مصطفى زعري
مصطفى زعري
| ||
| معلومات عامة | ||
| زيادة | 5 نونبر 1945 الدار البيضا | |
| لموت | 3 دجنبر 2024 (79 عام) الدار البيضا | |
| طريقة دلموت | موتة طبيعية | |
| سباب لموت | كونصير د لپروسطاط | |
| لجنسية | لمغريب | |
| لحرفة | مومتيل، ممتيل د التلفازة، مومتيل مسراحي، ممتيل د لأفلام و فنان كوميدي | |
| لّوغات لي كيعرف | لفرانساوية و عربية | |
 
| ||
مصطفى زعري (مزيود ف 5 نونبر 1945، توفى ف 3 دجنبر 2024) هوّ مومتيل مغريبي لي شارك ف عدد د لأعمال ديال السينيما، التلفازة و لمسرح. تشتاهر ب أدوار كوميدية لي ردّاتو محبوب عند الجمهور و خلّات بصمة خاصة ف لمشهد لفني د لمغريب.
تزاد زعري ف مدينة الدارلبيضا و كبر يتيم ف درب السلطان بين درب ليهودي و درب كلوطي. بّاه توفى ملي كان عندو 3 سنين، و ربّاتو لواليدة ديالو. صيفطاتو للنادي لمسراحي باش تتفك من الشاغاب و لبسالة ديالو، و باش تبعّدو من الشاريع.
لتاحق زعري ب فرقة "الأخوة" لي كان كيترأسها لفنان عبد العظيم الشناوي، و موراها ب لمعهد لبلدي باش يتعلم على يد الطيب الصديقي و أحمد الطيب لعلج. داز موراها ل فرقة لبدوي لي دخل معاها ل باب التمتيل ب لممارسة، سيرتو ف 1963 ف لمخيمات د الصيف، ف أزرو، إفران و عين اللوح. زعري كان موربّي و مدريب ف الشبيبة و الرياضة، و قبل من داكشي كان خدم ؤستاد.
دار هوّ و مصطفى الداسوكين تنائي فكاهي لي تّشهر ف التمانينات. شاركو ف مسراحية النواقسية ديال عبد القادر البدوي، لي كان لعامال اللول ديالهم بجوج، و بان ف التلفازة لمغريبية ف 17 أكتوبر 1967.
شارك ف أعمال خرين بحال "بنت لخراز"، "حلوف كرموس"، "لعائلة لمتقفة"، و "دابا تجي دابا". شارك ف أعمال ديال التلفازة بحال: "ستة من ستين"، "بيوت من نار"، و "سعدي ب بناتي". ف السينيما شارك ف أفلام مغريبية و برّانية، من بينها "الطفولة لمغتصبة" و فيلم "الرسالة".[1]
- النواقسية
- بنت الحراز
- حلوف كرموس
- العائلة المثقفة
- دابا تجي دابا
- الرسالة
- شمس الضباع
- الصمت اتجاه ممنوع
- الضوء الأخضر
- الطفولة المغتصبة
- خارج التغطية
- ستة من ستين
- بيوت من نار
- الثمن
- نسيب الحاج عزوز
- سعدي ببناتي
- جحا يا جحا 2
- شبح الماضي
- مرحبا بصحابي
- مرحبا بصحابي 2
- رحلة العمر
- ^ مصطفى الزعري على قاعدة بيانات الأفلام العربية مؤرشف 2019-04-22 فموقع وايباك ماشين