مصطفى الدرقاوي
مصطفى الدرقاوي
| ||
 | ||
| معلومات عامة | ||
| زيادة | 12 نونبر 1944 وجدة () | |
| لموت | 20 غشت 2026 (81 عام) الدار البيضا () | |
| لجنسية | لمغريب | |
| لحرفة | مخرج د لأفلام و سيناريست | |
| لّوغات لي كيعرف | عربية | |
| لفاميلة | ||
| خوت | عبد الكريم الدرقاوي | |
   | ||
مصطفى الدرقاوي (خلاق ف 12 نونبر 1944 - توفى ف 20 غشت 2026) مخرج سينمائي مغريبي. انطلقت الأفلام اللولا ديالو من الفلسفة، وتأثرت بالتيارات الفكرية اللي كانت سائدة ف السبعينات، ومن بعد تحول لأفلام اجتماعية كتركز على قاعدة جماهيرية كبيرة بلا ما يطيح ف الإغراءات ديال السينما التجارية. وهو خوه المخرج عبد الكريم الدرقاوي.
تزاد مصطفى الدرقاوي ف مدينة وجدة نهار 12 نونبر 1944. قرا الفلسفة ف شبابو، قبل ما ينتقل لـ فرنسا باش يقرا السينما، ومن بعد مشى لـ بولونيا باش يكمل قرايتو ف المدرسة الوطنية العليا للسينما.
خرّج بزاف د الشريطات القصيرة والطويلة،[1] ومن أشهر أفلامو: "أحداث بلا دلالة"[2] و"رماد الزريبة" ف السبعينات، و"عنوان موقت" و"أيام شهرزاد الجميلة" ف الثمانينات، و"أبواب الليل السبعة" ف التسعينات، و"غراميات الحاج المختار الصولدي" و"الدار البيضاء باي نايت" ف الألفينات.
وف معظم أفلامو بقت الفلسفة حاضرة، وخا بصورة متخفية ولا مخففة ف الأغلبية د الأعمال الموالية ديالو.[3]
عرفت فترة السبعينات ف المغرب ظروف صعيبة على مستوى الحريات. وبان الدرقاوي بحال إلا قائد للسينما التجريبية والتحريضية؛ داكشي علاش تمنع الفيلم ديالو اللي هاز عنوان "أحداث بلا دلالة"، بعدما اتعرض جوج مرات صافي بصورة شبه سرية.
العرض الأول كان ف مهرجان تطوان، ولكن ف نطاق ضيق، والعرض الثاني كان ف قاعة صغيرة ف مهرجان خريبكة للسينما الأفريقية. من بعد غبر الفيلم كثر من 40 عام، حتى بان عام 2019 ف خزانة الأرشيف التابعة لـ كتالونيا، وبعدما ترّمّم اتعرض ف مهرجان برلين السينمائي.[3]
بعد مرحلة طويلة د المرض وغياب على الساحة الفنية، توفى مصطفى الدرقاوي نهار الخميس 20 غشت 2026 ف مدينة الدار البيضاء، عن عمر بلغ 81 عام.[4][5]
عرف الرحيل ديالو حزن كبير ف الوسط الفني والسينمائي المغربي، حيث تنعاتو المجموعات الفنية والناقدين كواحد من الرواد الحقيقيين د السينما المستقلة والتجريبية ف المغرب.[6] وعرفت جنازتو والطياب الافتراضي ديالو جدل ونقاش واسع ف مواقع التواصل الاجتماعي وعلى الميديا بسبب المبادرات التكريمية اللي داروها أصدقاؤو والمحبين ديالو.[7]
- ↑ "وثائقي "بحرية مصطفى الدرقاوي".. درس بليغ في الحياة والسينما تتابعونه في "قصص إنسانية". الأحد في 10 ليلا". 2M.ma (ب العربية). Archived from the original on 2024-08-24. Retrieved 2024-08-22.
- ↑ "مهرجان مراكش يرفع الحظر عن "أحداث بلا دلالة"". Hespress - هسبريس جريدة إلكترونية مغربية (ب العربية). 2019-12-07. Archived from the original on 2024-08-24. Retrieved 2024-08-22.
- 1 2 عبد الرحيم الخصار (2026-08-22). "رحيل مصطفى الدرقاوي رائد التجريب في السينما المغربية". إندبندنت عربية. Archived from the original on 2026-08-23. Retrieved 2026-09-02.
- ↑ "رحيل الدرقاوي مخرج "أحداث بلا دلالة"". Hespress - هسبريس (ب العربية). 2026-08-20. Retrieved 2026-09-26. [ليان مهرس ديما]
- ↑ "Décès du réalisateur Mustapha Derkaoui, figure proue du cinéma marocain". SNRTnews (ب الفرنسية). 2026-08-21. Retrieved 2026-09-26.
- ↑ "رحيل مصطفى الدرقاوي رائد السينما الحرة". أحداث.أنفو (ب العربية). 2026-08-21. Retrieved 2026-09-26. [ليان مهرس ديما]
- ↑ "تشييع افتراضي للمخرج المغربي الدرقاوي يثير الجدل". سكاي نيوز عربية (ب العربية). 2026-08-23. Retrieved 2026-09-26.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |