مداكرة:قلوة

    من ويكيپيديا

    كلمة مناسبة[بدل لكود]

    سلام @OussamaOuh, Reda benkhadra, Anass Sedrati, سمير تامر, و عصام أزناك:. باش نكملو نّيقاش لّي بدينا هنا، لقتيراح ديال سّي أسامة هوّا ناخدو كلمة تاڭلايت من لأمازيغية. أنا كنقتارح ندرجوها شوية باش تولي ساهلة ف لهضرة ؤ تدوز ف مزيان ف لقواعد صّرفية ديال دّاريجة. تاڭلايت => ڭلاية، جمع ڭلايات، ؤ نّيت راها مابعيداش علا قلوة، ؤ ف نفس لوقت ماعنداش نفس لحمولة زّنقاوية. لّي عندو شي قتيراح أخور، مرحبا. --Ideophagous (نقاش) 10:58، 08 ماي 2021 (+02)

    السلام عليكم Ideophagous، الصراحة أنا مامتافقش حيث الناس اللي تيفهمو غي الدارجة ماغاديش يفهمو تاڭلايت وغايبداو ينتاقدو ويكيبيديا الدارجة و باللي هي غي تخربيق وماشي دارجة إلخ. كاين بزاف د لكلمات ف الدارجة اللي كيقصدو نفس لمعنى ونقدرو نخدّمو أي وحدا منهم بحال: لبيضات، لفولات، لكواري.. لمهم ختارو اللي بغيتو وانا معاكم هههه -- Anass Sedrati (نقاش) 09:11، 8 ماي 2021 (+00)ردّ[ردّ]
    سلام خاي أناس. راه داكشي علاش قتارحت ندرجوها ل ڭلاية، لّي قريبة ل لكلمة لأمازيغية تاڭلايت، ؤ فنفس لوقت قريبة ل قلوة. ب نّسبة ل تّقلاب ماشي موشكيل، حيت نقدرو نقادو پاج ديال تّحويل ب مصطلحات خرين كاتدّي ل هادي، ؤ نزيدو بين جوج قواس خصية . هادشي كيبقا غير قتيراح ب طبيعة لحال. جّماعة لّي غادي تقرر ف لّخر. --Ideophagous (نقاش) 11:16، 08 ماي 2021 (+02)
    اقتراح زوينة لكلمة "ݣلاية" بلاصت "قلوة" و لكن كيكا قال سي أنس ولابدا غاتسمع انتقاد على واش هادي دارجة و لا شينوية و اننا عمرنا سمعنا هادشي عندنا) حيت غالبية ناس منين كايبغيو يوصفو دوك بلايص بطريقة نقية و محترمة كاطيح فبالو دغيا يعربها بحكم أن هاد لكلمات كاينين فلقرآن و فدين بشكل عام.

    و عطيت واحد اقتراح خفيف فنقاش دكلمة "طبون" على هاد لموضوع و واخا غايكون عليه نتقيدات من عند ناس إلا تدار عصام أزناك (نقاش)

    @Anass Sedrati: أنا كايبان ليا باللي لكلمات العلمية ماشي بالضرورة يعرفوها الناس و يكون استعمال ديالها يومي. حيت فڭاع اللغات كاين لونڭاج طالع اللي كايتكتاسب بلقراية "ڭلاية" و لونڭاج عامي اللي كايتكتاسب بالتعامل ليومي "قلوة" . وكانظن راه الا ربطنا لپاج ديال ڭلاية بقلوة و فسرنا ليتيمولوجيا ديالو كلشي غايتعلم هاد لمصطلح الجديد . OussamaOuh(نقاش)

    ضونك دابا 3 د لقتيراحات: خصية (ؤلا نكتبوها خيصية؟)، بيضة (ؤ لجمع بيضان، ماشي بيضات)، ؤ ڭلاية. كيبان ليّا مصطلح بيضة/بيضان هوّا أحسن واحد، حيت داريجي ؤ معروف ؤ مخدّم ديجا، ؤ ماكيتعتابرش زنقاوي. لموشكيل لوحيد هوّا يقدر لمعنى يتخالط معا لاخور ديال بيضة، مي هادا ماكيمنعش ب ضّرورة تّخدام ديالو، حيت شحال من كلمة ف دّاريجة ؤ ف لوغات خرين كيكونو عندهم معاني بزاف. لموهيم، يلا ماكانوش قتيراحات ؤلا ملاحضات خرين، ڤوطيو عافاكم إينا مصطلح يكون ف لعنوان، ؤ إينا واحد ؤلا وحدين يكونو ف لبدية د لمقال كا مرادفات. --Ideophagous (نقاش) 16:15، 08 ماي 2021 (+02)
    @OussamaOuh, Reda benkhadra, Anass Sedrati, سمير تامر, و عصام أزناك: دّراري، شي ڤوط هنا باش نساليو هاد لموضوع. أنا كنڤوطي علا بيضة (ؤ لجمع ديالها بيضان) ف لعنوان، حيت ديجا متداولة عند لمغاربة ؤ ماعندهاش معنى زنقاوي بحال قلوة. ؤ تّزاد خيصية ف لبدية حتا هيّا. وخّا ب صراحة عجباتني ديك ڭلاية، ولاكين ماكانضنش خاصنا نزيدو كلمات جداد، غير يلا ماعندناش ختيار. --Ideophagous (نقاش) 07:07، 11 ماي 2021 (+02)
    أنا عجباتني ݣلاية و لكن نختارو بيضة حيت كلمة متداولة كتر فدارجة

    كانڤوطي على بيضة عصام أزناك (نقاش)

