لمغريب
هاد لمقالة تتقاد. لمحتوى ديالها محتاج للمراجعة، التنظيم ولا التحسين.
السبب: باش تولي مقالة مزيانة
.svg)
لمغريب، رسمياً لمملكة د لمغريب، هو بلاد كاينة فالطرف الشمال لغربي ديال إفريقيا. كايطل من لغرب على لمحيط لأطلسي ومن الشمال على لبحر لبيض لمتوسط، وكايفصلو على أوروپا مضيق جبل طارق. لعاصيمة ديالو هي الرباط، وأكبر مدينة ومركز قتصادي فيه هي الدار البيضا. لعربية ولأمازيغية هوما اللوغات الرسميين، وداريجة لمغريبية هي أكثر تعبير لغوي مستعمل فالحياة اليومية. على حساب لإحصاء لعام دلساكنة والسكنى د 2024، وصل عدد السكان القانونيين ل 36.828.330 نسمة، وولات نسبة التمدن 62,8%.[1][2]
لمغريب عندو تاريخ موغل فالقدم. فجبل إيغود تكتاشفات بقايا ديال الإنسان العاقل متأرخة بحوالي 315 ألف عام، وهي من أقدم البقايا المعروفة لهاد النوع.[3] من بعد دازت من المنطقة حضارات وممالك أمازيغية وفينيقية وقرطاجية ورومانية، ومن القرن 7 و8 دخل لإسلام وولات المنطقة جزء من المجال السياسي والثقافي ديال لمغريب لإسلامي. من القرن 8 تعاقبو على لحوكم دول وسلالات بحال لأدارسة ولمرابطين ولموحدين ولمرينيين ولوطاسيين وسعديين، ومن القرن 17 ولات لسلالة لعلوية هي لسلالة لحاكمة.[4]
ف1912 تفرض نظام لحماية على لمغريب، وتقسم النفود الاستعماري أساساً بين فرانسا وصبليون، مع نظام دولي خاص فطنجة. رجع لمغريب لستيقلال ديالو ف1956، ودخل لأمم لمتحدة ف12 نونبر من نفس لعام.[5] من 1999، محمد السادس هو ماليك د لمغريب، ودوستور 2011 كايحدد لبلاد كملكية دستورية ديموقراطية برلمانية واجتماعية، فيها برلمان بجوج دلمجالس وحوكومة كايراسها رئيس لحوكومة.[6] رئيس لحوكومة ف2026 هو عزيز أخنوش.[7]
قتيصاد لمغريب متنوع، وكيجمع بين لخدمات، لصناعة، لفلاحة، لتعدين، لسياحة ولتجارة. ف2025 وصل الناتج لمحلي لإجمالي لحوالي 182,37 مليار دولار، بمعدل حوالي 4.672 دولار للفرد.[8] من القطاعات لبارزين كاين صناعة طونوبيلات والطيران، لفوسفاط ومشتقاتو، لفلاحة والصيد لبحري، والطاقة لمتجددة. السياحة عرفت نمو كبير ووصل عدد لوافدين ف2025 ل19,8 مليون، مع مداخيل سياحية وصلات 138 مليار درهم.[9]
لمغريب كايسير أغلب أراضي صحرا لغربية وكايعتبرها جزء من التراب الوطني، بينما لوضع النهائي ديال لإقليم باقي موضوع نزاع سياسي دولي، ولأمم لمتحدة مازالا كاتصنف صحرا لغربية ضمن لأقاليم اللي ما عندهاش حوكم داتي.[10] ف31 أكتوبر 2025، تبنى مجلس لأمن القرار 2797 ومدد مهمة لمينورسو حتى 31 أكتوبر 2026، ودعا لمفاوضات على أساس مقترح لحوكم لداتي لمغريبي بهدف الوصول لحل سياسي نهائي ومتوافق عليه كيضمن تقرير لمصير؛ القرار اعتابر حتى أن حوكم داتي حقيقي يقدر يمثل واحد من أكثر لنتائج قابلية للتطبيق.[11][12]
سمية لمغريب جاية من لجدر لعربي «غرب»، بمعنى لجهة اللي كاتغرب فيها شمش. فلكتابات لجغرافية والتاريخية لإسلامية كان الجزء لقصى فالغرب من شمال إفريقيا كايتسمى «لمغرب لأقصى»، باش يتميز على لمغرب لوسط ولأدنى.[13]
لسميات لأوروپية بحال Morocco بنݣليزية وMaroc بلفرانساوية وMarruecos بلسپنيولية مرتبطة تاريخياً بسمية مراكش، اللي كانت عاصيمة كبيرة فعهود لمرابطين ولموحدين وولات فمصادر أوروپية قديمة كتستعمل باش يتشار لبلاد كاملة. فوثائق دبلوماسية أوروپية قديمة كانت كاتبان حتى تسميات بحال «مملكة فاس» و«مملكة مراكش»، على حساب لعاصيمة أو لمركز السياسي فداك لوقت.[14]
بالأمازيغية لمعيارية كاتكتب سمية لبلاد ⵜⴰⴳⵍⴷⵉⵜ ⵏ ⵍⵎⵖⵔⵉⴱ (تاݣلديت ن لمغريب)، بمعنى «لمملكة د لمغريب». ولات لأمازيغية لغة رسمية مع لعربية فدوستور 2011.[6]
مقالة متعمقة: تاريخ د لمغريب
لمجال اللي كاين فيه لمغريب دابا كان مسكون من عصور قديمة بزاف. واحد من أهم لكتشافات فهاد لمجال هو موقع جبل إيغود، اللي عطا بقايا بشرية وأدوات حجرية متأرخة بحوالي 315 ± 34 ألف عام. هاد لنتائج نشروها باحثين فمجلة Nature ف2017، وخلات جبل إيغود من أهم لمواقع فلبحث على لبدايات القديمة ديال الإنسان لعاقل فإفريقيا.[3][15]
فلعصر لحجري لوسطاني كانت فشمال إفريقيا تقافات حجرية بحال لعاطرية، ومن بعد ظهرت لثقافة لإيبيروموريسية فالمرحلة المتأخرة من العصر لحجري لقديم. منطقة تافوغالت فشرق لمغريب عطات مدافن وبقايا بشرية وأثرية مهمة، وولات من لمواقع لأساسية فدراسة سكان شمال إفريقيا قبل لفلاحة. لتغيرات لمناخية اللي عرفاتها صحرا وشمال إفريقيا أثرت مراراً على توزع السكان وعلى لغطاء النباتي ولموارد د لما.[16][17]
فلعصر لحجري لجديد دخلات لفلاحة وتربية لحيوانات تدريجياً لشمال لغربي دإفريقيا، وتطورت أنماط جديدة ديال لاستقرار وصناعة لفخار. حفريات فمواقع مختلفة فشمال لمغريب كاتبين تداخل بين تقاليد محلية وتأثيرات جاية من غرب لبحر لبيض لمتوسط. فلفترات اللاحقة دخل استعمال لمعادن وولات لشبكات التجارية كاتربط لسواحل لمغريب مع مناطق خرين فلبحر لبيض لمتوسط.[18]
من لبداية د لألفية لولا قبل لميلاد وصلو تجار ومستقرين فينيقيين للسواحل لمغريبية وربطوها بشبكات لتجارة دلبحر لبيض لمتوسط. لأدلة لأثرية لبارزة كاينة خصوصاً فليكسوس وفموݣادور، لموقع لقديم ديال الصويرة، إضافة لمواقع ساحلية خرين. لدور ديال هاد لمراكز كان تجاري وبحري، ومع لوقت تزادت فيه تأثيرات ثقافية وتقنية جاية من لشرق دلبحر لبيض لمتوسط.[19][20]
من بعد توسع نفود قرطاج فغرب لبحر لبيض لمتوسط، دخلات مناطق من لساحل لمغريبي فشبكات لقتيصاد لقرطاجي، ولكن لداخل بقا فيه نفود قوي ديال قبائل وممالك أمازيغية محلية. ماشي كل لمجال لمغريبي كان تحت حوكم مباشر ديال قرطاج؛ لعلاقة كانت كتختلف بين لتجارة، لتحالف والنفود السياسي حسب لبلاصة والمرحلة.
