مخ

مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.

مقالة زنقة ماكاتخرجش. هاد لمقالة ما كاتوصّل ل تا شي مقالة خرة، حاول تزيد فيها ليانات د مقالات خرين كاينين ف لموسوعة.

لمخ ولا الدماغ^[1] هو العضو الرئيسي ديال الجهاز العصبي عند الحيوانات عند جميع الكائنات الفقريات (اللي عندها السنسول)، وحتى عند بزاف ديال الحيوانات الافقرية اللي (اللي ماعندهاش السنسول). المخ كاين فالرّاس، وقريب من الحواس بحال العينين.هو أكثر عضو معقّد فالجسم عند الكائنات اللي عندها فقاريات. عند الإنسان، القشرة ديال المخ فيها علاين ما بين 14 حتى لـ16 مليار خلية عصبية^[2]، والمخيخ فيه ما بين 55 حتى لـ70 مليار خلية عصبية.^[3] هاد الخلايا العصبية ولا العصبونات كيربطو بيناتهم المشابك العصبية، وكل خلية كتكون مربوطة مع آلاف ديال عصبونات اخرين. هاد العصبونات كيتواصلو مع بعضياتهم عبر واحد الألياف طوال اللي كيتسمّاو المحاور العصبية، اللي كتنقل السيالات العصبية باش توصل لواحد المناطق معيّنة فالدماغ، ولا توصل لواحد النوع محدد ديال الخلايا المستقبلية اللي كاينة ف الجسم.

الدماغ هو اللي كيتكلف بالتحكم المركزي فجميع الأعضاء ديال الجسم. وتيسيطر على الجسم كامل حيث كينتج نماذج ديال الحركات العضلية وكينظّم إفراز ديال المواد الكيماوية اللي كيتسمّاو الهرمونات. هاد التحكم المركزي كيعطي للجسم القدرة باش يرد الفعل بالزربة وبطريقة منسجمة مع التغيّرات اللي كاتوقع فالمحيط لي هو فيه. باش يكون التحكم دقيق فالسلوك، خاص الدماغ حيث عندو القدرة باش يجمع المعلومات ويحللها من بعد ما تجيه من الحواس.

الأناتومي ديال الدماغ

الدماغ هو البنية البيولوجية اللي فيها تعقيدات بزاف فالكائنات الحية اللي كنعرفو، وهاد التعقيد كيدير المقارنة بين الأدمغة ديال الكائنات المختالفة شوية صعيبة إلا درناها غير على حساب الشكل ديالهم. واخا هاكذاك، كاينين بزاف ديال الحوايج اللي كيتشابهو فيهم الأدمغة ديال أنواع كثيرة من الكائنات.^[4]

كاينين ثلاثة طرق كيتكاملو باش نبينو هاد التشابهات:

الطريقة التطورية (Évolutionniste): كتقارن الأنتومي ديال الدماغ بين الكائنات المختالفة وكتعتمد على بلي الحوايج اللي كيتشاركو فيها الأنواع اللي نازلين من نفس الجد، راه كانو كاينين عند داك الجد المشترك.
الطريقة التطوّرية النمائية (Développementale): كتركّز على كيفاش الدماغ كيتشكّل من المرحلة ديال الجنين حتى كيولي بالغ.
الطريقة الجينية (Génétique): كدير دراسة لكيفاش كيمشيو الجينات فالمناطق المختالفة ديال الدماغ.

الأصل ديال الدماغ راجع لواحد المرحلة قديمة بزاف فالتاريخ التطوري، مع الظهور ديال الثنائية التماثل (Bilatériens)، وهما كائنات عندهم الجسم متناظر من ليمن وليسر، وهادشي وقع علاين ما بين 550 حتى لـ560 مليون عام. الجد المشترك ديال هاد الكائنات كان عندو جسم على شكل تيو، بحال الدودة، مقسّم لوحدات (segments)، وهاذ الموديل باقِي كيبان فالبنية ديال جميع الكائنات الثنائية التماثل اللي كاينين دابا، من بينهم الإنسان.

