انتقل إلى المحتوى

محمد وهبي

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
محمد وهبي
معلومات عامة
زيادة7 شتنبر 1976 (49 عام)
سكربيك
لجنسيةبلجيكا
لمغريب
لحرفةمدريب د لكورة
رياضة
رياضةكورة


محمد وهبي (مزيود ف 7 شتنبر 1976)[1] مدريب مغريبي د كورة لي ف 5 مارس 2026 ولّى لمدريب ديال لمنتخب لوطني لمغريبي د كورة، مور وليد الرڭراڭي. ف دجنبر 2025، كان تعيّن مدريب ديال لمنتخب لوطني لمغريبي د قل من 23 عام.

حياتو

[بدل | بدل لكود]

تزاد وهبي ف مقاطعة سيتي دي زان ف شيربيك، لي تابعة ل منطقة بروكسيل ف بلجيكا، ل فاميلة ريفية أصلها من الناضور، و كبر ف بروكسيل.[2]

ملي كان عندو 10 سنين، كان كيتبّع كاس لعالم 1986 معا فاميلتو، و ولّى شغوف ب كورة. لفاميلة ديالو كانت كاتشجع لمنتخب ديال بلجيكا، ولايني سيرتو حتى لمنتخب لمغريبي لي وصل ديك الساع للدور التاني. من بعد، بدا وهبي كايقرا باش يولّي معلّيم ف شيربيك، و كان كايتمنى باش يدمج خدمتو معا الشغف ديالو ب كورة.[3]

لكاريير د التدريب

[بدل | بدل لكود]

لبدية معا ماكابي بروكسيل

[بدل | بدل لكود]

بدا وهبي لكاريير ديالو د التدريب على عمر د 21 عام. ف 1997، نضمّ ل نادي ماكابي بروكسيل و بدا كايتريني فئات الشباب ديالو.[4] دوّز 6 د لمواسم تماك، و قادّ برامج ديال التدريب على حساب لفئات لعمرية، و خدا تجربة مبكرة ف مراقبة اللعابا، التخطيط  و التقييم.[3]

ف لفترة لي كان خدام فيها ف واساط إجتماعي متنوع فيه لعابا من خلفيات مختالفة، ركّز بزاف على الإدماج و على التعليم لمشتارك عبر الرياضة. هاد لفترة عاوناتو يطوّر مهارات لقيادة و التواصل، و يخلي الصور النمطية على جنب، و يعطي لأولوية للتعلم و للتربية كثر من لمنافسة لقاصحة.[3]

واخا النتائج الرياضية ما كانتش هي لأولوية قدّام لأهداف التربوية ديال النادي، هاد لمرحلة ولات أساس ف لفلسفة التدريبية ديال وهبي. من خلالها تشكّل لأسلوب التربوي ديالو و وجّد باش يخدم ف مراكز تكوين ديال الشباب ف مستويات أعلى، و هاد الشي لي خلاه من بعد يخدم مع أندية حترافية ف بروكسيل.

أنديرليخت

[بدل | بدل لكود]

فـ2003، وهبي لتاحق ب أنديرليخت[5] و بدا مع فرقة قل من 9 سنين، لي كانو فيه لعابا بحال شارلي موصوندا جونيور. و عدنان يانوزاي. تما عاود تلاقى مع صاحبو يانيك فيريرا، لي كان تعرّف عليه فـ ماكابي بروكسيل، و تعرّف حتى على التجهيزات ديال واحد من أكبر لأندية ف بلجيكا.[3] من بعد طلع بشوية بشوية ف الفئات الصغرى، و درّب فراقي من U10 حتى لـ U21.[6]

ف موسم 2014–2015 ديال بوطولة الشباب د ؤروپا، قدر يوصل معا أنديرليخت حتى للدومي فينال، فين خسرو بـ 3–1 قدّام إف سي شاختار ضونيتسك فـ نيون.[7]

ف بداية موسم 2015–2016 ديال بوطولة بلجيكا، وهبي ولا مساعد لمدريب ديال لفرقة اللولة تحت قيادة بيصنيك هاسي.[5] أنديرليخت سالا لموسم ف المركز الثاني ورا نادي بروڭ ك.ڤ، و تأهل للإقصائيات ديال 2016–2017 ديال دوري أبطال ؤروپا.

ف الدوري لأوروپي، لفرقة وصلات حتى لدور الـ16، و ربحات ضد ؤلاپياكوص قبل ما تقصى قدّام شاختار ضونيتسك.[8] من بعد ما جرّاو على بيصنيك هاسي فـ ماي 2016،[9] وهبي رجع يخدم مرة خرى ف التدريب ديال الفئات الصغرى.

ف موسم 2017–2018، و هو مدريب ديال U17، ربح بطولة بلجيكا ديال قل من 17 عام، و ب هاد الشي تأهلات لفرقة ل بوطولة الشباب د ؤروپا.[10] من بعد خدا حتى الليصونص پرو د UEFA ديالو فـ 2018.[11]

بقى كيدرب الفئات الصغرى ديال أنديرليخت حتى لـ 2021، فين علن بلي غادي يخلي النادي من بعد 17 عام ديال لخدمة تما.[12]

لمنتخب د قل من 20 عام

[بدل | بدل لكود]

فـ مارس 2022، تعيّن وهبي من عند فوزي لقجع، رئيس الجامعة لملكية لمغريبية د كورة، مدريب جديد ديال لمنتخب لمغريبي د قل من 20 عام، و كان كيعاونو جمال آيت بن إيدر، و جا بلاصت زكريا عبوب.