    صافي نديرو بيضة و بين قوسين لجيم د بنادم، باش مانخلطوهاش مع لبيض ديال لبراطل. -- Anass Sedrati (نقاش) 07:22، 11 ماي 2021 (+00)ردّ[ردّ]
    كنضن بيضة (أناطومي) تجي حسن، حيت لبيضان كاينين عند تّديات كاملين، ؤ حتا لارتيكل كيهضر بشكل عام. نقدّو نزيدو پاج ديال تّوضيح، ؤ لّيان ديالها ف لبدية. --Ideophagous (نقاش) 09:45، 11 ماي 2021 (+02)
    @Ideophagous, Reda benkhadra, Anass Sedrati, سمير تامر, و عصام أزناك:أنا معا ڭلاية+الشرح منين جات، حيت بيضة قريبة للبّويضة عند لمرا Ovule اللي كايعطيها لمبيض Ovaire، ولخلية ديالها سميتها Ovocytes : لخلايا لبيضاوية(بيضوخلية) ،وهادشي غايطرا فيه تخلاط.وزيدون ڭلاية->ڭلوة -> قلوة. حيت اصلا شي مرات غالدارجة القاف كانرضوها ڭ، بحال ڭلتليك بلاصت قلت ليك. هادشي اللي بان ليا انايا.

    و إيلا بقينا كانخدمو نفس لكلمات راه الدارجة غاتبقا لغة فقيرة فليكسيك لعلمي ديالها وهادشي حنا اللي مابغيناهش يكون.-- OussamaOuh

    سلام سّي @OussamaOuh:. نّيقاش دابا غير علا لعنوان. وسط لارتيكل تقدر تستعمل أي مصطلح جاك مناسب. ف جميع لحالات هادشي يقدر يتبدّل من بعد، علا حساب لفيدباك لّي غادي يكون من عند لقاريين ؤ لإعلام ف لمغريب. --Ideophagous (نقاش) 07:10، 12 ماي 2021 (+02)
    تّحويل تدار. --Ideophagous (نقاش) 19:58، 22 ماي 2021 (+02)

    قلوة هو الإسم المتعارف عليه أي أنه المعروف عند المغاربة، وأي كلمة غيرها فهي دخيلة Omarboulma1926 (مداكرة) 11:04، 18 يوليوز 2022 (+01)ردّ[ردّ]

    مرحبا سّي @Omarboulma1926:. هاد نّيقاش كان ديجا تسد، واقيلا خاصني نحوّلو ل لأرشيڤ. لمغاربا بشكل عام كيڭولو تا بيضات ؤلا فولات د رّاجل. مشينا معا بيضة حيت كلمة مقبولة. قلوة كاتبقى كلمة زنقاوية. شوف لمداكرة لتحت على واش أصلا هاد لمقال ديال قلوة خاصو يبقى ؤلا لا. Ideophagous (مداكرة) 11:17، 18 يوليوز 2022 (+01)ردّ[ردّ]

    متافق معاكم، كلمة مناسبة. الله يوفق Omarboulma1926 (مداكرة) 15:06، 18 يوليوز 2022 (+01)ردّ[ردّ]

    ملحوضية[بدل لكود]

    سلام @OussamaOuh, Anass Sedrati, Reda benkhadra, سمير تامر, Mico2022, Omarboulma1926, و DocPPicola:. كيبان ليّا هاد لموضوع ماعندوش ملحوضية كافية. ماعندنا تا شي معلومات على تّاريخ ؤلا سّتيعمالات د هاد لموصطلح من مصادر أكاديمية ؤلا إخبارية، ؤ من غير شّرح ؤ لأصل د لكلمة، ماكانضنش بلي نقدرو نزيدو نكتبو فيه شي حاجة. كيبان ليّا حسن يتزاد ف لويقاموس ؤ يتحيّد من هنا. Ideophagous (مداكرة) 12:50، 17 يوليوز 2022 (+01)ردّ[ردّ]

    السلام السي منير. الصراحة تانا متافق حيت مقالة على نفس لموضوع بسمية آخرا. اللي نصدرو نديرو هو تحويلة من هادي للاخرا، حيت را ضروري كاين اللي غادي يقلّب على هاد السمية هنايا و من لأحسن تديه للمقالة اللي كاينة أصلا. شنو بانليك؟ آه ومعلوم ف ويقاموس ضروري خاص يكونو بجوج حيت هداك هو لهدف د قاموس أصلا. -- Anass Sedrati (مداكرة) 14:39، 17 يوليوز 2022 (+01)ردّ[ردّ]
    هوّا مبدئيا هاد لمقال خلّيناه غير على ود لكلمة زّنقاوية ؤ سّتيعمالات ديالها، كيما ف نّڭليزية دايرين مقال على bollocks، لي معزول على testicle. مي حيت بشكل عام بحال هاد لكلمات باقين طابو ف لمجال لعام عند لمغاربا، ؤ تا لأكاديميين ماغاديش ف لغالب يديرو بحت عليهوم، كانضن غير يتحيّدو ف مرة. ب نّسبة ل طبون كنت لقيت شي تفاصيل مزيانة على تّخدام د لكلمة ف لمسرح، داكشي علاش نقدرو نخليو لمقال ديالو. Ideophagous (مداكرة) 16:17، 17 يوليوز 2022 (+01)ردّ[ردّ]
    تعليق أمغاري: صّفحة د لمقال تحيدات. صّفحة د لمداكرة خليتها باش تبقا ف ليسطوريك د لموسوعة.--Ideophagous (مداكرة) 13:01، 3 نونبر 2022 (+01)ردّ[ردّ]