معاونة:كيفاش تربط صفحة ب لوغات خرين/أرشيڤ
يلا كنتي خدّام ب شكال قدام ديال الويكي، تقدر تشوف الفقرات التحتانيين باش تحدد إينا واحد فيهم كينطابق على لانطيرفاص لي عندك. يلا بغيتي تبدّل الشكل د لانطيرفاص، شوف معاونة:كيفاش تبدل الشكل د لانطيرفاص.
1. ف صّفحة د لمقال، شوف علّيمن لتحت شوية، غادي تبان ليك "زيد ليانات بين اللوغات" ؤ كليكي عليها
2. خاص يطلع ليك هاد الشريجم
3. ف بلاصت لّوغة دخّل لكوض د لّوغة تابعاها wiki. متلا نّڭليزية enwiki، لعربية arwiki، لفرانساوية frwiki. ف بلاصت صّفحة، دّخل لعنوان د لارتيكل ف ديك لويكيپيديا. هنا متال ديال لارتيكل د عبد الرحيم التونسي. كليكي على "ربط معا صفحة"
4. غادي تطلع ليك موراها ليستة ديال لعناوين د لمقالات لموقابيلة ف لوغات مختالفين. تيقّن بلي راك ختاريتي لموضوع الصحيح (شي مرات تقدر ب لغالاط تختار صفحة ديال التحويل ؤلا التوضيح ماشي الصفحة الرئيسية). كليكي على "أكّد"
5. يلا ماكانت تا شي إيرور، غادي يطلع ليك هاد الشريجم. كليكي على "سد الشريجم د لختيار و عاود شارجي الصفحة". يلا طلع ليك ميصاج د ليرور، هادا كيعني ف لغالب بلي الصفحة لي بغيتي تربط معاها ديجا مربوطة معا شي صفحة خرة ف ويكيپيديا ب الداريجة. سير ل ديك الصفحة (تقدر تدوز ليها من ويكيداطا ؤلا من لويكيپيديا لخرة)، و شوف واش الصفحة مربوطة بشكل صحيح، ؤلا واش خاص شي صفحة من الجوج تّحيّد، ؤلا يتدمجو بجوج
1. ف صّفحة د لمقال، شوف علّيمن لتحت، غادي تبان ليك "زيد ليانات" ؤ كليكي عليها
2. غادي يطلع ليك هاد سّريجم
3. ف بلاصت لّوغة دخّل لكوض د لّوغة تابعاها wiki. متلا نّڭليزية enwiki، لعربية arwiki، لفرانساوية frwiki. ف بلاصت صّفحة، دّخل لعنوان د لارتيكل ف ديك لويكيپيديا. هنا متال ديال لارتيكل د نبيل عيوش
4. يلا كان لارتيكل لي بغيتي تربط مامربوطش ديجا (سوا من جيهتنا ؤلا من جيهت لويكي لوخرة)، غادي يتزاد بلا مشاكيل.
