لماريشال أمزيان

هادي مقالة على عسكري مغريبي. ل معاني وحدين خرين، شوف محمد أمزيان (توضيح).

لماريشال أمزيان
معلومات عامة
زيادة	1 فبراير 1897 بني نصار
لموت	1 ماي 1975 (78 عام) مدريد
لجنسية	لمغريب سپانيا
لحرفة	ديپلوماسي و عسكري
لّوغات لي كيعرف	صبليونية و لوغات أمازيغية
لفاميلة
لولاد	ليلى أمزيان مريم مزيان Tamy Tazi
لمحيط	عتمان بنجلون (نسيب)
معلومات خرى
دين	إسلام
لعسكر
لڭراد	ماريشال teniente general (1953–)
لحروب	لحرب لأهلية الصبليونية و حرب الريف (1920 - 1927)
لجوايز	(1967)  وسام الصليب لكبير د إيزابيلا لكاطوليكية (1956)  Grand Cross of the Order of Cisneros (1944)  الصليب الأعظم من وسام القديس هيرمينجيلد الملكي والعسكري  الميدالية العسكرية لإسبانيا  وسام الصليب العسكري - زخرفة حمراء  Cross Laureate of Saint Ferdinand  ميدالية المعاناة لأجل الوطن

محمد أمزيان (بلأمازيغية: ⵎⵓⵃⴰⵎⵎⴻⴷ ⴰⵎⵣⵢⴰⵏ، تولد ف 1 فبراير 1897 ف بني نصار - مات ف 1 ماي 1975 ف مدريد) كان عسكري و سياسي و ديپلوماسي مغربي و صبلويني. هو بوحدو ف التاريخ د لمغريب اللي كان عندو لݣراد ديال ماريشال (خداه ف 1970).

أمزيان كان عسكري ف لجيش د سبانيا ف لوقت د لحماية الصبليونية على لمغريب، و شارك مع الصبليون ضد الريفيين ف لحرب د الريف، و عاون فرانسيسكو فرانكو باش يربح ف لوقت د لحرب لأهلية.

أمزيان هو بّات الرسامة مريم مزيان، و بّات ليلى أمزيان، اللي مجوجة مع لملايري عتمان بنجلون. ف 2006، بنات ليلى و راجلها متحف لبّاها ف الناظور، و لكن بزاف د الناس نتاقدوه و كانو ضدو.

النسب والنشأة ديال الماريشال أمزيان

النسب

المارشال محمد أمزيان (تزاد نهار 4 دجنبر 1897 ومات نهار 1 أبريل 1975 فـ مدريد) كان عسكري مغربي – إسباني، ولعب دور كبير فالحرب الأهلية الإسبانية مع الكتائب الإسبانية. هو أول وآخر مارشال فـ تاريخ الجيش المغربي، وما كانش شي واحد بحالو فهاد الرتبة من قبل ولا من بعد.

تزّاد فـ بني أنصار فـ إقليم الناظور، فالريف المغربي، وكان معروف بالشجاعة والانضباط العسكري ديالو.

القصة ديالو مميزة بزاف، حيث ملك إسبانيا ألفونسو الثالث عشر هو اللي تبنّاه عسكرياً، ودار واحد القرار خاص من أجل يدخل محمد أمزيان لمدرسة طليطلة العسكرية عام 1913. هاد المدرسة كانت فذاك الوقت ممنوعة على المسلمين والمغاربة، ولكن الملك غيّر القانون باش يسمح ليه يدخل، وهادي كانت أول مرة فالتاريخ كيتقبل فيها مسلم مغربي فهاد المؤسسة العسكرية الإسبانية.

