لموسوعة لأمازيغية
لموسوعة لأمازيغية
| ||
 | ||
| معلومات عامة | ||
| عنوان أصلي | Encyclopédie berbère | |
| لموضوع رئيسي | أمازيغ | |
| نوع د لكتاب | موسوعة | |
| مؤلف | عدة مؤلفين | |
| لبلاد لأصلية | فرانصا | |
| لّوغة لأصلية | لفرانساوية | |
| تاريخ د نّشر | 1984 | |
| سّيت رّسمي | journals.openedition.org… | |
لموسوعة لأمازيغية ولّا لموسوعة لبربرية (ب لفرانساوية Encyclopédie berbère) هيّ موسوعة ب لفرانساوية لي كاتعامل معا مواضيع متعلقين ب لأمازيغ، و كاتّنشر ف ڤيرسيون ب لوراق و جزئيا ف ڤيرسيون رقمية.
لموسوعة تلونصات ف 1984 تحت الرعاية ديال ليونيسكو و كانت ف لأصل كاتّنشر من عند "طبعات إديسود" Editions Edisud. رئيس التحرير اللول ديالها كان ڭابرييل كامپ لي كان بدا لپروطوتيپ ديال لپروجي من 1970. من بعدما توفى ف 2002، تبعو سالم شاكر، أستاد اللوغات لأمازيغية ف جامعة إكس مارسيي.[1]
تال 2019، كانو 43 ڭزو ديالها لي خرجو ف أنتيرنيت ف سيت OpenEdition.org.[2] يقدر لواحد يقرا التيكست ف السيت و يقلّب فيه، و ڭاع يطيليشارجي لڭزوات ديال لموسوعة على شكل PDF ولّا ePUB. لخمسة د لڭزوات اللخرين ديالها كاينين غير ف لڤيرسيون ب لوراق لي كايتباعو عند "طبعات پيترز" Editions Peeters، لي كاتنشر تا دراسات خرين على لأمازيغ و لأمازيغية.[3]
- ↑ "Présentation". Encyclopédie berbère (ب الفرنسية). 2013-04-08. Retrieved 2022-01-06.
- ↑ "Encyclopédie berbère" (ب الفرنسية). Retrieved 2022-01-06.
- ↑ Sabine, Partouche. "L'Encyclopédie berbère". Institut de recherches et d'études sur les mondes arabes et musulmans Iremam - UMR 7310. Archived from the original on February 25, 2018. Retrieved 2018-02-25.