متحف التاريخ و لحضارات د الرباط
متحف التاريخ و لحضارات د الرباط
| ||
.jpg) | ||
| معلومات عامة | ||
| لبلاد | لمغريب | |
| لموضع | الرباط | |
| لمدينة | الرباط | |
| تاريخ د لبني | 1932 | |
| تحل فـ | 1932 | |
متحف التاريخ و لحضارات د الرباط لي كان معروف قبل ب لمتحف لأركيولوجي د الرباط هوّ متحف مغريبي جا ف مدينة الرباط. هاد لمتحف تدار ف لعشرينات د لقرن 20، و تحل ف 1932.[1] هاد لمتحف فيه معروضات من التاريخ د لمغريب كامل تال لقرن 19، من لفترة لقبلتاريخية، لفترة لمورية، الرومانية، تال لإسلامية. لمعروضات جاو من بزاف د لمواقع لأركيولوجية، بحال وليلي، ليكسوس، شالة، باناصا، و مناطق د لمغريب بحال فاس، الريف و لأطلس لمتوسط و كاين فيه التمتال النصفي لمشهور ديال لماليك يوبا لموريطاني، و نسخة ديال لقلقولة د جبل إيغود.[2]
لمتحف بدات لخدمة عليه من لعشرينات د لقرن 20، و تحل لمرة اللولة ف 1932. كان تسد على ود لأشغال، و عاود تحل ل لعموم ف 12 أبريل 2017.
لمتحف كيعرض پاركور كرونولوجي من لفترة لقبلتاريخية تال لفترة لإسلامية،[3] زيادة على طيم خاص ديال التماتيل د لبرونز و الرخام (لي كيرجعو ل لفترة لمورية لمعطلة و لفترة الرومانية).[4] كاينين جوايه عشرين تمتال د لبرونز ف لمتحف، أغلبهوم تّلقاو ف وليلي. من بين لمعروضات لمشهورة كانلقاو لكلب د وليلي، لي تّكتاشف ف 1916، التمتال النصفي ديال لماليك يوبا لموريطاني لي كان حكم مملكة موريطانية (شمال د لمغريب و غرب دزاير)، و طابولا باناصيطانا لي تّكتاشفات ف باناصا ف 1957.
مبخارة مسيحية تّلقات ف وليلي
مينورا تّلقات ف وليلي
تمتال ديال كاطو لكبير
لكلب د وليلي
.jpg)
- ↑ "Maroc : Museums : Rabat : Archaeological Museum". www.maroc.net. Archived from the original on 2023-03-20. Retrieved 2023-07-20.
- ↑ جمال بوسحابة (2015-12-15). "Le Maroc rate un miraculeux deuxième Juba II". Le Desk (ب الفرنسية). Archived from the original on 2023-07-20. Retrieved 2023-07-20.
- ↑ "Le musée de l'Histoire et des civilisations ouvre ses portes à Rabat, Huffpostmaghreb, 11 avril 2017". Archived from the original on 2017-04-13. Retrieved 2023-07-20.
- ↑ "Le "Musée de l'Histoire et des Civilisations" ouvre ses portes à Rabat, atlasinfo.fr, 12 avril 2017". Archived from the original on 2023-01-28. Retrieved 2023-07-20.
 |
ويكيميديا كومنز عندا تصاور و معلومات على متحف التاريخ و لحضارات د الرباط. |
- متحف التاريخ و لحضارات د الرباط (FNM) مؤرشف 2022-10-06 فموقع وايباك ماشين
- متحف التاريخ و لحضارات د الرباط على السيت ديال وزارة التقافة مؤرشف 2016-03-03 فموقع وايباك ماشين
- ضورة 3D ف لمتحف
