مريم المعتمد
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
مريم المعتمد
| ||
 | ||
| معلومات عامة | ||
| زيادة | 1984 (40/41 عام) الصويرة | |
| لجنسية | لمغريب | |
| لحرفة | فلكية، عالمة فيزياء فلكية و عالمة الكواكب | |
| لّوغات لي كيعرف | عربية، لفرانساوية و نڭليزية | |
    | ||
مريم المعتمد (مزيودة ف 1984) عالمة مغريبية ديال لفلك، لأصطروفيزيك (فيزيك كونية) و عولوم د لكواكب. المعتمد خدمات باحتة ف جامعة كورنيل ف نيويورك، و ف معهد لبحت د الجنوب لغربي Southwest Research Institute. لمجال ديال لبحت ديالها كيشمل لحلقات ديال لكواكب و الديناميكا ديال لمدارات.[1] ف 2025، لفرقة د لبحت لي كاترأسها كتاشفات قامار جديد ديال كوكب ؤرانوس.[2]
لكويكب 27539 ولّا 2000 HB97 تسمى "المعتمد" Elmoutamid كـ تكريم للمجهودات ديالها.[3][4]
مريم المعتمد كبرات و خدات لباك ديالها ف ليسي محمد لخامس ف الصويرة. ف 2003[5] خدات ڤيزا ل فرانسا و مشات تماك باش تقرا ف جامعة پاري ديضرو، فين خدات ليصونص ف الصيونص د لانجينيوري ف 2008. ف 2010 خدات ماصطر ف الديناميكا ديال السيستيمات الجابدية ف لوبصيرڤاطوار د پاري، فرانسا،[6] و ف 2013، خدات الدوكتورا ديالها ف لميكانيك د لأجرام السماوية من نفس لمعهد،[7] و دارت من بعد لپوسط ضوك ف جامعة كورنيل لميريكانية.[2][8]
ف لپوسط ضوك، خدمات المعتمد على داطا ديال أجهيزا من السيستيم د التصوير لعلمي (نّݣليزية: Imaging Science System) ISS و السپيكطروميتر د التخطيط ديال تحت لحمر لمتشاف (نّݣليزية: Visual Infrafred Mapping Spectormeter) VIMS ديال مهمة كاسيني. و كانت مساهمة ف لإكتشاف ديال السيستيم د لحلقات على كويكب شاريكلو.[9]
ف 2025، لفرقة د لبحت لي كاترأسها كتاشفات قامار جديد لي عندو السمية لمؤقتة S/2025 U 1 ديال كوكب ؤرانوس،[10] ب لإعتماد على لمراقبة د لمعطيات لي جمعها طيليسكوپ دجيمس ويب ف 2 فبراير 2025.[2] لقامار الجديد لي كتاشفو هوّ لقامار نمرة 29 ديال ؤرانوس،[11] نمرة 14 من لأقمار الدخلانية ديالو، عندو دياميطر د 10 كيلوميطر (أصغر قامار ديال ؤرانوس تكتاشف تال دابا)،[12] و كيبعد على لكوكب ديالو ب كتر من 56000 كيلوميطر.[2][13]
المعتمد كانت باحتة مساعدة ف مركز كورنيل ديال لاصطروفيزيك و الصيونص د لكواكب مابين 2014 و مارس 2024، و موراها نضمّات ل معهد لبحت د الجنوب لغربي Southwest Research Institue.[5] و هيّ عضوة ف معهد كارل سيݣان.[9]
ف 2018، ولات عضوة ف لأكاديمية لإفريقية ديال الصيونص AAS.[9]
- ↑ "WGSBN Bulletin" (PDF). 2021-06-11. مأرشيڤي من لأصل (PDF) ف 2025-01-27. تطّالع عليه ب تاريخ 2025-08-24.
- 1 2 3 4 "Une astrophysiciene marocaine découvre un nouveau satellite d'Uranus". 2025-08-22. تطّالع عليه ب تاريخ 2025-08-24.
- ↑ "Interview avec Maryame El Moutamid : A la découverte du monde spatial de demain". 2025-05-08. تطّالع عليه ب تاريخ 2025-08-24.
- ↑ "(27539) Elmoutamid = 1998 XV84 = 2000 HB97". تطّالع عليه ب تاريخ 2025-08-24.
- 1 2 "A conversation with Morocco's astrophysicist Maryame El Moutamid on Cassini, James Webb, and the future". 2025-05-20. تطّالع عليه ب تاريخ 2025-08-24.
- ↑ "Maryame El Moutamid, hayesresearchgroup". تطّالع عليه ب تاريخ 2025-08-24.
- ↑ "Soutenance de thèse de Maryame El Moutamid le jeudi 19 septembre 2013". 2013-09-10. تطّالع عليه ب تاريخ 2025-08-24.
- ↑ "Principal Investigator: Maryame El Moutamid". 2021-07-29. تطّالع عليه ب تاريخ 2025-08-24.
- 1 2 3 "El Moutamid named affiliate of African Academy of Sciences". 2018-12-14. تطّالع عليه ب تاريخ 2025-08-24.
- ↑ "NASA Telescope Spots a Previously Unknown Moon of Uranus". 2025-08-20. تطّالع عليه ب تاريخ 2025-08-24.[ليان مهرس ديما]
- ↑ "Moroccan scientist Maryame El Moutamid discovers smallest satellite of Uranus with NASA's JWST". 2025-08-22. تطّالع عليه ب تاريخ 2025-08-24.
- ↑ "Etats-Unis : l'astrophysicienne marocaine Maryame El Moutamid contribue à la découverte d'un nouvel astre". 2025-08-21. تطّالع عليه ب تاريخ 2025-08-24.
- ↑ "BREAKING: NASA's Webb Telescope Just Found a NEW Uranus Moon Voyager 2 Totally Missed". 2025-08-19. تطّالع عليه ب تاريخ 2025-08-24.