مداكرة:عبد الجليل حجي

تدريج المقال

سلام @Omar.idma. عافاك زيد راجع و درّج هاد المقال. كاينين باقي مصطلحات و تعابير لي ماكيتخدّموش ف الدارجة. متلا كانڭولو "كورة" ماشي "كرة القدم" (القَدَم بالعربية هيّ الرّْجل ب الدارجة). "لاعب كرة قدم" كاتّڭال بالدارجة ف كلمة وحدة هيّ "كوايري". "الصين" كانڭولو ليها "الشينوا". "خارج المغرب" => "برّا المغرب". بغيتي تكتب ب إملاء قريب للعربية "المغرب" ماشي قريب للنطق "لمغريب" ماشي موشكيل، ولايني حضي عافاك معا المصطلحات و التعابير لي ماكيڭولوهمش المغاربا ف هضرتهم العادية. شكرا و تهلا! Ideophagous (مداكرة) 12:46، 20 نونبر 2025 (+01)

سلام @Ideophagous. شوف راه درت واحد لمراجعة. غير هوا شي جمل وشي مصطلحات ماعرفت كي ندير ليهم: "لقدرة ديالو على التكيّف التكتيكي والبدني ف بيئات كروية مختالفة". مثلا "التكيّف التكتيكي والبدني" كانظن ماعندهاش شي بديل — Omar.idma (مداكرة) 13:39، 20 نونبر 2025 (+01)

سلام @Omar.idma. شكرا على المجهود ديالك. يلا كان مصطلح ولّا تعبير ضروري و ماكاينش ف الدارجة ماشي موشكيل يلا تخاد من العربية ولّا شي لغة خرة، ولايني ماخاصش نخلّيو كلمات و تعابير متداولين و مفهومين ب الدارجة و نديرو بلاصتهم كلمات و تعابير ب لغة خرة. عندي جوج ملاحظات إضافيين:

1. بالنسبة للصوت g كانخدمو ب الحرف ݣ (گ الفارسي حتى هو مقبول)، ماشي "غ"، "ج"، "ك" ولّا أي حرف خور، حيت النطق و المعنى كايتبدّلو على حساب هاد الحرف (بحال: جلى، كلى، غلى و ڭلى/قلى ماكيعنيوش نفس الحاجة)
2. القاعدة ديال التعريف بالنسبة للحروف الشمسية هيّ إما "ال" ولّا الشدة ف الحرف اللول (دار => الدار ولّا دّار). تقدر تشوف التفاصيل ف ويكيپيديا:كناش لقواعد

Ideophagous (مداكرة) 20:02، 20 نونبر 2025 (+01)