من لقرون لخرة قبل لميلاد ظهرت موريطانية كمملكة أمازيغية فشمال لغربي دإفريقيا. من الملوك لمعروفين ديالها باݣا وبوكوس لول، ومن بعد فلقرن لول ميلادي حكم پطوليمايوس لموري. ف40 ميلادية، من مورا إعدام پطوليمايوس فعهْد لإمبراطور كاليݣولا، دخلات لمملكة تدريجياً فالنظام لإداري لروماني وتقسمات، ولات لمنطقة لشمالية ديال لمغريب جزء من موريطانية الطنجية.[21]
وليلي كانت من أهم لمدون دهاد لمرحلة، وفيها آثار دلمعابد، لبيوت، لمعامل دزيتون والفسيفساء. طنجة، اللي كانت معروفة بTingis، ولات مركز إداري مهم. لنفود لروماني كان قوي فشمال لبلاد والسهول لقريبة، ولكن ماكانش متساوي فكل لمناطق د لداخل والجبال.[22]
من لقرن 3 و4 بدا لنفود لروماني كيضعف فجهات من شمال إفريقيا. جات مراحل فيها نفود ديال لوندال ومن بعد لإمبراطورية لبيزنطية فبعض لمراكز لساحلية، بينما بقات مناطق واسعة كتسيرها سلط محلية وقبائل أمازيغية. لمسيحية كانت حاضرة فشمال إفريقيا فهاد لقرون، ولكن لمعطيات على انتشارها داخل لمغريب كتختلف من منطقة لوخرا.
دخل لإسلام لشمال لغربي دإفريقيا فلقرن 7 ولبداية دلقرن 8، ومعاه دخلات لعربية كمكوّن جديد فالمجال لثقافي والسياسي. فلبداية كانت لمناطق لمغريب لأقصى مرتبطة بإدارة لدولة لأموية فإفريقية، ولكن بعد تورة لأمازيغ فلقرن 8 ضعف لتحكم ديال لمراكز الشرقية وظهرو كيانات مستقلة ومحلية.[4]
من دوك لكيانات كانت إمارة نكور فالريف، برغواطة فالمناطق لأطلسية، وسجلماسة فالجنوب الشرقي. هاد لتعدد السياسي ما منعش توسع لإسلام وتطور التجارة بين لمغرب لأقصى، صحرا، لأندلس وباقي شمال إفريقيا.
ف789 استقر ادريس بن عبد الله فوليلي وتبايعاتو قبيلة أوربة وقبائل خرين، ومن هاد لمرحلة بدات دولة لأدارسة. توسع لنفود الإدريسي فجهات مختلفة، ومن بعد تولى ادريس التاني ودار فاس مركز رئيسي ديال الدولة. فاس تطورات فلقرنين 9 و10 كمركز حضري وتجاري وعلمي مهم.[4][23]
النفود ديال لأدارسة ماكانش موحد دائماً على كامل لمغريب، ومع لوقت تقسمت لفروع ومراكز محلية ودخلات فصراعات مع قوى إقليمية بحال لفاطميين ولأمويين د لأندلس. فلقرن 10 سالا لحوكم لإدريسي كقوة سياسية رئيسية، ولكن لأثر ديالو بقا مهم خصوصاً فالتاريخ ديال فاس وفبناء شرعية لشرفاء فالمغريب.
فالقرن 11 خرجات حركة لمرابطين من قبائل صنهاجة فالصحرا. لعب عبد الله بن ياسين دور ديني وتنظيمي فبداية لحركة، ومن بعد قاد يوسف بن تاشفين توسعها. تأسسات مراكش فالنص لتاني دلقرن 11 وولات عاصيمة دلدولة. المرابطين وحدو أجزاء كبيرة من لمغريب، ووسعو نفودهم لموريطانيا ولجزاير لحالية، ودخلو لأندلس من مورا معركة الزلاقة ف1086.[24][25]
لمرابطين سيطرو على طرق تجارية صحراوية مهمة وربطو مراكز فشمال إفريقيا مع أندلوس وغرب إفريقيا.[26] فلقرن 12 بداو كايواجهو حركة دينية وسياسية جديدة هي حركة لموحدين، اللي غلباتهوم نهائياً وخدات مراكش ف1147.[24]
بدات حركة لموحدين مع محمد بن تومرت فجبال لأطلس، ومن بعد توسعات عسكرياً وسياسياً على يد عبد المؤمن بن علي. من نص لقرن 12 ولات الدولة لموحدية من أكبر لقوى فغرب دلبحر لبيض لمتوسط، وحكمات لمغريب الكبير وأجزاء كبيرة من أندلوس. بقات مراكش عاصيمة مهمة، وتطورت مدون بحال الرباط وإشبيلية فهاد لمرحلة.[24]
.jpg)
من لمعالم اللي مرتبطة بلموحدين صمعة د حسان فرباط، صمعة دلكتبية فمراكش وباب أݣناو. لمرحلة عرفت حتى نشاط فكري وعلمي كبير فمجالات بحال لفقه، لفلسفة، طب والفلك، وارتابط بيها علماء معروفين فغرب لإسلامي بحال ابن طفيل وبن رشد. من بعد هزيمة لعقاب ف1212 تزاد ضعف النفود لموحدي ف أندلوس وشمال إفريقيا، وف1269 دخل لمرينيين لمراكش وسالات لسلالة لموحدية كقوة حاكمة.[27]
من لقرن 13 سيطرو لمرينيين على مناطق واسعة من لمغريب ودارو فاس عاصيمة رئيسية. حاولوا يرجعو النفود فالمغريب الكبير ويدخلو فصراعات أندلسية، ولكن القوة ديالهم كانت أكثر تركيزاً على لمغريب لأقصى. المرحلة لمرينية معروفة ببناء مدارس ومعالم ففاس ومكناس وسلا، وبتقوية لعلاقات التجارية مع لبحر لبيض لمتوسط وصحرا.[4][28]
فلقرن 15 ضعف لمرينيين وتزايد لنفود لوطاسيين. فهاد نفس لمرحلة بدا توسع برطقيزي وصبليوني فبعض لمراسي لساحلية، واحتلت لبرتغال مدون ومراكز بحال سبتة ف1415 ومناطق خرين على لساحل لأطلسي. لوطاسيين ماقدروش يوقفو كاع لضغط لخارجي، وطلع نفود لسعديين من لجنوب.[29]
لسعديين قدرو فلقرن 16 يوسعو نفودهم من سوس ويوحدو أجزاء كبيرة من لمغريب. ف1541 رجعو أݣادير من لبرتغال، ومن بعد خداو فاس وسالاو لحوكم لوطاسي. من أشهر لأحداث ديال لعهد لسعدي معركة وادي لمخازين ف1578، اللي تسمات حتى معركة لملوك لتلاتة، وربح فيها لمغريب ضد حملة برطقيزية كبيرة.[30][31]
فحكم أحمد لمنصور وصل لنفود لسعدي للجنوب عبر حملة على إمبراطورية سونغاي ف1591، وولات لمملكة كتستافد من تجارة صحرا ومن مداخيل السكر. من بعد موت أحمد لمنصور ف1603 دخلات الدولة فصراعات على لحوكم وضعفات حتى سالا لعهد لسعدي فنص لقرن 17.[32]
طلعات لسلالة لعلوية من تافيلالت فلقرن 17، وقدر مولاي رشيد من 1664 حتى 1672 يوحد بزاف د لمناطق وينهي لتشتت السياسي. من بعدو حكم مولاي سماعيل مدة طويلة من 1672 حتى 1727، وقوى لمخزن، دار مكناس مركز ملكي، ونظم لعسكر والإدارة، وحارب ضد مراكز أوروپية فسواحل دلمغريب.[33]
فلقرن 18، خصوصاً فعهد محمد التالت بن عبد الله، توسعات تجارة لمراسي وتعقدات معاهدات مع دول أوروپية وميريكان. الصويرة تبنات كميناء تجاري منظم، وولات جزء مهم من سياسة لمخزن لفتح التجارة الخارجية مع الحفاظ على لاستقلال السياسي.[33][34][35]
