مبارك العطاش
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
مبارك العطاش
| ||
 | ||
| معلومات عامة | ||
| زيادة | 1956 (68/69 عام) | |
| لجنسية | لمغريب | |
| لحرفة | مومتيل | |
مبارك العطاش (من مواليد 1956) هو ممثل وموسيقي مغربي من أبرز وجوه السينيما والمسرح الأمازيغي. تشتاهر ب أدوارو المتنوعة و قدرتو على تجسيد شخصيات مركبة، وشارك ف كثر من 87 عمل فني.[1]
مبارك العطاش تزاد سنة 1956 ف دوار "إدْرّايس" ف منطقة حاحا، نواحي تمانار. عاش طفولة صعيبة، حيث توفى لواليد ديالو قبل مايتزاد، و تزوجت لواليدة ديالو من بعد، فا تكفل به خالو اللي كان ساكن ف مدينة أݣادير. قضى طفولتو كايتنقل بين أݣادير و دوّارو ف الصيف، باش يحفظ القرآن الكريم. تابع التعليم الإبتدائي و الإعدادي ف مدارس مختلفة بحال مدرسة بن بطوطة ف حي أمسرنات، و مدرسة الوحدة ف بنسرڭاو، و من بعد ف ليسي عبد الله بن ياسين ف إينزݣان. لكن سنة 1969 ضطر يقطع الدراسة بسباب ظروف عائلية ومادية صعيبة. بعدها بدا كيخدم ف سن صغيرة، مشى للدار البيضا وخدم مساعد د مول حانوت و خادم، و من بعد رجع ل أݣادير باش يمارس تاڭزارت (1973–1976)، و من بعد خدم ف لمرسى.[2]
قبل التمثيل، كان العطاش شغوف بالموسيقى والغنا. سنة 1977 أسس فرق موسيقية ف الدشيرة بحال "إسْمِدُودِينْ"، "إكُولالن"، و"إعشاقن"، وكان كيعاود أداء أغاني فرق مشهورة بحال ناس الغيوان، لمشاهب، وإزنزارن. ف الـ1990 نضم ل مجموعة "إنرزاف أسفي". حاول يدرس العود ف المعهد الموسيقي، لكن الظروف المادية ما خلاتوش يكمل الدراسة.[3]
التجربة التمثيلية اللولى كانت سنة 1990 ف فيلم ما تصدرش. سنة 1995 شارك ف ڤيديو كليپ مع الحسين أمراكشي. فـ2000 نضم ل جمعية "تيفاوين للمسرح" مع أحمد بادوج، و بدا المشوار الحقيقي سنة 2001 ب فيلم *"يات أور ترواس يات"* للمخرج أحمد بادوج.[3]
توالاو الأعمال ديالو، و شارك ف أعمال ديال لمخرجة فاطمة بوبكدي (رمانة وبرطال) و ديال لمخرج عبد العزيز أوسايح (سلسلة تيڭمي مقورن). كما شارك ف مسلسلات مشهورة بحال أمان إيروفان.[3]
وخا الشهرة، العطاش عبر ف عدة مناسبات على الندم ل دخول الفن بسباب قلة التقدير المادي والمعنوي. صرح بلي الفن ماضمنش ليه عيش كريم، و بلي الظروف المادية صعبة. نتاقد ستغلال المنتجين للفنانين، و ستعمال "القرصنة" ل تجنب دفع الحقوق كاملة، ووجه نداء للمسؤولين باش يهتمو بالفنان الأمازيغي.[3]
| السنة | العمل | النوع | المخرج | ملاحظات |
|---|---|---|---|---|
| 2001 | يات أور ترواس يات | فيلم | أحمد بادوج | بداية المشوار السينمائي |
| 2002 | رمانة وبرطال | فيلم | فاطمة بوبكدي | من الأعمال البارزة فالمسرح والسينما الأمازيغية |
| 2004 | تامازيرت أوفلا | فيلم | عبد العزيز أوسايح | قصة جتماعية مركبة |
| 2006 | زرايفا | فيلم | عبد العزيز أوسايح | حصل على جائزة أحسن ممثل |
| 2008–2015 | تيڭمي مقورن | سلسلة | عبد العزيز أوسايح | سلسلة تلفزيونية ناجحة |
| 2010–2018 | أمان إيروفان | مسلسل | عدة مخرجين | مسلسل تلفزيوني |
| السنة | الجائزة | العمل | ملاحظات |
|---|---|---|---|
| 2006 | أحسن ممثل | زرايفا | المهرجان الدولي ديال لفيلم ف ورزازات |
- ↑ "مبارك العطاش: الممثل والموسيقي المغربي". Maghreb Info. 2020. تطّالع عليه ب تاريخ 2025-10-21.
- ↑ Hassan Amrani (2019). "مقابلة مع مبارك العطاش". Le360. تطّالع عليه ب تاريخ 2025-10-21.[ليان مهرس ديما]
- 1 2 3 4 El Fassi، Ahmed (2018). السينما الأمازيغية بالمغرب. المركز الوطني للبحث العلمي. ص. 145.