لمنتخب لوطني لمغريبي د كورة د قل من 20 عام
المنتخب الوطني لمغريبي لأقل من 20 عام هو منتخب كيمثل لمغريب ففئة شبان فرياضة كرة لقدم، وكيتكلف بيه الجامعة لملكية لمغريبية د لكورة. هاد المنتخب كيلعب دور مهم فتهيئ اللاعبين الصغار باش يكونو جاهزين يمثلّو المنتخب الأول فالمستقبل.
لمنتخب لمغربي لأقل من 20 عام بدا كييشارك ف لمسابقات لقارية والإفريقية من ستينات، ودار بزاف ديال المشاركات فـ كأس إفريقيا للشبان وكأس العالم للشبان فـ مناسبات متعددة. من بين أبرز المشاركات ديالو كانت سنة 2021 فموريتانيا، فـ كأس إفريقيا للأمم لأقل من 20 سنة، اللي وصل فيها لدور الربع النهائي. واخر انجاز حققو هو التتويج ديالو على لارجنتين فكأس العلم للشبان لأقل من 20 سنة فدولة شيلي وحوصولو على الكأس الغالية لول فمسيرتو.
- وصل لنصف نهائي كأس إفريقيا سنة 1988 و1991.
- شارك فـ كأس العالم للشبان سنة 1997 اللي كانت فـ ماليزيا، ودار أداء زوين بزاف.
- فـ السنوات الأخيرة، المنتخب خدم على راسو بزاف بفضل المراكز الجهوية للتكوين اللي دارتهم الجامعة.
تعاقبو على تدريب المنتخب بزاف ديال الأطر التقنية، من بينهوم:
- جمال السلامي
- زكرياء عبوب
- هشام الدميعي
هاد المدربين ساهمو فبناء جيل جديد ديال اللاعبين الصغار اللي كيلعبو دابا فبطولة الاحترافية وبرا المغرب.
المنتخب الوطني لأقل من 20 عام عطى الكرة المغربية بزاف ديال النجوم اللي ولىو فالأندية الكبار، بحال:
- أشرف حكيمي
- نصير مزراوي
- عبد الصمد الزلزولي
- إلياس بنصغير
- وليد شديرة
المنتخب كيتجمع غالباً فـ مركب محمد السادس لكرة القدم فالمعمورة – سلا. هاد المركز كيتعتبر من أحسن المراكز فإفريقيا، فيه ملاعب حديثة، وصالات تدريب، ومرافق طبية متطورة.
القميص الرسمي ديال المنتخب هو الأحمر والأخضر، بحال المنتخب الأول، والقميص الاحتياطي كيكون باللون الأبيض ولا الأسود حسب المباريات.
المنتخب الوطني لأقل من 20 عام الهدف ديالو هو تكوين لاعبين مؤهلين باش يمشيو لمنتخب أقل من 23 عام ومن بعد للمنتخب الأول. الجامعة كتركز بزاف على العمل القاعدي وتنظيم دوريات شبابية باش تلقى المواهب من جميع جهات المغرب.