فلقرن 19 تزاد لضغط لعسكري والاقتصادي ديال القوى لأوروپية على لمغريب. انهزم لجيش لمغريبي قدام فرانسا فمعركة إيسلي ف1844، ومن بعد دخل لمغريب فحرب مع صبليون بين 1859 و1860. لمعاهدات والديون والامتيازات التجارية عطاو للأجانب نفود متزايد، ودار لمخزن محاولات لإصلاح لعسكر، لجبايات، لتعليم والإدارة، ولكن لمنافسة الدولية على لمغريب بقات كتكبر.[33]
ف30 مارس 1912 توقعات معاهدة فاس اللي تفرضات بيها لحماية لفرانساوية على أغلب لمغريب. شمال لبلاد ومنطقة فجنوب دخلو تحت حماية صبليونية، بينما خدت طنجة نظام دولي خاص من عشرينيات لقرن 20. الحماية خلات مؤسسة لماليك ولمخزن باقية من ناحية لشكل، ولكن لسلطة الفعلية فمناطق لحماية كانت بشكل كبير فإيد لإدارات لاستعمارية.[33]
لمقاومة ضد لاستعمار خذات أشكال مختلفة. فالريف، قاد محمد بن عبد الكريم الخطابي مقاومة مسلحة ضد صبليون ومن بعد فرانسا، وتأسسات جمهورية الريف المغربي ف1921 قبل ما تنهزم ف1926 قدام تدخل عسكري فرنسي-صبليوني واسع. فباقي لمغريب كانت انتفاضات ومقاومات محلية حتى ثلاثينيات لقرن 20، ومن بعد تطور العمل السياسي والحركة لوطنية ف لمدون.
ف11 يناير 1944 تقدمات وثيقة المطالبة بالاستقلال. تزاد الصراع بين الحركة لوطنية والسلطات لفرانساوية، وف1953 تنفى محمد الخامس وعائلتو، الشي اللي زاد قوّى لمقاومة. رجع محمد الخامس ف نونبر 1955، وف1956 رجع الاستقلال السياسي: فرانسا عترفات بإنهاء نظام لحماية ف2 مارس، وصبليون أنهات لحماية فالشمال من بعد.[33]
من مورا لستيقلال بدا لمغريب كيبني مؤسسات لدولة الجديدة وكيضم تدريجياً مناطق كانت خارج نظام لحماية لفرانساوية. محمد الخامس بقا ماليك حتى مات ف1961، وخلفو ولدو لحسن تاني. ف1962 تدار أول دستور بعد لستيقلال، ومن بعد تعاقبو دساتير وتعديلات سياسية مختلفة.[33]
عهد لحسن تاني عرف تحديث دلبنيات، ولكن حتى توترات سياسية قوية ومحاولات انقلاب ف1971 و1972 وفترات ديال قمع سياسي اللي كاتعرف فالتأريخ لمغريبي بسنوات لرصاص. من تسعينيات لقرن 20 بدات انفراجات سياسية وتعديلات دستورية وتوسعات فمجال المشاركة لحزبية، وف1998 تعينات حوكومة التناوب برئاسة عبد الرحمان ليوسفي.
ف1975، من مورا انسحاب صبليون من صحرا لغربية، نظم لمغريب المسيرة الخضراء ودخلت لقضية فمرحلة جديدة. نزاع مسلح دار بين لمغريب وجبهة البوليساريو حتى وقف إطلاق النار ديال 1991 تحت إشراف لأمم لمتحدة. ف نونبر 2020 أعلنت لجبهة البوليساريو أن وقف إطلاق النار سالا من مورا لأحداث ديال لݣرݣرات، ومن داك لوقت رجعات مواجهات متقطعة ومنخفضة لحدة فمحيط لحزام لرّملي.[36] لمغريب كايسير أغلب لإقليم وكايقترح حوكم داتي تحت السيادة لمغريبية، بينما لجبهة البوليساريو كاتطالب باستقلال لإقليم. الوضع النهائي باقي ما تحسمش دولياً، ولأمم لمتحدة كاتعتبر لإقليم من لأقاليم اللي مازال ما كملوش مسار تصفية لاستعمار.[10] من 2025 ولى قرار مجلس لأمن 2797 كايحط مقترح لحوكم لداتي لمغريبي كأساس للمفاوضات تحت إشراف لأمم لمتحدة، مع بقاء لهدف لمعلن هو حل نهائي ومتوافق عليه كيضمن تقرير لمصير.[11]
من مورا موت لحسن تاني ف1999، ولى محمد السادس ماليك. لعهد ديالو عرف إصلاحات فمدونة لأسرة، مشاريع كبيرة فلبنية التحتية، توسع فبرامج اجتماعية واستثمارات فلطاقة ولموانئ والصناعة، ومعاه بقا نقاش سياسي واجتماعي على توزيع لسلطة، لفوارق الاجتماعية وحقوق لإنسان.
ف2011، وسط موجة احتجاجات عرفها لمغريب والمنطقة، تعرض مشروع دستور جديد للاستفتاء وتقبل. دوستور كايأكد على الطابع الدستوري والديموقراطي والبرلماني والاجتماعي للملكية، وكايرسم اختصاصات لماليك، رئيس لحوكومة، لبرلمان ولسلطة لقضائية، ورفع لأمازيغية للغة رسمية مع لعربية.[6]
- مقالة متعمقة: دستور د لمغريب د 2011
على حساب دوستور 2011، لمغريب «ملكية دستورية، ديموقراطية، برلمانية واجتماعية». لماليك هو رئيس لدولة وأمير لمؤمنين، وعندو اختصاصات دستورية فمجالات متعددة. لحوكومة كاتمارس لسلطة لتنفيذية، وكيترأسها رئيس لحوكومة، بينما لبرلمان كيمارس لسلطة لتشريعية، ولقضاء كايضمن ليه لدوستور لاستقلال على لسلطتين لتشريعية والتنفيذية.[6]
محمد السادس هو ماليك دلمغريب من 23 يوليوز 1999. من بعد لنتخابات لتشريعية، لماليك كايعين رئيس لحوكومة من الحزب اللي تصدر لنتائج، ورئيس لحوكومة كايقترح أعضاء لحوكومة باش يتعينو. ف2026 كايراس لحوكومة عزيز أخنوش، اللي بدا لمهمة ديالو من بعد انتخابات 2021.[7]
دوستور 2011 عطا لرئيس لحوكومة ولمجلس لحكومة اختصاصات أوسع مقارنة مع النظام اللي كان قبل، وفنفس لوقت بقا لماليك عندو أدوار مركزية فالمجالس لوزارية، لأمن والدفاع، لسياسة لخارجية والمؤسسات لستراتيجية. لمؤسسات الدستورية خرين كاينين بحال لمحكمة لدستورية، لمجلس لأعلى للسلطة لقضائية، ولمجلس لاقتصادي والاجتماعي والبيئي.[37]
لبرلمان لمغريبي فيه جوج دلمجالس: مجلس النواب ومجلس لمستشارين. مجلس النواب فيه 395 عضو كايتنتاخبو بالاقتراع العام المباشر لمدة خمسة دلسنين.[38][39] مجلس لمستشارين كايمتل لجماعات لترابية، لغرف لمهنية، منظمات لمشغلين وممثلي لمأجورين، وكيتم انتخاب لأعضاء ديالو بطريقة غير مباشرة على حساب لدوستور ولقانون لتنظيمي.[6][40][41]
لكتلة لسياسية فمجلس النواب كتتبدل على حساب لنتخابات والتحالفات لحزبية. لمغريب عندو نظام متعدد لأحزاب؛ من لأحزاب لمعروفة تاريخياً كاين حزب الاستقلال، الاتحاد الاشتراكي للقوات الشعبية، الحركة الشعبية، ومن لأحزاب اللي عندها حضور قوي فمرحلة 2021-2026 كاين التجمع لوطني د لأحرار، لأصالة والمعاصرة والاستقلال.
