مجتبى خامنئي
مجتبى خامنئي
| ||
.jpg) | ||
مُجتبى فـ عام 2026. | ||
| معلومات عامة | ||
| زيادة | 8 شتنبر 1969 (56 عام) مشهد | |
| لجنسية | إيران | |
| لحرفة | رجل دين، سياسي و فقيه | |
| لّوغات لي كيعرف | فارسية، عربية و أزيربيدجانية | |
| لفاميلة | ||
| لواليد | علي خامنئي | |
| لواليدة | منصورة خجسته باقرزاده | |
| خوت | مصطفى خامنئي، مسعود خامنئي، ميثم خامنئي، بشرى خامنئي و هدى خامنئي | |
| شريك | زهراء حداد عادل (2004–2026), لموت | |
| لولاد | محمد باقر خامنئي فاطمة خامنئي | |
| لمحيط | غلام علي حداد عادل (حمو) | |
| معلومات خرى | ||
| دين | إسلام و مسلم | |
| لحيزب | جبهة ثبات الثورة الإسلامية | |
| لعسكر | ||
| لحروب | حرب لخليج اللولا | |
 | ||
   | ||
مجتبى حسيني خامنئي (ب لفرونسي: Mojtaba Khamenei؛ تزاد فـ 8 شتنبر 1969) هوّ سياسي إيراني وراجل دين شيعي كايشغل منصب لـمرشد لـأعلى تّالت د إيران من 8 مارس 2026.[1] هوّ لولد تّاني د لـمرشد لـأعلى لي سبق، علي خامنئي.
تزاد مجتبى فـ مدينة مشهد، وكبر فـ بيئة دينية وسياسية لي تشكلات مورا تّورة لإيرانية د 1979. قرا لعولوم دّينية فـ طهران ومن بعد انتقل لـ مدينة قم فـ 1999 فين كمل قرايتو فـ لـحوزة لـعلمية تحت لإشراف د كبار لعلماء بحال محمد تقي مصباح اليزدي.[2]
شارك مجتبى فـ لـحرب لعراقية لإيرانية فـ تّمانينات، وهاد لـمرحلة خلاتو يبني علاقات قوية مع لقيادات د لـحرس تّوري لإيراني. فـ عام 2009، ولى كايتحكم فـ ميليشيا لباسيج، وكايتقال بلي كان عندو دور كبير فـ قمع لِحتجاجات لي عرفتها إيران ديك سّاع.[2]
فـ 8 مارس 2026، من بعد لِغتيال د باه فـ لحرب لميريكانية لإسرائيلية لإيرانية د 2026، أعلن مجلس لـخبراء لإيراني بلي تم لِنتخاب د مجتبى خامنئي كـ مرشد أعلى جديد لـ لبلاد.[3]
تّوجه سّياسي ديالو كايتحسب على لـمتشددين، وكاينين تقارير كاتقول بلي هوّ مايل كتر لـ تّطوير د سّلاح نّووي عكس لـفتوى لي كان داير باه.[4][5]
مجتبى خامنئي خاضع لـ عقوبات ميريكانية من عام 2019.[6] فـ يناير 2026، كشف تحقيق د وكالة "بلومبرغ" بلي هوّ كايسير ثروة كبيرة فـ لـخارج، فيها عقارات فـ لندن و دبي.[7]
- ↑ "آیتالله سید مجتبی خامنهای رهبر ایران شد" (ب الفارسية). Tasnim News.
- 1 2 "The Man in the Shadow: Mojtaba Khamenei" (ب الإنجليزية). PBS.
- ↑ "Ali Khamenei's son Mojtaba chosen as Iran's new supreme leader". The Guardian (ب الإنجليزية). March 2026.
- ↑ "Iran's next supreme leader: Khamenei's hardline son Mojtaba". Axios (ب الإنجليزية). March 2026.
- ↑ "What Kind of Supreme Leader Would Mojtaba Khamenei Be?" (ب الإنجليزية). Washington Institute.
- ↑ "Treasury Designates Supreme Leader of Iran's Inner Circle" (ب الإنجليزية). U.S. Treasury.
- ↑ "How the Son of Iran's Supreme Leader Built a Global Property Empire". Bloomberg (ب الإنجليزية). January 2026.
