مطار الرباط سلا الدولي
مطار الرباط سلا الدولي ⴰⵣⴰⴳⵯⵣ ⴰⴳⵔⵖⵍⴰⵏ ⴰⵔⴱⴰⵜ ⵙⴻⵍⴰ | ||||
 | ||||
| ||||
| معلومات عامة | ||||
| النوع | مدني + عسكري | |||
| لمالك | لمكتب لوطني للمطارات | |||
| لمدينة | سلا، لمغريب | |||
| لرتيفاع بلميترو | 276 | |||
| خط الطول | -6.74253702° | |||
| خط لعرض | 34.05031267° | |||
| السيت الرسمي | onda.ma… | |||
| لخريطة | ||||
 | ||||
مطار الرباط سلا الدولي (IATA:RBA، ICAO:GMME) هو مطار كاين فمدينة سلا لمغريبية وكايسيرڤي جهة الرباط سلا القنيطرة. كيبعد لمطار على الصونطرڤيل ديال الرباط بـ8 كيلوميتر. كيتعتابر سادس أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج، وكايقدر يهز 3.500.000 مسافر ومتوقع تزيد تالين 4 دلمليون.
لمحطة لجوية اللولة فيها 16.000m²، والتانية فيها 3.500m². فـ20 شهر 1، 2012 تفتحات لمحطة اللولة وعندها قدرة باش تهز 3.500.000 مسافر فلعام[1]، يعني كتر من الضوبل ديال داكشي اللي كان فلمحطة لقديمة (اللي ديما كانت سميتها لمحطة لجوية 2).[2]
فلبلاصة لعمومية كاينين وكالات ديال لكري دالطوموبيلات، بنكات، ݣيشيات، كافي-بار بكيوسك صغير وخدمة ديال التيليفون ولفاكس. لبلاصة دلمغادرة فيها حتى هي كافي-بار ومحلات حرة، تيليفونات وبلايص ديال لكمي. لولوج للمطار كاين بالطاكسي أولا الطوبيس أولا بالطوموبيلة پريڤي، وكاينين حتى بلايص ديال لپاركينݣ.
بالنسبة للپارتية ديال لعسكر فراها مجهزة مزيان وكايكونو فيها لقوات لمسلحة لملكية، حيتاش لمطار قريب للرباط لعاصمة ديال لمغريب. كاين مركز ديال لعمليات كبير خاص فيه لأسطول ديال طيارات جدارمية اللي كاتطفي لعافية، وفيه حتى ديپو كبير ديال الطيارات دلملك ولحوكومة.
| 2012 | 2013 | 2014 | 2015 | 2016 | 2017 | 2018 | 2019 | 2020 | 2021 |
|---|---|---|---|---|---|---|---|---|---|
| 351,867 | 485,713 ▲ 38,04 % | 684,213 ▲ 40,87 % | 705,950 ▲ 3,18 % | 873,169 ▲ 23,69 % | 923,576 ▲ 5,77 % | 987,485 ▲ 6,79 % | 1,100,846 ▲11,46 % | 299,333 ▼ 72,82 % | 468,875 ▲ 56,60 % |
| 2022 | 2023[3] |
|---|---|
| 873,305 ▲ 86,26 % | 1,201,676 ▲ 38,01 % |
- ↑ Rabat–Sale Airport تشاف فـ 22 يناير 2012
- ↑ لمصدر موقع ONDA لمغريب على مطار الرباط سلا (بلفرونسي) تشاف فـ 21 ماي 2008
- ↑ "Trafic aérien de l'année 2023 : Un trafic passagers record de plus de 27 millions de passagers" (PDF) (ب الفرنسية).
 |
ويكيميديا كومنز عندا تصاور و معلومات على مطار الرباط سلا الدولي. |