لدوستور كاينص على أن لسلطة لقضائية مستقلة على لسلطة لتشريعية والتنفيذية، وكاين لمجلس لأعلى للسلطة لقضائية اللي كايسهر على ضمانات استقلال لقضاة. لمحاكم كتشمل محاكم ددرجة لولا، محاكم لاستئناف، ومحكمة لنقض، وكاينين حتى محاكم متخصصة بحال لمحاكم لإدارية والتجارية.
من بعد 1990 تطور لإطار لمؤسساتي المرتبط بحقوق لإنسان، وتأسس المجلس الوطني لحقوق الإنسان بصيغتو لحالية فمارس 2011، فبلاصة المجلس الاستشاري لحقوق الإنسان اللي تأسس ف1990.[42][43][44] بقات فقضايا حقوق لإنسان نقاشات داخلية ودولية كتهم حرية لتعبير والتجمع، ظروف لعتقال، لمساواة، ولحماية دلفئات لهشة، وبالمقابل دارت الدولة إصلاحات قانونية ومؤسساتية وبرامج اجتماعية فمجالات مختلفة.
- مقالة متعمقة: تّقسيم تّرابي د لمغريب
من 2015 لمغريب مقسم ل12 جيهة. كل جيهة فيها عمالات وأقاليم، وهاد الوحدات كاتتقسم لجماعات. لجهوية لمتقدمة داخلة فالنموذج لتنظيمي ديال لبلاد، وكتعطي لمجالس لجهوية أدوار فلتنمية لقتيصادية والاجتماعية وإعداد لتراب، مع بقاء صلاحيات كبيرة عند لدولة لمركزية والولاة والعمال.
لجيهات هوما:
- جهة طنجة تطوان الحسيمة
- جهة الشرق
- جهة فاس مكناس
- جهة الرباط سلا القنيطرة
- جهة بني ملال خنيفرة
- جهة الدار البيضاء سطات
- جهة مراكش آسفي
- جهة درعة تافيلالت
- جهة سوس ماسة
- جهة ݣلميم واد نون
- جهة العيون الساقية الحمراء
- جهة الداخلة وادي الذهب
جوج لجيهات لخرة كاين جزء كبير من أراضيهوم فصحرا لغربية، وهادشي مرتبط بالنزاع على لوضع النهائي ديال لإقليم.[10]
لمغريب عرف تسارع فلتمدن فلعقود لخرة. على حساب RGPH 2024، نسبة السكان اللي ساكنين فالمجال لحضري وصلات 62,8%، مقارنة مع 60,4% ف2014.[1][45] سبعة دلمدون لكبار بوحدهوم كايجمعو نسبة كبيرة من السكان لحضريين. لأرقام التالية تقريبية ومبنية على نتائج 2024:[2]
| لترتيب | لمدينة | لجهة | عدد السكان ف2024 |
|---|---|---|---|
| 1 | الدار البيضا | جهة الدار البيضاء سطات | 3.236.000 |
| 2 | طنجة | جهة طنجة تطوان الحسيمة | 1.275.000 |
| 3 | فاس | جهة فاس مكناس | 1.183.000 |
| 4 | مراكش | جهة مراكش آسفي | 1.015.000 |
| 5 | سلا | جهة الرباط سلا القنيطرة | 945.000 |
| 6 | مكناس | جهة فاس مكناس | 562.000 |
| 7 | الرباط | جهة الرباط سلا القنيطرة | 516.000 |
الدار البيضا هي أكبر تجمع حضري ومركز مالي وصناعي، بينما الرباط هي لعاصيمة لسياسية والإدارية. طنجة توسعات بسرعة بفضل لصناعة ولميناء ولربط مع ؤروپا، ومراكش مركز سياحي وثقافي كبير، وفاس ومكناس من أهم لمدون لتاريخية.
لمغريب عضو فلأمم لمتحدة من 1956، وعضو فمؤسسات دولية وإقليمية مختلفة. رجع لعضوية الاتحاد لإفريقي ف2017 من بعد غياب دام كثر من ثلاثة عقود.[46] السياسة لخارجية لمغريبية كاتركز على لعلاقات مع إفريقيا، الاتحاد لأوروپي، لولايات لمتحدة، دول لخليج، ودول لمتوسط، وزادت فلعقود لخرة لحضور ديال لمقاولات ولأبناك لمغريبية فإفريقيا.
لمغريب عندو علاقات اقتصادية قوية مع الاتحاد لأوروپي، اللي هو أكبر شريك تجاري ديالو؛ اتفاقية الشراكة الأورو-متوسطية بين لجانبين دخلات حيز لتنفيذ ف2000 وصاوبات منطقة للتجارة لحر.[47] عندو حتى اتفاقية تجارة حرة مع لولايات لمتحدة دخلات حيز لتنفيذ ف1 يناير 2006.[48] لعلاقات مع لجزاير بقات متوترة ففترات طويلة، خصوصاً بسباب نزاع صحرا لغربية وقضايا إقليمية خرين، ولحدود لبرية بين لبلدين مسدودة من 1994.
- مقالة متعمقة: جغرافيا د لمغريب
لمغريب كاين فشمال لغرب ديال إفريقيا، ومفتوح على جوج واجهات بحريين: لمحيط لأطلسي فلغرب ولبحر لبيض لمتوسط فالشمال. هاد لموقع كيخليه قريب بزاف من شبه لجزيرة لإيبيرية، وفأضيق نقطة من مضيق جبل طارق كاتفصلو على أوروپا مسافة بحرية قصيرة.
من لشرق كاينة جزاير، وفالشمال كاينين لمجال لبحري لدولي ومناطق كاتسيرها صبليون بحال سبتة ومليلية، ومن لجنوب كاينة صحرا لغربية وموريطانيا. بسبب نزاع صحرا لغربية، تقدير لمساحة ديال لمغريب كايختلف بين لمصادر: بعض لإحصاءات الدولية كاتحسب أراضي لمغريب بلا لإقليم لمتنازع عليه، بينما لإحصاءات الرسمية لمغريبية كاتدمج لجيهات لجنوبية ضمن لتراب الوطني. لهاذ لسبب حسن يتوضح دائماً شنو لمجال لمقصود ملي كيتعطى رقم لمساحة.[10]
لساحل لمغريبي طويل ومتنوع، فيه شواطئ رملية، جروف، خلجان ومصبات دلويدان. فالواجهة لأطلسية كاينين مراسي كبار بحال الدار البيضا، لمحمدية، الجرف لأصفر، آسفي وأݣادير. فالشمال كاين طنجة لمتوسط قرب مدخل مضيق جبل طارق، وكاينين مراسي متوسطية بحال لناظور ولحسيمة.
