مداكرة:الصفحة اللولا

مقالة صفحة اللولا

سلام خوتي ◀ Ideophagous◀ Reda benkhadra◀ Anass Sedrati◀ Mounir Neddiأش ضهر ليكوم بلي راه خاص المقالة تاع الصفحة اللولة تبدل كلا نهارتبديل   Mico2022 22:25، 19 يناير 2023 (+01)

سلام خاي مصطفى. إيه، يلا بغيتي تقتارح مقالة تّزاد ف ديك لفقرة، شوف الشروط هنا. كاينة عطاشة بوتية لي كنت درتها باش تقتارح لمقالات، ولاكين فيها شي موشكيل، و خاص نصلحها قبل ما نعاود نلونصيها.-- Ideophagous (مداكرة) 00:31، 20 يناير 2023 (+01)

لأرتيكل لمزيانة ديال ليوم؟

سلام معشر الويكيپيديين @Anass Sedrati @Reda benkhadra @Abdes101 @Buyd @Taloubant @Hkatib @ESkweela @سنوببي @Lucyin @MhTheEXPLORER كانقتارح باش نبدّلو العنوان ديال الفقرة د "لأرتيكل لمزيانة ديال ليوم" ل " لأرتيكل لمزيانة ديال الشهر" حيت عملياً راه ماكانبدّلوش داك المقال كلا نهار، و ماعندناش عدد كافي ديال الكتاتبيا باش نديرو تصويت و نبدّلو المقالات ب فريكونص طالعة، بلا قضية بلي ماكاينينش أصلا مقالات كافيين ب جودة عالية باش نقدرو نختارو منهم. أ شنو بان ليكم؟ Ideophagous (مداكرة) 12:14، 25 يناير 2025 (+01)

معا - السلام Ideophagous - أنا متافق, و عندك لحق را قليل فين كانبدلو ديك لمقال. -- Anass Sedrati (مداكرة) 12:23، 25 يناير 2025 (+01)

@Ideophagous سلام، كايبان ليا اقتراح معقول. مرة فالشهر خير. ESkweela (مداكرة) 12:33، 25 يناير 2025 (+01)

تانا متافق على لفكرة Reda benkhadra (مداكرة) 12:50، 25 يناير 2025 (+01)

انا متافق اقتراح فمحلو Hkatib (مداكرة) 16:15، 25 يناير 2025 (+01)

معا سنوببي (مداكرة) 01:58، 26 يناير 2025 (+01)

علاش الكتابة غريبة؟ واش تتحول تبان بعيد من العربية بالعاني؟

واش الناس تيبدلوا الكتابة بالعاني باش تبان الدارجة مبدلة على الفصحى

عمري شي واحد تيكتب المغرب لمغريب ولا لغة تيكتبها لوغة ولا تيكنولوجيا طيكنولوجيا (وشخصيا أنا تنطقها بتاء)

لي كنتي غادير ويكيبيديا بالدارجة خاصك تكتب كما تكتبوا الناس، واخا يكون النطق مبدل، حيث مثلا أنا تنطق المغرب لمغرب كاملة بصوت /ə/ كتب كما الناس، باش القراية تكون مرتاحة للعين Anasazzouzigo (مداكرة) 04:10، 19 مارس 2026 (+00)

سلام @Anasazzouzigo. مرحبا بيك ف ويكيپيديا ب الدارجة. سوا كتبنا "لمغريب" ولّا "المغرب"، "الداريجة" ولّا "الدارجة" راه علاقها معا الفصحى واضحة و باينة. السبب الرئيسي هوّ باش يكونو الكلمات مفرّزين و مايتخالطوش ف النطق و المعنى (لمغريب => بلاد - لمغرب/لموغرب => وقت ديال الصلا، غروب الشمش). كاينين تا ناس لي كاينطقو "طيكنولوجيا" ب الطا، منهم أنا نيت. و زيدون عادةً أصوات i و u و ou كايرتابطو ب حروف مرققين و أصوات e و o كايرتابطو عادةً ب حروف مفخمين، داكشي علاش "تيكنولوجيا" شخصيا كاتجيني بحال يلا غادي تّقرا tiknulujia عكس طيكنولوجيا لي حيت كاتبدا ب الطا كاتفخّم الكلمة كاملة teknolojia. ف جميع الحالات مايمكنش نفرضو طريقة د الكتابة، من غير الحالات ديال الإلتباس لي واضحين (بحال التخدام ديال "أو" لي ماشي واضح واش مقصود بيها "أَوْ" ديال العربية ولّا "و" ديال العطف)، و لي كايهم هو المحتوى يكون واضح و مفهوم. سهولة القراية و تتبيت القواعد د الكتابة كايجيو معا المعيارة ديال اللوغة لي حنا باقين بعاد عليها. هيّ خدمة ديال مؤسسات ولّا دولة، ماشي ديال أفراد.

جوج ملاحظات:

1. شوف متلا يلا كتبنا "بلغة"، مايمكنش نعرفو واش المقصود هوّ الملبوس د الرجلين التقليدي "بلغة"، ولّا "ب لوغة".
2. الكتابة ديال حروف العلة ماشي المقصود منها هوّ تطويل الأصوات، ولايني هوّ باش الحاراكات يكونو باينين و مافيهمش إلتباس كيفما ف الكتابة اللاتينية (لاحظ بلي "حْرْكة" = حملة عسكارية ديال المخزن، ماعندهاش نفس المعنى ديال "حاراكة"). هاد السيستيم د الكتابة قتارحو الليساني المغريبي محمد المدلاوي. تقدر تقرا الكتاب ديالو هنا.

Ideophagous (مداكرة) 17:03، 19 مارس 2026 (+00)