النشأة

محمد أمزيان كان من أصول ريفية أمازيغية، وتزاد فـ بني أنصار فإقليم الناظور. قرا العسكرية فالكوليج الحربي الإسباني فالعهد ديال الملك ألفونسو الثالث عشر، وولات عندو رتبة ماريشال، وهادي كانت سابقة فالتاريخ الإسباني، حيث ما عمر شي مسلم وصل لهد المنصب قبل منو. هاد القضية كتورّي كيفاش الاستعمار الإسباني كان كيعتمد على أبناء المستعمرات باش يخدمو المشاريع العسكرية والسياسية ديالو.

أمزيان كان معروف بـ الشراسة ديالو فالمعارك، خصوصاً فـ الحرب الأهلية الإسبانية، فين دار فرقة عسكرية من الريافة وحارب بيها مع الجنرال فرانكو ضد الجمهوريين الإسبان. وكانو كينعتوه بـ "قاهر الخصوم"، حيث كان كيدير الرعب فالمعارك، ومعروف بالقسوة ديالو والعنف المفرط فالحرب.

من بعد، إسبانيا كافأتو على الخدمات ديالو وعيّناتو حاكماً عاماً لجزر الكناري، وهاد المنصب ما كيعطيوه غير للقادة الكبار اللي عندهم ولاء تام للنظام. لكن المفارقة الكبيرة هي أنه من بعد الاستقلال ديال المغرب، التحق بجيش المخزن المغربي بنفس الرتبة ديالو (ماريشال).

هاد الخطوة خلات بزاف ديال الناس يتساءلو: كيفاش ممكن قائد عسكري خدم المستعمر سنين طويلة، يرجع يخدم فجيش بلاد تحررات من نفس المستعمر؟ القصة ديالو بقات محط نقاش كبير فالتاريخ المغربي المعاصر، لأنها كتجمع بين الولاء للمستعمر والعودة إلى الوطن المستقل، فواحد المشهد اللي كيعكس تعقيد العلاقة بين المغرب وإسبانيا فداك العصر.

الحرب الأهلية الإسبانية

الجينيراليسيمو محمد أمزيان

من بعد ما تخرّج محمد أمزيان من المدرسة العسكرية، تعيّن فمدينة مليلية (اللي فـ شمال المغرب ومازالت محتلة من طرف إسبانيا) باش يواجه انتفاضة الريافة اللي كان غادي يقودها من بعد محمد بن عبد الكريم الخطابي. هاد الخطابي هو اللي دار أكبر هزيمة فالتاريخ العسكري ديال إسبانيا فـ معركة أنوال سنة 1921، وين طاحو حوالي 13 ألف جندي إسباني فـ يومين فقط.

محمد أمزيان، فالمسار ديالو العسكري، وصل لرتبة “كابتن-جنرال”، اللي هي أعلى رتبة فالسلم العسكري الإسباني، وهادي كانت أول مرة فالتاريخ يوصل ليها مغربي. وما كانش كيتفوق عليه فإسبانيا إلا صاحبو وصديقه المقرب الجنرال فرانسيسكو فرانكو، اللي كان عندو رتبة "جنيراليسيمو"، يعني القائد الأعلى ديال جميع الجيوش ورئيس الدولة الإسبانية.

بالمعنى الآخر، محمد أمزيان كان الشخص الثاني فالقوة والنفوذ العسكري فإسبانيا بعد فرانكو، وهادي حاجة نادرة بزاف لمغربي فداك الزمن.

مناصب قيادية رفيغة ف إسبانيا

كان محمد أمزيان هو أول واحد خرج بجنودو فشوارع مليلية سنة 1936 باش يدعم الانقلاب العسكري ضد الجمهورية الإسبانية، وذاك الوقت كان برتبة كولونيل (عقيد). ومن بعد كان هو أول واحد يدخل مدينة طليطلة على راس كتيبة عسكرية فـ المعركة المشهورة اللي مات فيها آلاف الناس، واللي كتبقى من أبشع المعارك فالحرب الأهلية الإسبانية.