لتضاريس دلمغريب متنوعة بزاف. فالشمال كاينة جبال الريف، وفالوسط والجنوب كتمتد سلاسل لأطلس: لأطلس لمتوسط، لأطلس لكبير ولأطلس صغير. أعلى نقطة ف لبلاد هي جبل توبقال ب4167 متر فوق سطح لبحر، وهو أعلى قمة فشمال إفريقيا.
بين لجبال ولساحل كاينين سهول وأحواض خصبة ساهمو فتركيز جزء كبير من السكان ولنشاط لفلاحي: سهل لغرب، سايس، تادلة، الشاوية، دكالة، الحوز وسوس. فشرق وجنوب شرق لبلاد كاتولي لتضاريس أكثر جفافاً، وكتبان هضاب، وديان وواحات ومجالات ما قبل صحراوية وصحراوية.
لأطلس كيلعب دور كبير فلتقسيم لمناخي ولماوي. لجبال كاتشد جزء مهم من لتساقطات، وكتعطي لتلج فالمرتفعات ففصل لشتا، وكتغدي بزاف دلويدان والسدود. فالمقابل، لمناطق اللي ورا لسلاسل لجبلية فالجنوب والشرق كتعيش تأثير ظل لمطر وكتكون ناشفة كثر.
من أهم لأحواض لمائية دلمغريب كاين حوض واد سبو، أم الربيع، بورقراق، تانسيفت، سوس ماسة، ملوية ودرعة.[49] بنات لدولة من لستينات شبكة كبيرة دلسدود باش تجمع لما للشرب، لسقي، إنتاج لكهربا والحد من بعض لفيضانات.
مع دالك، ندرة لما ولات من أكبر لتحديات لبيئية والاقتصادية. على حساب لبنك لعالمي، هبطت لموارد لمائية لمتجددة للفرد من حوالي 2560 متر مكعب ف1960 لحوالي 620 متر مكعب ف2020، وهادشي كيحط لبلاد فحالة إجهاد مائي هيكلي وقريبة من عتبة لندرة لمطلقة.[50][51] هاد لضغط تزاد مع سنوات د لجفاف، نمو لمدون، توسع بعض الزراعات لمسقية وزيادة لطلب الصناعي والسياحي.
باش يواجه هاد لمشكل، لمغريب كيوسع تحلية ما لبحر، إعادة استعمال لما، لربط بين لأحواض، وتحديث لسقي. تقرير لبنك لعالمي على لمناخ والتنمية كايعتبر مواجهة ندرة لما ولجفاف واحد من ثلاثة د لأولويات لكبار، مع لمقاومة ضد لفيضانات وإزالة لكربون من لاقتصاد.[52]
 |
 |
لمناخ دلمغريب كيتبدل بزاف على حساب لقرب من لبحر، لعلو وخط لعرض. لشمال ولشمال لغربي عندهوم تأثير متوسطي ومحيطي، فيه شتا كثر فلخريف ولشتا وصيف ناشف. لواجهة لأطلسية كتستافد من تأثير لمحيط اللي كينقص من لتطرف ديال درجات لحرارة، بينما لداخل كيعرف فرق أكبر بين لشتا والصيف وبين لليل والنهار.
فلمناطق لجبلية كاين لمناخ بارد نسبياً وكيطيح لتلج فمرتفعات لأطلس ولريف. الجنوب والجنوب الشرقي عندهوم مناخ جاف وشبه صحراوي حتى صحراوي، مع قلة لتساقطات ودرجات حرارة صيفية مرتفعة. كتأثر لتساقطات حتى بتقلبات جوية كبيرة من عام لعام، وهادشي كاينعكس على لفلاحة والسدود.
لتغير لمناخي كيزيد من حدة بعض لمخاطر، خصوصاً لجفاف وندرة لما وموجات لحرارة، وفنفس لوقت لبلاد معرضة لفيضانات مفاجئة فبعض لأحواض. لبنك لعالمي كايصنف لمغريب من لبلدان اللي خاصها تجمع بين لتكيف مع ندرة لما وتقوية لمرونة دلبنيات والاقتصاد، مع انتقال تدريجي لطاقة قليلة لانبعاثات.[52][53]
- مقالة متعمقة: لحياة لبرية فلمغريب
لتنوع دلتضاريس ولمناخ عطا لمغريب تنوع حيوي مهم. على حساب اتفاقية التنوع البيولوجي، لمغريب فيه كثر من 24.000 نوع حيواني وحوالي 7.000 نوع نباتي، مع نسب مهمة ديال لأنواع لمتوطنة، وكتتميز خصوصاً لغابات والأنظمة لبحرية بالغنى ديالها.[54][55] فالغابات لجبلية كاين لأرز، لبلوط، لعرعار ولصنوبر، وفالجنوب لغربي كاينة غابات أرݣان اللي كتعتبر من أبرز لأنظمة لبيئية لمغريبية. فالواحات كيلعب لنخل دور أساسي فلفلاحة ولمشهد لثقافي، وفلمناطق لستپية كاين نباتات متأقلمة مع لجفاف.
لمغريب كاين فمسارات هجرة الطيور بين أوروپا وإفريقيا، وهادشي كيخلي لمناطق لرطبة ولسواحل والبحيرات محطات مهمة لأنواع كثيرة. من لحيوانات لمعروفة فلطبيعة كاين لمكاك لبربري، خنزير لبر، لغزال فبعض لمناطق، وأنواع متعددة من لجوارح والزواحف. أسد لأطلس انقرض من لبرية فلقرن 20، وبقا حاضر فلتاريخ والرمزية ديال لمنطقة.[56][57]
من أكبر لضغوط على لتنـوع لبيولوجي كاين لجفاف، لحرائق، لتوسع لعمراني، لقطع غير لمستدام، لضغط على لمراعي وتجزئة لمواطن لطبيعية. كاينة شبكة دلمتنزهات لوطنية والمحميات باش تتحمى نظم جبلية، غابوية، ساحلية وصحراوية، ومن أشهرها منتزه توبقال، تلاسمطان، إفران، سوس ماسة وخنيفيس.[58]
أول إحصاء عام من بعد لستيقلال تدار ف1960 وكان عدد السكان حوالي 11,6 مليون.[59] من بعد تزاد عدد السكان بسرعة فعقود 1960 و1970 و1980، ولكن معدل لنمو بدا كايهبط تدريجياً. فإحصاء 2024 وصل العدد القانوني ل36.828.330 نسمة، منهم 36.680.178 مغريبي و148.152 أجنبي، ومعدل لنمو لسنوي لمتوسط بين 2014 و2024 كان 0,85%.[1]
لتوزيع دلساكنة غير متساوي: كثافة كبيرة فالساحل لأطلسي بين قنيطرة والدار البيضا والجديدة، فمحور فاس-مكناس، فطنجة وتطوان، وفمراكش وسوس. فالمقابل، لمناطق لجبلية والصحراوية والجنوب الشرقي أقل كثافة. لتمدن تزاد من 29,2% ف1960 ل62,8% ف2024.[1]
لساكنة عرفت تحول ديموغرافي واضح. على حساب RGPH 2024، الفئة من 0 حتى 14 لعام كاتمثل حوالي 26,5%، والفئة من 15 حتى 59 حوالي 59,7%، والناس اللي عندهوم 60 عام ولا كثر حوالي 13,8%. معدل لخصوبة وصل تقريباً 1,97 طفل لكل مرا، وهبط تحت مستوى تعويض لأجيال.[2] هاد لتغير كيطرح تحديات جديدة فالتقاعد، لصحة، لسكن وسوق لشغل، مع بقاء نسبة مهمة ديال لشباب.