هاد البنية الأساسية ديال الجسم كانت عبارةعلى واحد التيو فيه تيو آخر ديال الهضم اللي كيربط الفم مع المخرج (الشرج)، وفوق منو كاين حبل عصبي فيه عقد عصبية (ganglions) فكل وحدة من لوحدات ديال الجسم، ومن بينهم عقدة عصبية كبيرة فالرّاس كيتسمّى "الدماغ".^[4]

البلايص لي فالدماغ

فالتشريح العصبي ديال الكائنات اللي عندها حبل شوكي (Chordés)، الدماغ كيتقسم غالباً لخمسة ديال البلايص اللي رئيسية، اللي كيتحددو على حسب التطور ديال الجهاز العصبي اللي كيبدا من الأنبوب العصبي (tube neural). هاد المناطق هما:

التيلينسيفال (Télencéphale)
الديينسيفال (Diencéphale)
الميسينسيفال (Mésencéphale)
المخيخ (Cervelet)
النخاع المستطيل (Bulbe rachidien)

كلا بلاصة من هاد البلايص عندها بنية داخلية معقدة. بعض البلايص بحال القشرة الدماغية (Cortex cérébral) أولا المخيخ (Cervelet) كيكونو مكوّنين من طبقات اللي كيديرو طيّات معوجة (circonvolutions cérébrales)، وهاد الطيّات كيعاونو باش تزيد المساحة ديال القشرة بلا ما يكبر الحجم بزاف، باش يقدر الدماغ يتخبّى مزيان فالجمجمة (boîte crânienne).

البلايص لاخرين ديال الدماغ كيتكوّنو من بزاف ديال لي نوايو العصبية (noyaux)، وهما اللي كيشكلو التجمعات ديال الخلايا العصبية اللي خدامين فوظائف خاصة.

واخا كاينين تقسيمات واضحة فالتركيب العصبي (structure neurale)، ولكن إلا شفنا من ناحية التركيبة الكيميائية (chimie) وطريقة التواصل (connectivité) بيناتهم، غادي نلقاو الآلاف ديال البلايص المختالفة اللي ممكن نفرّقوهم فالدماغ ديال الكائنات اللي عندها حبل شوكي.^[5]

↑ المعجم الموحد لمصطلحات علم الأحياء. 1993.
↑ Kenneth S. (2011). Human anatomy. New York : McGraw-Hill. ISBN 978-0-07-352560-0.
↑ von Bartheld, Christopher S.; Bahney, Jami; Herculano-Houzel, Suzana (2016-12-15). "The search for true numbers of neurons and glial cells in the human brain: A review of 150 years of cell counting". The Journal of Comparative Neurology. 524 (18): 3865–3895. doi:10.1002/cne.24040. ISSN 1096-9861. PMID 27187682. {{cite journal}}: Unknown parameter |PMCID= ignored (|pmc= suggested) (معاونة)
1 2 Oxford University Press (ب الفرنسية). 2025-06-21.
↑ Kandel, Peter (2000-12). "Looking back". The Lancet. 356 (9248): 2206. doi:10.1016/s0140-6736(05)73056-7. ISSN 0140-6736. {{cite journal}}: Check date values in: |date= (معاونة)

[1] المعجم الموحد لمصطلحات علم الأحياء. 1993.

[2] Kenneth S. (2011). Human anatomy. New York : McGraw-Hill. ISBN 978-0-07-352560-0.

[3] von Bartheld, Christopher S.; Bahney, Jami; Herculano-Houzel, Suzana (2016-12-15). "The search for true numbers of neurons and glial cells in the human brain: A review of 150 years of cell counting". The Journal of Comparative Neurology. 524 (18): 3865–3895. doi:10.1002/cne.24040. ISSN 1096-9861. PMID 27187682. {{cite journal}}: Unknown parameter |PMCID= ignored (|pmc= suggested) (معاونة)

[:0-4] 1 2 Oxford University Press (ب الفرنسية). 2025-06-21.

[5] Kandel, Peter (2000-12). "Looking back". The Lancet. 356 (9248): 2206. doi:10.1016/s0140-6736(05)73056-7. ISSN 0140-6736. {{cite journal}}: Check date values in: |date= (معاونة)

[1]

[2]

[3]

[4]

[5]