لمورفين
لمورفين
| ||
| ||
| معلومات عامة | ||
| زيادة | 1984 (38/39 عام) سلا | |
| لجنسية | لمغريب | |
| لحرفة | راپور | |
| لّوغات لي كيعرف | داريجة | |
     
| ||
مهدي مهيب، ملقب بلمورفين، ولا لمورفو، هو راپور مغربي تزاد عام 1984 فسلا، معروف بلميطافور فطراكات ديالو.
حياتو[بدل | بدل لكود]
تزاد عام 1984 فسلا، و تنقل بين بزاف ديال لمدون فلمغريب قبل مايستاقر فمراكش، لأصل ديالو من نواحي مدينة ميدلت. تزاد فعائلة مثقفة، و قد يكمل قرايتو فكانادا[1] فمجال الإدارة السياحية، و حاليا هو مزوج و عندو بنت (كنزة) و ولد (قيس)، و تايخدم فضومين ديال سياحة، و تايبيع ويشري فالصخور والمستحثات.[2]
مسيرتو لفنية[بدل | بدل لكود]
لمسيرة لفنية ديال لمورفين بدات عام 1998، فاش كان للقب ديالو ل "M-psy"، بعد ما تأنسپيرا من راپ دميريكان، لكن كان تايمارس راپ كهاوية صافي، و طراكات ديالو ماكانوش منشورين فلأنترنت، تا لعام 2004، عاد فكر باش ينفاتح على لجمهور ديالو، [1] و فعام 2006، درا مجموعة ديالو فسلا سماها "Piranha-Labo". عام 2010، تفارق لمورفين معا هاد لمجموعة، و رجع تايغني بوحدو من جديد.[3][4]
لموسيقى ديالو[بدل | بدل لكود]
لمورفين عندو أكثر من 217 طراك فراپ[5]، أول مشروع بدا بيه كان هو "Maxi Mighnatiss" عام 2006، و فعام 2009، خرج ميكستايپ سميتو Na9ouss فيه 9 ديال طراكات، عجب للجمهور ديالو بزاف. لي خلاه يفكر يزيد يطور لخدمة ديالو كثر، و خرج بميكستيپ جديد سميتو "LMorphine" فيه 9 ديال طراكات، و بعد منو ميكستيپ أخر سميتو Total و بعد منو ميكستيپ أخر سميتو Paprika، و بعد منو ميكستيپ سميتو INK، تبعاتهم سلسلة من الأغاني مرقمة، لي سماها "لمورفينية"، بعد هادشي دار ألبوم سميتو "GALA" ف 2020، و تايوجد ألبوم أخر سميتو Excelsior. أشهر طراك عند لمورفين هو " Lmorphinya 17". لمورفين طلع للمنصة لأول مرة فلبولڨار فكازا عام 2022.[4][6]
لفن ديالو[بدل | بدل لكود]
لمورفين معروف بالميطافور، و كاين لي تايلقبو بلملك ديال لميطافور فراپ لمغريبي، لي تايخلي لكتابة ديالو خاصها نوع من تركيز وتحليل ولقراية لورا سطورة، بتالي لجمهور ديالو متشبت بيه، كيفما معروف عليه أنه ماتيديرش ليڤيديو كليب، و تايسجل طراكات ديالو مباشرة بعد ما تايكتبهم.[7]
لجمهور ديالو[بدل | بدل لكود]
لجمهور ديال لمورفين كان قليل فلبداية، لكن بقا كايتطور، تا تأسسات عام 2015 مجموعة سميتها SQUAD 2020، لي جمعات ليفان ديال هاد راپور. 2020 كان بحال لعام لموعود لي كان مفترض ينشر فيه لمورفين لالبوم شهير ديالو Excelsior، لكن فلأخير ماقدرش ينشرو فهاد لأجل، لي خلى فئة من لجمهور ديالو تغضب عليه.[3] ف 2020 بدات عامة شعب لمغريبي كاتسمع للمورفين، خصوصا بعد ما بان فشي مقابلات صحفية، و قدرات لموسيقى ديالو توصل عدد مشاهدات كبير فليوتيب. عام 2022 نشر لمورفين لالبوم ديالو GALA فمنصة Spotify لأول مرة، و لقى إقبال كبير، كيف ما معروف أنه تايفضل يتواصل معا لجمهور ديالو فتويتر.[5][6][7]
تأثير ديالو[بدل | بدل لكود]
لمورفين أثر فلمسيرة ديال بزاف ديال لفنانا فلمغريب، بحال "حمزة 15-3"، "رائد"، "نيسيو" ،"4.8"، و غيرهم. كيف ما غنا معا رواپا أخرين بحال لموتشو، و كلاشا بزاف ديال رواپا بحال ل pause flow و 8ird و لفردة وكلاس A [5][6][7]
عيون لكلام[بدل | بدل لكود]
- ^ a b Joker (الخميس، 16 يونيو 2016). "RapArt: المورفين - ملك الميطافور -". RapArt. تطّالع عليه ب تاريخ 2022-12-09. Check date values in:
|date=(معاونة) - ^ "L'Morphine, Histoire et Projets d'un Lyricist Marocain sur IMPACT" (ب نڭليزية). تطّالع عليه ب تاريخ 2022-12-09.
- ^ a b "L'Morphine - AY9ONA - The Documentary (+Bonus)" (ب نڭليزية). تطّالع عليه ب تاريخ 2022-12-09.
- ^ a b "L'Morphine". Genius (ب نڭليزية). تطّالع عليه ب تاريخ 2022-12-09.
- ^ a b c "L'MORPHINE - L'Boulevard لبولفار" (ب لفرانساوية). تطّالع عليه ب تاريخ 2022-12-09.
- ^ a b c "مغني الراب "المورفين L'Morphine" يشعل منصة البولفار بحضور جماهيري غفير". Le7tv.ma (ب لعربية). 2022-10-04. تطّالع عليه ب تاريخ 2022-12-09.
- ^ a b c "L'Morphine : Je ne suis pas un fan du rap [INTERVIEW]" (ب نڭليزية). تطّالع عليه ب تاريخ 2022-12-09.