عدد لأسر وصل ف2024 لحوالي 9,275 مليون أسرة، ومعدل عدد لأفراد فلأسرة ولى 3,9، مقابل أحجام أكبر فعقود سابقة.[2] لمدن لكبار كتستقبل جزء من لهجرة الداخلية، خصوصاً من لمناطق لقروية والمدن لصغيرة للمراكز لاقتصادية والجامعية.
لعربية ولأمازيغية هوما لّوغات الرسميين على حساب دوستور 2011.[6] فالحياة ليومية كاين تنوع لغوي كبير، وكيقدرو بزاف د لمغاربة يستعملو كثر من تعبير لغوي حسب لمجال والجهة.
على حساب RGPH 2024، 91,9% دلساكنة صرحو باستعمال داريجة لمغريبية. 24,8% صرحو باستعمال واحد ولا كثر من تعبيرات لأمازيغية، بحال تاشلحيت، تمازيغت وتاريفيت؛ لنسبة كتطلع ل33,3% فلبادية و19,9% ف لمدون. لحسانية كايستعملها حوالي 0,8% من السكان، وبنسب أعلى فلأقاليم لجانوبية.[2] حيث الناس يقدرو يصرحو بأكثر من لغة ولا تعبير، هاد لنسب ماشي مفروض تجمع ل100%.
لفرانساوية عندها حضور قوي فالإدارة لاقتصادية، لأعمال، جزء من لتعليم لعالي والإعلام، بينما نݣليزية ولات كاتتوسع خصوصاً عند لشباب وفلتعليم ولتكنولوجيا. من السكان اللي كيعرفو يقراو ويكتبو وعمرهوم 10 سنين ولا كثر، 99,2% كيعرفو لقراية ولكتابة بلعربية، 57,7% بلفرانساوية، و20,5% بنݣليزية حسب إحصاء 2024.[2] لسبنيولية باقية حاضرة بنسب أقل خصوصاً فبعض لمناطق لشمالية والجنوبية نتيجة لعلاقات التاريخية والجغرافية مع صبليون.
- مقالة متعمقة: لأديان فلمغريب
لإسلام هو دين الدولة على حساب دوستور، ولدوستور كاينص حتى على ضمان حرية ممارسة لشعائر. أغلبية كبيرة من لمغاربة مسلمين، وغالبية لممارسة الدينية السنية كتتبع لمذهب المالكي، مع حضور تاريخي للتصوف والزوايا.[6]
لمغريب عندو تاريخ يهودي قديم؛ كانت جاليات يهودية كبيرة فمدون ومناطق مختلفة بحال فاس، مكناس، الصويرة، تطوان ومراكش، وهاجر جزء كبير منها فلقرن 20 لإسرائيل، فرانسا، كندا ودول خرين. مازال كاينة جالية يهودية صغيرة ومؤسسات وكنس ومقابر كتكون جزء من لتراث لمغريبي. كاينين حتى مسيحيين، أغلبهوم أجانب ومهاجرين مقيمين، مع كنائس تاريخية فمدن كبار.
لتعليم فلمغريب فيه قطاع عمومي وقطاع خاص، وكايمتد من لتعليم لولي والابتدائي للإعدادي والثانوي والتكوين لمهني والجامعات. من المؤسسات التاريخية كاين جامع لقرويين ففاس، اللي تطور عبر لقرون كمركز للتعليم الديني واللغوي، ومن الجامعات لعصرية كاينة جامعة محمد الخامس فالرباط وجامعات عمومية فمعظم لجهات.
من بعد لستيقلال توسعات شبكة لمدارس بزاف وطلع لولوج للتعليم، ولكن بقا لمجال كايواجه تحديات بحال لهدر لمدرسي، تفاوت لجودة بين لمدن والبوادي، اكتظاظ بعض لمؤسسات ومستوى لتعلم. إحصاء 2024 لقا أن نسبة لتمدرس عند لأطفال من 6 حتى 11 لعام وصلات ل96,3% على لصعيد لوطني، وأن نسبة لأمية عند السكان من 10 سنين لفوق هبطات ل24,8%.[2][60][61]
ف2019 تدار لقانون لإطار 51.17 على منظومة لتربية والتكوين والبحث لعلمي، ومن بعد جات خارطة لطريق 2022-2026 اللي ركزات على لجودة، لمحاربة لهدر لمدرسي ودعم لتلاميذ. تقارير ليونسكو كاتبين أن لولوج للإعدادي والثانوي تحسن بشكل كبير من 2000، ولكن لتكرار والانقطاع وجودة لمكتسبات باقين تحديات مهمة.[62][63]
نظام لصحة فيه مستشفيات ومراكز صحية عمومية، مؤسسات عسكرية وجامعية، وقطاع خاص كيتوسع خصوصاً ف لمدن. من لمشاكل اللي كاينة تفاوت توزيع لأطباء والتجهيزات بين لجهات، لضغط على لمستعجلات، ونقص بعض لتخصصات ف لمناطق لبعيدة.[64]
من 2021 دخل لمغريب فإصلاح واسع للحماية لاجتماعية، ومن لمكونات ديالو توسيع لتغطية لصحية لإجبارية، إصلاح لمستشفيات وتنظيم لعرض لصحي على أساس مجموعات صحية ترابية. حسب RGPH 2024، 69,8% دلساكنة صرحو أن عندهوم تغطية طبية.[2] ف2025 كانت الدولة كتكمل إصلاح لحكامة الصحية، تكوين لموارد لبشرية، رقمنة لقطاع وتوسيع لمؤسسات.[65][66][67][68]
كاينة جالية مغريبية كبيرة خارج لبلاد، خصوصاً فأوروپا. على حساب منظمة التعاون والتنمية لاقتصادية، إسبانيا وفرنسا وإيطاليا من أهم وجهات لمهاجرين لمغاربة فالاتحاد لأوروپي.[69] الهجرة للخارج بدات بأحجام كبيرة خصوصاً من الستينات مع حاجيات سوق لشغل فأوروپا، ومن بعد تزادت هجرة لأسر، لطلبة، لمهنيين ورجال لأعمال. لمغاربا لمقيمين فالخارج عندهوم دور قتصادي واجتماعي مهم من خلال لتحويلات لمالية، لاستثمار، لسياحة وصلة لأسر بين لمغريب وبلدان لإقامة.
- مقالات متعمقة: قتيصاد لمغريب• التجارة فلمغريب
لمغريب عندو قتصاد مختلط ومفتوح نسبياً على لتجارة ولاستثمار لخارجي، وكيجمع بين قطاعات تقليدية بحال لفلاحة والصناعة لغدائية وقطاعات صناعية جديدة بحال طونوبيلات والطيران والإلكترونيك. لخدمات كتمثل جزء كبير من لنشاط، خصوصاً لتجارة، لنقل، لمالية، لاتصالات والسياحة.
حسب لبنك لعالمي، وصل الناتج لمحلي لإجمالي ف2025 لحوالي 182,37 مليار دولار، والناتج للفرد لحوالي 4.672,5 دولار، والنمو الحقيقي لاقتصاد كان 4,6%.[8][70] هاد لمؤشرات كتتأثر من عام لعام بأداء لفلاحة المرتبط بالشتا، بأسعار لطاقة، لطلب لأوروپي، لاستثمار لعمومي وتحويلات لمغاربا لبرا.
