ماتسوو باشو
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
ماتسوو باشو
| ||
 | ||
| معلومات عامة | ||
| زيادة | 1644 Bashō's birth house (شوغونية توكوغاوا) | |
| لموت | 28 نونبر 1694 (49/50 عام) Midōsuji (شوغونية توكوغاوا) | |
| طريقة دلموت | موتة طبيعية | |
| لجنسية | الجاپون | |
| لحرفة | شاعير | |
| لّوغات لي كيعرف | جاپونية | |
| لفاميلة | ||
| شريك | لا قيمة | |
| معلومات خرى | ||
| لأعمال |
| |
| ستيل | Haikai | |
    | ||
ماتسوو مانوفوسا لملقب ب باشو (ب جاپونية: 松尾芭蕉)، تزاد فـ1644 وتوفى فـ1694. كان شاعر جاپوني معروف بزاف، و كيعتابروه لمعلم الكبير ديال شعر الهايكو، بلا منازع. كان متمكن حتى ف واحد النوع ديال النتر جّاپوني كيتسمى هايبون.[1][2][3]
كيعتابروه واحد من الركايز لكبيرة ديال الأدب جّاپوني ف الوقيتة المعروفة ب «قرن أوساكا الدهبي»، مع جوج ديال الكتاتبيا الكبار خرين هما: شيكاناتسو مونزا-إيمون وإهارا شائيكاكو.
ماتسوو مونيفوسا اللي ولى معروف من بعد ب لقب باشو، كان من واحد الفاميلة ديال الموحاربين (الساموراي). تربى تربية تقليدية، و منين هو باقي صغير خدم مع الولد الكبير ديال سيد المعقل[تدريج] اللي كان تابع ليه. بقى كيخدم معاه حتى توفى داك السيد ديالو الكبير فـ 1666.
من بعد، مشى ل مدينة كيوطو (اللي كانت العاصمة الإمبراطورية ديك الساعة) باش يكمل قرايتو ف الأدب. فـ 1681، قرر يعيش ف العزلة، و مشا سكن حدا مدينة إيدو (اللي هي طوكيو دابا)، ف واحد البلاصة سماها "صومعة الشجرة ديال البانان" (باشو-آن)، و من تم خدا لقب باشو، اللي المعنى ديالها "الشجرة ديال البانان". بدا كيقرى المدهب اللي سميتو زن البودي، و بدى كيمارس التأمل.
ف العشر سنين اللي بقاو ليه من حياتو، بقا باشو عاطيها غير للترحال و التأمل. كان كيدور ف مناطق مختالفة من جّاپون، و كيسالي كل رحلة ب وقت طويل ديال التأمل و الإنعزال.
توفى و هو ف وحدة من هاد الرحالات، و ف آخر ليلة قبل ما يموت، كتب بيت ديال هايكو على ورقة، و قال فيه:
مريض وقت ترحالي
و لحلام ديالي كتدور طافيةً
ف الحقول الدابلة
باشو كتب بزاف ديال الأشعار المعروفة ب سمية الهايكو، و هاد النوع ديال الشعر كيتكون من سبعطاش مقطع صوتي، و كان باشو معروف ب الإتقان ديالو ل هاد الصنعة. زيادة على هاد الأشعار، خلا لينا حتى بزاف ديال الكتوبا اللي كتبهم على المشاهد و التجارب ديالو و هو كيدور ف جّاپون.
كتب حتى نوع آخر من الشعر النتري كيتسمى هايبون، و هاد النوع فيه نصوص طويلة شوية، داكشي علاش بزاف د الناس ملي كيبغيو يعاودو هاد الأشعار كيركزو غير على البيت اللخر، حيت كيكون هو اللي كيجمع المعنى كامل. ولكن ف الأصل، الأبيات اللولى كانت كتوصف الجو العام أولا السياق اللي كتدور فيه القصيدة، و هاد الشي كيعاون باش نفهمو القصيدة كاملة، و كيعطيها النكهة ديالها الأصلية.
باشو ما بغاش ينتامي ل حتى مدرسة شعرية، و ما خلا حتى كتاب منظم يعلم فيه كيفاش كيتكتب هاد النوع من الشعر. ولكن التلامد ديالو جمعو أهم الأعمال اللي دار، و كان من بين أشهرها كتاب كيتسمى "الدرب الضيق ف أقصى المعمورة" (ب جّاپونية : Oku no hosomichi)، اللي كتبو ف 1689.
دابا، هاد الأعمال ديال باشو ولات مرجع كبير لأي شاعر كيبغي يعبر على إحساس خاص، ولا على مشهد طبيعي، ولا على فكرة عامة، غير ف تلاتة د السطور.
- ↑ 改訂新版,日本大百科全書(ニッポニカ),世界大百科事典内言及, デジタル大辞泉,共同通信ニュース用語解説,精選版 日本国語大辞典,ブリタニカ国際大百科事典 小項目事典,デジタル版 日本人名大辞典+Plus,旺文社日本史事典 三訂版,改訂新版 世界大百科事典,事典・日本の観光資源,百科事典マイペディア,山川 日本史小辞典 (2022-05-24). "松尾芭蕉(マツオバショウ)とは？ 意味や使い方". コトバンク (ب اليابانية). Retrieved 2025-08-22.
{{cite web}}: CS1 maint: multiple names: authors list (link) - ↑ "芭蕉と伊賀上野 -芭蕉と伊賀". www.ict.ne.jp. Archived from the original on 2016-03-04. Retrieved 2025-08-22.
- ↑ Japan Encyclopedia (ب الإنجليزية). Harvard University Press. 2002. ISBN 978-0-674-01753-5.