أيّور ايت بعو
وڭّار فلّي
أزول فلّاون د برّكات داري غ تاسنا نو غ ويكيپيديا. يسم ينو ايّور, ڭيغ اويكيميديان امغريبي زغ تامدينت ن تڭمّي تومليلت, ار بدّا تّاراغ ف كولّو ماد يزدين د ومزروي, تادلسا, توتلايت د تاماڭيت تاشلحيت د تامازيغت. ڭيغ امحظار غ تيمغريتين يسماتّاڭن ي تينمال مقّورنين, ماش حملغ د ار تّيريغ ماياد ن توسّنا ن وفڭان. ار سكارغ مامنك اد سمونغ تايري نو ي ييڭر اد فاد اد بظوغ ماد لمدغ غ ويكيپيديا. ار تّامنغ س توسّنا ن فابور, د ماس كرايڭات يات يقّاند اد دارس ييلي وزرف د وسادف ي وملان س فابور.
تاووري نو
ژوْرغ كيڭان غ يسنفارن ن ويكيميديا زغ وسڭّواس ن 2016, ماش ور ڭيس سكرغ اسمراس ار 2017 غاكودانّ اد بديغ ار يتّهمّا كولّو ماد يزدين د وڭدود اشلحيي د امازيغ. تاووري نو تڭاتّ ار سنولفوغ يمڭرادن يماينوتن غ امّاس ن ويكيپيديا تاشلحيت غ ينشوباتور نّس. ار سووريغ ولا غ يسنفارن ن دداريجا تامغريبيت, تاقبايليت د تافرانسيست لبعظ ن توال. ڭيغ يريمومغار ن ويكيپيديا س تشلحيت (يبدان غ 2007).