سوق لشغل بقا من أكبر لتحديات. لمندوبية لسامية للتخطيط سجلت ف2025 معدل بطالة 13,0% على لصعيد لوطني، 16,4% فلوسط لحضري و6,6% فلوسط لقروي. كانت لنسبة أعلى وسط لشباب من 15 حتى 24 عام (37,2%)، لعيالات (20,5%) وحاملي لشواهد (19,1%).[71]
لقرب من أوروپا، لموانئ والطرقان الصناعية، وشبكة ديال اتفاقيات لتبادل ساعدو لمغريب يندمج فسلاسل إنتاج دولية. الاتحاد لأوروپي هو أكبر شريك تجاري ديالو، وكاينة اتفاقية شراكة صاوبات إطار للتجارة لحر بين لجانبين.[47] كاينة حتى اتفاقية تجارة حرة مع لولايات لمتحدة.[48] وزيد عليهوم اتفاقيات وأطر للتبادل مع دول عربية، تركيا ودول خرين.[72]
لصادرات تبدلات تركيبتها فلعقود لخرة. لفوسفاط والأسمدة بقاو مهمين، ولكن طونوبيلات ولقطع ديالها ولاو قطاع تصديري رئيسي، وزاد قطاع طيران، لأسلاك لكهربائية، لصناعة لغدائية، لنسيج، لحوامض والخضر. لمدن والمناطق الصناعية دطنجة، لقنيطرة، الدار البيضا والجرف لأصفر عندها دور كبير فهاد لسلاسل.[73][74]
صناعة طونوبيلات تطورات بسرعة من بداية لقرن 21 بوجود مصانع كبار ومئات دلموردين. مصانع رونو فطنجة والدار البيضا وستيلانتيس فلقنيطرة خلقت سلسلة إنتاج فيها لتركيب، لكابلاج، لمكونات، لمحركات والهندسة. ف2024 وصلات صادرات لقطاع لطوموبيل لحوالي 157 مليار درهم، وولات لقطاع لصدر لول للصادرات لمغريبية.[75][76]
قطاع لطيران تطور حتى هو فمناطق صناعية قريبة من الدار البيضا وطنجة، وفيه تصنيع وتجميع أجزاء الطيارات، لكابلاج، لصيانة والهندسة. كاينين حتى صناعات دلفوسفاط والأسمدة، لكيميا، لصيدلة، لإسمنت، لنسيج، لصناعة لغدائية، لإلكترونيك ومواد لبناء.[77]
لمغريب كايحاول يزيد نسبة لقيمة لمضافة لمحلية وينتاقل من لتركيب البسيط لتصنيع مكونات أكثر تعقيداً، وهادشي بان حتى فاستثمارات مرتبطة ببطاريات لطوموبيلات لكهربائية ومكونات لطاقة لخضرا. لنجاح فهاد لمجال مرتبط بتكوين تقني، لماء والطاقة، للوجستيك، ولولوج للأسواق لخارجية.
لمغريب من أهم لبلدان فلعالم فلفوسفاط. لأحواض لمعروفة كاينة فخريبكة، بنݣرير واليوسفية، وكاين حتى منجم بوكراع فصحرا لغربية. حسب لخدمة لجيولوجية د لولايات لمتحدة، لمغريب مع صحرا لغربية عندهوم أكبر احتياطي معروف من صخور لفوسفاط فلعالم.[78][79]
مجموعة OCP كتلعب دور محوري فالاستخراج وتحويل لفوسفاط لحمض فوسفوري وأسمدة، خصوصاً فخريبكة والجرف لأصفر وآسفي. زيادة على لفوسفاط، كاين إنتاج لمعادن بحال لفضة، لكوبالت، لرصاص، لزنك والنحاس، ولكن لأهمية ديالهوم أقل مقارنة مع لفوسفاط.[80][81]
بسبب لوضع لمتنازع عليه ديال صحرا لغربية، استغلال لفوسفاط فبوكراع كيدخل حتى فجدل قانوني وسياسي دولي على لموارد د لإقليم، وضروري أي أرقام خاصة بهاد لمنجم تتميز على أرقام لمغريب المعترف به دولياً.[10]
- مقالات متعمقة: لفلاحة ف لمغريب• لما ف لمغريب
لفلاحة عندها وزن اقتصادي واجتماعي كبير خصوصاً فلبادية، ولكن لمردودية ديالها كتختلف بزاف على حساب لتساقطات. لحبوب، خصوصاً لقمح ولشعير، كتشغل مساحة كبيرة من لأراضي الصالحة للزراعة، وكاين إنتاج مهم ديال لزيتون، لحوامض، لخضر، لفواكه، لقطاني والتمور.[82][83][84]
لفلاحة لمسقية مركزة فبعض لأحواض بحال سوس، تادلة، دكالة والغرب، وكتعطي محاصيل بقيمة عالية للتصدير والسوق لداخلية. ولكن ضغط لما والجفاف خلى كفاءة لسقي واختيار لمحاصيل موضوع قتصادي وبيئي مهم. السياسات لفلاحية فلعقود لخرة ركزات على لاستثمار، تثمين لسلاسل، لفلاحة لتضامنية وتدبير لما، مع نقاش مستمر على لاستدامة وتوازن لستعمالات.
بفضل واجهتين بحريتين طويلين، لصيد لبحري من لقطاعات لمهمة فمدون ساحلية بحال أݣادير، آسفي، لعيون، الداخلة وطنجة. كايتصيد لسردين، لأنشوبة، لسمك لأبيض، لرخويات وأنواع خرين، وكيتم تحويل جزء كبير فمصانع دلتعليب، لتجميد ودقيق لحوت. تدبير لمخزون لسمكي كيتطلب مراقبة لفترات لصيد، لأحجام والمناطق باش ما يكونش استغلال مفرط.[85][86]
- مقالة متعمقة: السياحة ف لمغريب
لسياحة من أكبر قطاعات لخدمات ومصدر مهم للعملة لصعبة ولمناصب لشغل. لعرض لسياحي متنوع: لمدون لتاريخية بحال مراكش وفاس ومكناس وتطوان والصويرة، لسياحة لشاطئية فأݣادير ولبحر لبيض لمتوسط، لسياحة لجبلية ف لأطلس ولريف، لسياحة لصحراوية فلجنوب الشرقي، وزيارات لتراث لأثري والثقافي.
ف2025 سجل لمغريب 19,8 مليون وافد سياحي، بزيادة 14% على 2024، ووصلات مداخيل لسياحة بالعملة لصعبة ل138 مليار درهم. مؤسسات لإيواء لمصنفة سجلت 43,4 مليون ليلة مبيت.[9] فالنص لول من 2026 بقات لحركة طالعة، ووزارة لسياحة أعلنت 9,4 مليون وافد فنهاية يونيو 2026، بزيادة 6% على نفس الفترة د2025.[87]
تطور لسياحة كايمشي مع توسع لمطارات، لفنادق، لقطارات ولطرق، ولكن كايطرح حتى تحديات ديال ضغط لما، لضغط لعقاري، حماية لتراث وتنظيم لإيواء لسياحي ف لمدون لكبار.
لمغريب كيستورد جزء كبير من حاجياتو من لوقود لأحفوري، وهاد لتبعية خلات أمن لطاقة وتنويع لمصادر أولوية ستراتيجية. من 2009 دخلات لبلاد فبرنامج كبير لطاقة لمتجددة، خصوصاً لشمس، لريح والطاقة لمائية.
