مداكرة:المغرب ما قبل الروماني والروماني

خط مضغوط + مصادر

سلام @Sakinato. شكرا على المساهمات ديالك. عافاك حضي معا التخدام ديال لخط لمضغوط لي كايكون عادةً غير ف السمية د لموضوع ف لبدية. باقي المقال نادراً فاش كايتخدّم فيه لخط لمضغوط باش مايشتتش لإنتباه د لقاري. حاول عافاك تزيد مصادر تاهوما باش المقال يكون موتّق و قابل للمراجعة. متلا المعلومة على "موريطانية الطنجية" و "موريطانية القصرية" ماكانتش صحيحة، حيت هادو أقاليم تابعين للرومان لي تدارو بعدما طاحت مملكة موريطانية. شكرا و تهلا! Ideophagous (مداكرة) 19:18، 5 أكتوبر 2025 (+01)

سلام

انا غادي ننسحب من المسابقة جيت كل مرة كنعمل تعديل شي واجد كيمسحلي الصفحة ويبدلها. خصوصا في صفحة الرومان

كنتمنى نجبر جواب مقنع Sakinato (مداكرة) 16:07، 6 أكتوبر 2025 (+01)

مرحبا @Sakinato. المقالات د ويكيپيديا كايتصاوبو بشكل تشاركي. حتى شي واحد ما "كايملك" شي مقال ديالو بوحدو كايبدّل فيه غير هوّ. يلا بان ليك شي تعديل ماكاتافقش معاه، ماعليك غير تحل موضوع جديد ف الصفحة د المداكرة ديال المقال، و تطلب تفسير لداك التبديل. شكرا و تهلا! Ideophagous (مداكرة) 16:11، 6 أكتوبر 2025 (+01)

نحاول مرة اخرىب. على العلم هادي اول تجربة لي مع ويكيبيديا Sakinato (مداكرة) 16:21، 6 أكتوبر 2025 (+01)

@Sakinato إيوا مرحبا بيك معانا. يلا شفتي ف الصفحة د المداكرة ديالك، غادي تلقى بلي توصلتي ب واحد الميساج فيه عدد الحوايج المهمين لي خاص الواحد يعرف على ويكيپيديا. فاش يكون عندك وقت، حاول تدوز على دوك الصفاحي باش تاخد فكرة أوضح. و يلا عندك سؤال ف أي وقت، مرحبا. Ideophagous (مداكرة) 16:36، 6 أكتوبر 2025 (+01)

شكرا Sakinato (مداكرة) 16:49، 6 أكتوبر 2025 (+01)