كتب التاريخ والمجلات ديال داك الوقت خصصو صفحات كثيرة على الفظاعات والانتهاكات اللي دارتها القوات ديالو، بحيث كان معروف بالقسوة والعنف الكبير اللي تعامل بيه مع الخصوم. من بعد ما سالات الحرب الأهلية الإسبانية، كافأوه الإسبان وعطاوه منصب حاكم عام على جزر الكناري، اللي كاينة فالمحيط الأطلسي، وهي نفس الجزر اللي بدا منها التمرد العسكري ضد الجمهورية اليسارية. وما وقفوش هنا، حتى عيّنه فرانكو حاكم على إقليم جاليسيا فـ شمال غرب إسبانيا، واللي عندو قيمة سياسية واستراتيجية كبيرة فالدولة.

بالمختصر، أمزيان كان من الوجوه العسكرية البارزة اللي خدمو نظام فرانكو بكل إخلاص، ولكن التاريخ كيبقى يشوفو كواحد من أكثر القادة المغاربة اللي ارتبط اسمهم بدموية الحرب الأهلية الإسبانية.

التهم لي وجهوها اهل الريف للماريشال أمزيان

المارشال محمد أمزيان معروف بزاف فالتاريخ، ولكن سمعتو كتر من كونها مجد عسكري. هادي بعض الحقائق على أفعالو:

• سنة 1921، شارك مع الجيش الإسباني فـ معركة أنوال ضد الريفيين بقيادة بن عبد الكريم الخطابي، اللي كانت واحدة من أكبر الهزائم اللي دارتها إسبانيا فالمغرب.
• سنة 1959، بعد ما وصل لمسؤولية فالجيش المغربي، شارك فـ الحملة القمعية ضد انتفاضة الريف، وكان متورط فارتكاب أفضع الجرائم ضد الإنسانية على المدنيين.
• خلال الحرب الأهلية الإسبانية (1936–1939)، جمع عشرات من أهل الريف باش يحاربو مع الجنرال فرانكو، وهادشي يعني أنه زج بالأبرياء فحرب ما عندهم فيها حتى ناقة ولا جمل.
• اليسار الإسباني كيتهمو بـ"التورط فالمذابح" فـ الحرب الأهلية، وبأنه ساهم بزاف فـ ترجيح كفة العسكريين المتمردين على الجمهورية.
• سنة 1936، كان مع فرانكو فالانقلاب على الجمهورية الإسبانية، ضدا على الشرعية الديمقراطية للشعب. فهاد الفترة، قاد حملات قمعية عنيفة ضد المعارضين، وكانت بشعة بزاف. أبرزها الهجوم على بلدة نافال كارنيرو (Naval Carnero) فـ مدريد، اللي دوّمت المنازل، ووقع فيها اغتصاب النساء وقتل الأبرياء من أطفال وكهول، وكانت الأفعال ديالو وصفت بالهمجية، وحتى الناس تساءلو على نواياه وهويته الدينية بسبب هاد الوحشية.

الإلتحاق ديالو بالجيش المغربي:

من بعد استقلال المغرب سنة 1956، ولى ممكن لـ محمد أمزيان يلتحق بالجيش المغربي، فواحد صفقة سرية بين فرانكو والملك محمد الخامس، اللي باقي تفاصيلها ما معروفاش بالضبط.

ومن بين أهم الحوايج اللي دارها مع الجيش المغربي، هو أنه شارك سنة 1959 مع الملك الراحل الحسن الثاني، اللي كان وقتها ولي العهد، فـ قمع انتفاضة الريف، واللي خلّفات المئات من القتلى.

يعني، محمد أمزيان قمع المغاربة مرتين: مرة تحت الاحتلال الإسباني ومرة تحت حكم الاستقلال المغربي.

وفاة ديال الجنرال محمد أمزيان

المارشال أمزيان توفى فـ واحد المستشفى فـ مدريد نهار 1 ماي 1975، وقليل بعد وفاة الجنرال فرانكو.

مصادر

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.