مشي
المشي هو الطريقة الرئيسية باش كايتحركو بنادم و لحيوانات فوق لأرض. هاد لعملية كتمكن لواحد باش ينقل لڭسدة ديالو من بلاصة ل بلاصة ب أمان و فعالية، سوا ف طريق مسرحة ولا ف عقبة. عند لبشر، الدري الصغير كيبدا يتعلم يتمشى راسو ف جوايه 11 شهر (تقريباً 9 حتى لـ 15 شهر).[1] لمشي كايكون حتى عند لحيوانات لي عندهم بزاف د الرجلين بحال مفصليات الرجلين.[2]
حيت المشي شي حاجة حيوية ف لحياة د بنادم، تدارو عليها آلاف د لبحوث و الدراسات، كاين اللي كيهتم ب المشي لعادي و كاين اللي كيهتم ب لمشاكل الصحية اللي كتعيق هاد لحركة.
التحول ديال بنادم باش يولي يتمشى غير على جوج رجلين كيتعتابر من أهم التطورات ف تاريخ تطور لبشر. هاد التغيير جاب معاه تبديلات كبيرة ف شكل لڭسدة، ف لقلدة و لقحف عند بنادم التقبة اللي ف لقحف جات لتحت، هادشي كيخلي الراس يجي فوق السنسول نيشان، بينما عند لحيوانات اللي كيمشيو على ربعة هاد التقبة جات ف اللور د الراس. السنسول عند بنادم واخد شكل حرف "S" باش يمتص الصدمات و يحافظ على التوازن، و لحوض ولى قصير و عريض باش يهز لأعضاء الدخلانية، و الرجلين ولاو طول من ليدين باش يسهلو لحركة.
المشي هو حركة دورية كتعاود، و ف كل خطوة الرجل كتدوز من جوج مراحل، مرحلة الدعم فاش كتكون الرجل محطوطة على لأرض وهادي كتاخد 60% من وقت الخطوة، و مرحلة التزعليل فاش كتكون الرجل مهزوزة ف لهوا و كتاخد 40% من لوقت. الفرق لكبير بين المشي و الجرا هو بلي ف المشي ديما كتبقى على الأقل رجل وحدة لاصقة ف لأرض، بينما ف الجري كاين واحد لوقت قصير كيكون فيه بنادم طاير ف لهوا كامل.
هاد لعلم[ماواضحش] كيهدف باش يفهم كيفاش كيتحرك كل واحد و كيفاش كيخدمو لعضلات ديالو، و كيستعملو فيه بزاف د لقياسات بحال قياسات الزمان و لمسافة اللي كيشوفو فيها شحال د لوقت كياخد لواحد ف كل خطوة و شحال هي لمرونة ديالو. القياسات الحركية كيدرسو الزوايا د لمفاصل بحال الركبة و لحوض و الرجل وكيفاش كيتحرك مركز الثقل د لڭسدة، أما القياسات الحركية لخرى ف كتهتم ب لقوة اللي كيديرها بنادم على لأرض و كيفاش كترد عليه لأرض هاد لقوة.
المشي كيحتاج للأكسجين باش ينتج الطاقة، و بنادم فاش كيتمشى ب زربة عادية كيستهلك كمية معقولة د الأكسجين و كلما زاد ف الزربة كلما زاد جهد لقلب و الرية. المشي كيتعتبر من أحسن الرياضات اللي كينصحو بيها الطبا حيت كيحافظ على صحة لقلب و الشرايين و كيساعد ف نقص لوزن و كيقلل من التوتر، و بزاف د لمدون دابا ولاو كايهتمو ب "لقابلية للمشي" باش يشجعو الناس يمشيو على رجليهم ف عوض الطوموبيلات باش ينقص التلوث و تتحسن الصحة العامة.
- ↑ Samra HA, Specker B (July 2007). "Walking Age Does Not Explain Term vs. Preterm Differences in Bone Geometry". J. Pediatr. 151 (1): 61–6, 66.e1–2. doi:10.1016/j.jpeds.2007.02.033. PMC 2031218. PMID 17586192.
- ↑ Cavagna GA, Heglund NC, Taylor CR (1977). "Mechanical work in terrestrial locomotion: two basic mechanisms for minimizing energy expenditure". American Journal of Physiology. 233 (5): R243-261. doi:10.1152/ajpregu.1977.233.5.R243. PMID 411381. S2CID 15842774.