل فالموضيل، ولكن بغيتي غير جزء معين منه يتعرض فالمقالات.

🔹 مثال:

<onlyinclude>هادي هي المعلومة المهمة اللي بغيناها تبان</onlyinclude>

✅ غير هاد الجملة هي اللي غادي تبان فالمقالات، والباقي ما غاديش يظهر.

3. <includeonly>...</includeonly> – المعلومة كاينة فالمقالة وما كاينةش فصفحة الموضيل

أي حاجة بين هاد العلامات غادي تبان غير فالمقالات اللي كايستعملو الموضيل، ولكن ما غاديش تبان فصفحة الموضيل.

🟢 فين تنفع؟ إذا كنت باغي تضيف شي كود خاص أو تفاصيل إضافية فالمقالات بلا ما تبان فصفحة الموضيل نفسو.

🔹 مثال:

<includeonly>(معلومة إضافية كاينة غير فالمقالة)</includeonly>

✅ هاد الجملة غادي تبان غير فالمقالات، وما غاديش تبان فصفحة الموضيل.

مثال كامل لاستعمال العلامات فموضيل:

<noinclude>هاد الموضيل كايعطي معلومات على شي موضوع معين</noinclude>  
<onlyinclude>المعلومة الرئيسية</onlyinclude>  
<includeonly> (تفاصيل كاينة غير فالمقالة)</includeonly>  

🔹 إلا استعملنا هاد الموضيل فمقالة، غادي يبان فيها:

المعلومة الرئيسية (تفاصيل كاينة غير فالمقالة)

🔹 أما فصفحة الموضيل، غادي يبان:

هاد الموضيل كايعطي معلومات على شي موضوع معين المعلومة الرئيسية

خلاصة:

⏺ <noinclude> ➝ كيبان غير فصفحة الموضيل وما كايتعرضش فالمقالات.

⏺ <onlyinclude> ➝ غير هادشي اللي بين هاد العلامات هو اللي غادي يبان فالمقالات.

⏺ <includeonly> ➝ كيبان غير فالمقالات وما كايتعرضش فصفحة الموضيل.

📌 باختصار: هاد العلامات كيعطيوك تحكم فشنو كايتعرض فالمقالات وشنو كاين غير فالموضيل.

أمتلة ديال لموضيلات لي كيتخدّمو ف لمداكرات

النّوع	لموضيل	ديالاش	كيفاش كايبان
نيقاش	موضيل:معا	يلا بغيتي تصوت ب "معا" ف شي نيقاش	معا
نيقاش	موضيل:ضد	يلا بغيتي تصوت ب "ضد" ف شي نيقاش	ضد
نيقاش	موضيل:مسدود	لخلاصة لّي تسدّ بيها نّيقاش	مسدود
نيقاش	موضيل:طبقات	لخلاصة + قرار تّطبيق لّي خرج بيه نّيقاش	طبقّات
نيقاش	موضيل:تعليق	يلا بغيتي تزيد تعليق ف شي نيقاش	تعليق:
نيقاش	موضيل:تعليق أمغاري	يلا بغا شي أمغار يزيد شي تعليق توجيهي ف شي نيقاش	تعليق أمغاري:
نيقاش	موضيل:تعليق بوتي	يلا بغا شي بوت يزيد شي تعليق ف شي نيقاش	تعليق بوتي:
نيقاش	موضيل:جاوب	يلا بغيتي تجاوب شي حد فشي نيقاش	@ميتال: