محمد بن عبد السلام
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
محمد بن عبد السلام
| ||
| ||
| معلومات عامة | ||
| زيادة | 1932 سلا | |
| لموت | 9 يناير 2025 (92/93 عام) الرباط | |
| لجنسية | لمغريب | |
| لحرفة | ملحّين | |
محمد التواشي لمعروف ب محمد بن عبد السلام (مزيود ف 1930 ولّا 1932 ف سلا، توفى ف 9 يناير 2025 ف الرباط) ملحّين مغريبي. كان كيتلقّب ب "سيد لأغنية لمغريبية الزجلية".
كبر بن عبد السلام ف بيئة فنية لي عاوناتو باش يصقل لموهبة ديالو. ف 1940 بدا الرحلة لفنية ديالو ف لميتم لبيضاوي،[1] فين تعلّم لعزف على ألات لعود و لكامانجة، من بعد نضمّ للجوق اللي أسسو أحمد زنيبر.[2] بانو فيه عدد ديال لفنانين بحال عازف لعود عمرو الطنطاوي، و عازف لقانون صالح الشرقي، و عازف لكامانجة محمد سمريس.[3]
من لخمسينات بان بن عبد السلام كا واحد من لعمايد ديال لفن، و كانت عندو قدرة فريدة ف دمج لمزيكة التقليدية و لعصرية. فاش رجع ل سلا مور رحلة ديال التكوين، أسس جوق "لإتحاد السلاوي" لي دار معاه عدد ديال لحفلات ف مدون لمغريب ف عهد لحماية لفرانساوية. أول أغنية لحنها كان عنوانها "يا لخاطف عقلي" ف 1952، و ألّف أول معزوفة ديالو ف نفس لعام ب عنوان "بوادر". ف داك لعام نيت، نضمّ للجوق لعصري ديال الراديو د لمغريب، و بقى عضو فيه تال 1954.[3]
بعد خلافات معا الرئيس د الجوق أحمد لبيضاوي، تدار جوق جديد موازي سميتو "جوق لمنوعات"، و ترأسو نيت محمد بن عبد السلام.[3] و شارك ف برامج د الراديو بحال "للأذن ذاكرة" و " سمر".[2][4] ف 1959، ملي المهدي المنجرة ولّى مدير ديال دار الراديو، وحد الجوقات بجوج ب رئاسة ديال لبيضاوي، و هادشي خلق مشاكيل جديد لي بسبابها خرجو منو عدد ديال لأعضاء، منهم محمد بن عبد السلام. هاد اللخر ولّا رئيس ديال الجوق د مكناس.[3]
و لحن كتر من 250 أغنية ديال فنانين بحال إسماعيل أحمد، عبد الوهاب الدكالي، نعيمة سميح، محمد الإدريسي، و لفنانة التونسية علية.[2][5]
ف 1992، طرات ليه كسيدة و قرر باش يعتازل، ولايني التأتير ديالو بقى حاضر ف الساحة لفنية لمغريبية.[2]
من بين أهم لأعمال ديالو:
- سولت عليك العود والناي: غناها إسماعيل أحمد
- البحارة: غناتها نعيمة سميح
- الظروف: غناها عبد الهادي بلخياط
ساهم ف أعمال وطنية و قومية بحال:[2]
- المجد العربي: تسجلات ب مناسبة إنتصار حرب أكتوبر 1973
- صوت الأحرار (قصيدة ديال علال الفاسي)
- ^ "أجيال إعلامية: محمد بنعبد السلام.. سيد الأغنية الزجلية الذي أبدع في قيادة جوق الإذاعة". 2020-10-10. تطّالع عليه ب تاريخ 2025-06-14.
- ^ a b c d e "محمد بن عبد السلام.. سيد الأغنية المغربية الزجلية وعميد الإبداع الموسيقي يغادر في صمت". 2025-01-09. تطّالع عليه ب تاريخ 2025-06-14.
- ^ a b c d "رحيل الموسيقار محمد بن عبد السلام.. رائد الإبداع الموسيقي ومجدد الأغنية المغربية". 2025-01-09. تطّالع عليه ب تاريخ 2025-06-14.
- ^ "الفنان محمد بن عبد السلام في ذمة الله". 2025-01-09. تطّالع عليه ب تاريخ 2025-06-14.
- ^ "Le grand compositeur Mohammed Ben Abdeslam n'est plus". 2025-01-09. تطّالع عليه ب تاريخ 2025-06-14.