قاد لمنتخب ف عدة بوطولات جهوية، بحال كاس لعرب د قل من 20 عام 2022، و بوطولة UNAF د قل من 20 عام ديال 2022 و 2023 و 2024. ف النسخة ديال 2024 ربح لمغريب اللقب، و ب هاد الشي تأهل ل كاس إفريقيا د قل من 20 عام 2025.[13]

فـ كاس إفريقيا د قل من 20 عام 2025 لي تدار ف مصر، تصدّر لمغريب لمجموعة ديالو، و ربح مصر ف الدومي فينال، و سالا ف المركز الثاني من بعد ما خسر بـ1–0 قدّام جنوب إفريقيا ف الفينال.[14]

من بعد ف داك العام، قاد لمغريب ف كاس العالم د قل من 20 عام 2025 لي تدار ف شيلي. لمغريب ربح لميريكان ف كار د فينال (3–1)، و تفوّق على فرانسا ف الدومي فينال ب لپيلانتيات، و ربح لفينال بـ2–0 قدّام لارجونتين، و ب هاد الشي خدا لمغريب أول لقب ديالو ف كاس لعالم د قل من 20 عام.[15]

ف أكتوبر 2025، ترشّح وهبي ل جايزة مدريب لعام ديال CAF.[16]

لمنتخب د قل من 23 عام

[بدل | بدل لكود]

ف دجنبر 2025، تعيّن مدريب ديال لمنتخب لوطني لمغريبي د قل من 23 عام.[17]

لمنتخب د لكبار

[بدل | بدل لكود]

ف 5 مارس 2026 تعيّن مدريب ديال لمنتخب لوطني لمغريبي د كورة، مور وليد الرڭراڭي.[18][19]

جوائز

[بدل | بدل لكود]

لمنتخب د قل من 20 عام

مصادر

[بدل | بدل لكود]
  1. ↑ "Mohamed Ouahbi - Stats and titles won - 2026". footballdatabase.eu. Retrieved 2026-04-09.
  2. ↑ "محمد وهبي.. المدرّس الذي علّم الحلم كيف يصبح إنجازا". sport.al3omk.com (ب العربية). Retrieved 2025-10-21.[ليان مهرس ديما]
  3. 1 2 3 4 "PORTRAIT. Mohamed Ouahbi, symbole du renouveau de la formation anderlechtoise". www.bxlbondyblog.be (ب الفرنسية). Retrieved 16 October 2025.
  4. ↑ Nabile, Omar. "Mondial U20: qui est Mohamed Ouahbi, le faiseur de rêves marocain?". Le 360 Sport Français (ب الفرنسية). Retrieved 16 October 2025.
  5. 1 2 "Mohamed Ouahbi verlaat RSCA | RSC Anderlecht". www.rsca.be (ب الهولندية). Retrieved 16 October 2025.
  6. ↑ "Mohammed Ouahbi: le pilote des Lionceaux U20 qui a mené le rêve marocain à la scène mondiale". SNRTnews (ب الفرنسية). Retrieved 16 October 2025.
  7. ↑ UEFA.com. "Anderlecht vs Shakhtar | UEFA Youth League 2014/15". UEFA.com (ب الإنجليزية). Retrieved 16 October 2025.
  8. ↑ "Anderlecht 1-0 Olympiacos (Feb 18, 2016) Final Score". ESPN (ب الإنجليزية). Retrieved 16 October 2025.
  9. ↑ "Anderlecht officialise le départ de Besnik Hasi - RTBF Actus". RTBF (ب الفرنسية). Retrieved 16 October 2025.
  10. ↑ "Les U17 sont champions et en Youth League! | RSC Anderlecht". www.rsca.be (ب الفرنسية). Retrieved 16 October 2025.
  11. ↑ "UEFA PRO Licence voor paars-wit trainerskwartet! | RSC Anderlecht". www.rsca.be (ب الهولندية). 14 May 2018. Retrieved 16 October 2025.
  12. ↑ "OFFICIEEL: Anderlecht neemt na 17 jaar afscheid van Ouahbi: "Een icoon"". VoetbalPrimeur.be (ب الهولندية). 26 May 2021. Retrieved 16 October 2025.
  13. ↑ "Morocco and Egypt secure spots in TotalEnergies U-20 Africa Cup of Nations". cafonline.com (ب British English). Retrieved 16 October 2025.
  14. ↑ "South Africa crowned U-20 AFCON champions after historic win over Morocco". cafonline.com (ب British English). Retrieved 16 October 2025.
  15. ↑ "(Images) Coupe du monde U20 : le Maroc, champion du monde". L'Opinion Maroc (ب الفرنسية). Retrieved 20 October 2025.
  16. ↑ "Nominees in the Men's categories for CAF Awards 2025 announced". Nominees in the Men's categories for CAF Awards 2025 announced (ب British English). Retrieved 2025-10-22.
  17. ↑ Tolaimate, Chadi (2025-12-08). "Mohamed Ouahbi to Coach Morocco U-23 National Team". Morocco World News (ب American English). Retrieved 2025-12-16.
  18. ↑ "Regragui departs as Morocco appoint Ouahbi as new coach". BBC Sport. 5 March 2026.
  19. ↑ Gamra, Abderrahim Kabbour, Farah Ben (2026-03-05). "Official: Mohamed Ouahbi Takes Over as New Coach for Morocco". Morocco World News (ب American English). Retrieved 2026-03-05.{{cite web}}: CS1 maint: multiple names: authors list (link)
  20. ↑ "Morocco U20 crowned World Champion". www.cnom.org.ma (ب الإنجليزية). Retrieved 2025-12-06.
مرجّعة من "https://ary.wikipedia.org/w/index.php?title=محمد_وهبي&oldid=503701"