محمد رزين
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
محمد الرزين
| ||
 | ||
| معلومات عامة | ||
| زيادة | 1946 | |
| لموت | 23 أكتوبر 2025 (78/79 عام) | |
| لجنسية | لمغريب | |
| لبلاد | لمغريب | |
| لحرفة | مومتيل | |
| لّوغات لي كيعرف | عربية | |
محمد الرزين (1946 - 23 أكتوبر 2025) هوّ مومتيل مغريبي، شارك ف بزاف د لمسلسلات و لأفلام لمغريبية.[1] كايتعتابر من رّواد د فن تّمتيل ف لمغريب، فين ساهم ف لإنتاجات سّينيمائية لّولة.
محمد الرزين من لمومتيلين لمغاربة لكبار لي ما تّعطاتش ليهوم فرص بزاف ف سّينيما لوطنية باش يبينو لإمكانيات ديالهم ف تشخيص لأدوار لبسيطة و لـمركبة. بدا كـايبان ف تّلفزة ف وقت مبكر ف ستينات لقرن لفايت، ف أعمال كانت كاتبث ف داك لوقت مباشرة. وقف قدام لكاميرا د سّينيما لمرة لّولة ف عام 1978 ف فيلم "لقنفودي" ديال نبيل لحلو و فيلم "لسراب" (1979) ديال أحمد البوعناني.
عند هاد لفنان رصيد محترم د لأعمال لمسرحية لي شارك فيها من مرحلة لهواية (من 1962 تال 1968)، و داز من مرحلة تّكوين ف لمعهد لوطني د لموسيقى و رّقص و لفن لمسرحي ف الرباط، و موراها قرّى فيه و نخرط ف لفرقة د "لقناع صّغير"، و فرقة لـمسرح لوطني محمد لخامس، و غيرها من لفرقات لخرين. تفتح حتى على تّجارب د لمخرجين لمسرحيين شّباب بحال فوزي بن السعيدي ف مسرحية "لفيل". و وخا هاد لقوة لكبيرة ف تّمتيل، ما تّستغلاتش لقدرات ديالو ب لـمطلوب ف سّينيما و تّلفزة و لـمسرح.
شارك الرزين فـ قرابة عشرين عمل سينيمائي و تلفزيوني أجنبي لي تّصور ف لمغريب، نقدرو نذكرو منها مثلاً: فيلم د لمخرج لفرانساوي فيليب دي بروكا (1933-2004)، و فيلم "ألف ليلة وليلة" (1990)، و تقريبا كاع سّلسلة د "لإنجيل" (The Bible). أما تّجربة ديالو مع سّينيما لمغريبية راه ممتدة من 1978.
توفى محمد الرزين ف صّباح د نهار لخميس 23 أكتوبر 2025 (لموافق لواحد جمادى لّولة 1447هـ)، على عمر ناهز 79 عام، مورا صراع طويل مع لـمرض.[2]
- ↑ "محمد الرزين - تمثيل فيلموجرافيا، صور، فيديو". elCinema.com (ب العربية). Retrieved 2019-10-25.
- ↑ "الفنان المغربي الكبير "محمد الرزين" في ذمة الله". akhbarona.com. 2025-10-23. Retrieved 2025-10-23.