من لمشاريع لمعروفة مركب نور الشمسي فوارزازات ومزارع لريح فطنجة وطرفاية ومناطق خرين. لهدف الرسمي هو توصل حصة لمصادر لمتجددة لأكثر من 52% من لقدرة لكهربائية لمركبة ف2030.[88][89][90] فنهاية 2024 وصلت لقدرة لمركبة من لمتجددة لحوالي 5,5 جيݣاواط، أو 45,5% من لقدرة لكهربائية، حسب معطيات رسمية مقدمة ف2025.[91]
من لمجالات لجديدة كاين لتخزين بالبطاريات، لغاز لمحطات لمرنة، تطوير لشبكة، لتحلية بالطاقة لمتجددة، والهيدروجين لخضر ومشتقاتو. لانتقال لطاقي مرتبط حتى بالصناعة والتصدير لأوروپا وبالحاجة لنقص لانبعاثات وتحسين لأمن لطاقي.[92]
شبكة طرقان سيارة كتربط لمراكز لكبار من طنجة والرباط للدار البيضا ومراكش وأݣادير، ومن الرباط لفاس ووجدة، وزادت طرق سريعة ومحاور جهوية فمناطق مختلفة. لنقل لطرقي هو لوسيلة الرئيسية دتنقل لأشخاص والسلع داخل لبلاد.[93][94]
شبكة لقطار كاتسيرها ONCF وكتربط طنجة، لقنيطرة، الرباط، الدار البيضا، مراكش، فاس، مكناس، وجدة ومدون خرين. ف26 نونبر 2018 بدا لاستغلال لتجاري ديال لبراق بين طنجة والدار البيضا عبر لقنيطرة والرباط، وهو أول خط فائق لسرعة فإفريقيا.[95][96][97][98] كاينة مشاريع لتوسيع لقطار لفائق لسرعة وتحديث لأسطول وشبكة لقطارات التقليدية.
لموانئ عندها دور حاسم فلقتيصاد. طنجة لمتوسط ولى منصة عالمية للترانزيت، لصناعة واللوجستيك. ف2024 عالج لمركب 10.241.392 حاوية مكافئة لعشرين قدم و142 مليون طن من لسلع، إضافة لأكثر من 600 ألف طونوبيلة فمحطات لمركبات.[99][100][101] كاينين مراسي تجارية كبار خرين بحال الدار البيضا، الجرف لأصفر، آسفي، أݣادير ولناظور.
لمطارات الدولية الرئيسية كاينة فالدار البيضا، مراكش، أݣادير، طنجة، فاس، الرباط، وجدة ولناظور. مع نمو لسياحة والتحضير لكاس لعالم 2030، تبرمج استثمارات كبيرة لتوسيع لقدرة دلمطارات، ومن بين لأهداف لمعلنة رفع لقدرة لوطنية لحوالي 80 مليون مسافر سنوياً ف2030.[102][103]
لتقافة دلمغريب تكونات عبر قرون من لتلاقي بين لموروث لأمازيغي، لعربي لإسلامي، لأندلسي، لصحراوي، لإفريقي ولمتوسطي. هاد لتنوع باين فلهضرة، لموسيقى، لمعمار، لملابس، لماكلة، لحرف، لطقوس لموسمية وطريقة لتنظيم دلمدن لقديمة. الاختلافات لجهوية باقين مهمين: تقافة لريف ماشي هي بالضبط ديال سوس، ولأطلس عندو تعابير مختلفة على صحرا ولمدن لعتيقة د فاس ومراكش وتطوان والصويرة.
لمدن لعتيقة فيها عناصر معمارية معروفة بحال لرياض، لقصور، لقصبات، لسقايات، لسويقات، لمدارس، لمساجد ولأسوار. فزخرفة لمباني كيتستعمل لزليج، لجبص لمنقوش، لخشب لمنقوش، لنحاس ولرخام. لحرف لتقليدية كتضم لنسج د لزربية، لدباغة وصناعة لجلد، لفخار، لصياغة د لفضة، لتطريز، لخياطة لملابس لتقليدية وصناعة لخشب.
لموسيقى لمغريبية فيها أنواع جهوية وتاريخية كثيرة. لموسيقى لأندلسية تطورات خصوصاً فمدون الشمال وفاس والرباط، ولملحون مرتبط بلشعر لمغنى وبلمدن لتاريخية. كاينين حتى لفنون لأمازيغية بحال أحواش فأطلس الصغير وسوس، وأحيدوس فأطلس لمتوسط، ولعيطة فسهول لأطلسية، ولركادة فالشرق، وموسيقى كناوة لي تجمع بين لموسيقى، لرقص وطقوس اجتماعية وروحية.
ف2019 تسجلات كناوة فاللائحة لتمتيلية د التراث الثقافي غير لمادي د لإنسانية عند ليونسكو، اللي وصفتها كمجموعة ديال لممارسات لموسيقية، لفرجوية والأخوية اللي كتجمع بين لجانب لدنيوي ولروحي.[104] وتبّوريدة، وهي فرجة فروسية جماعية كتحاكي عروض عسكرية تاريخية، تسجلات ف2021.[105]
لأدب فلمغريب عندو تقاليد مكتوبة وشفوية بلغات مختلفة. قبل لمرحلة لمعاصرة كان لإنتاج كيتضمن كتب فلفقه، لتاريخ، لرحلات، لتراجم، لشعر، لتصوف وللغة، وزاد عليه لتراث لشفوي بالأمازيغية والدارجة. من لأسماء التاريخية لمعروفة بن بطوطة، اللي كتب رحلتو فلقرن 14 من بعد أسفار طويلة فإفريقيا وآسيا وأوروپا.
فلقرن 20 و21 تطور الأدب لعصري بالعربية، لأمازيغية، لفرانساوية، وحتا بلغات خرين عند لمغاربا لبرا. لمواضيع كتراوح بين لتحولات لاجتماعية، لهوية، لذاكرة، لهجرة، لمدينة، لبادية، لسياسة ولعلاقات بين لأجيال. لصحافة، لجامعات ودور لنشر ساهمو فتوسيع لنقاش لأدبي، كيف ما تزادت لمهرجانات ولمعارض دلكتاب.
لمطبخ لمغريبي متنوع على حساب لجهات ولمواسم. من لأطباق لمعروفة الكسكس، لطاجين، لرفيسة، لحريرة، لبسطيلة، لمشوي وأنواع مختلفة د لخبز ولسلاطات ولمملحات. فالسواحل كاين حضور قوي د لحوت وفواكه لبحر، وفلمناطق لجبلية ولداخلية كاين استعمال للحبوب، لقطاني، زيت لزيتون، لزبدة، لعسل ولأعشاب. فالجنوب لغربي زيت أرݣان عندو استعمال غذائي وتقافي مهم.
ليونسكو سجلت ف2014 لمعارف ولممارسات لمتعلقة بشجرة أرݣان فتراث لامادي دلمغريب.[106] وف2020 تسجلات لمعرفة ولمهارات ولممارسات لمتعلقة بتحضير واستهلاك الكسكس بشكل مشترك بين لمغريب، لجزاير، تونس وموريطانيا.[107]
لملابس لتقليدية كتختلف من بلاصة لبلاصة ومن لمناسبات ليومية للحفلات. لجلابة كتلبس عند لعيالات ورجال بأشكال مختلفة، ولقفطان والتكشيطة مرتبطين خصوصاً بلباس لعيالات فالأعراس ولمناسبات. كاينين أزياء جهوية أخرى ف لريف، لأطلس، سوس، لشرق، لشمال وصحرا، وكيختلف لثوب، لطريز، لحزام، لحلي وطريقة للباس.
ف2025 تسجل لقفطان لمغريبي: لفن، لتقاليد ولمهارات فاللائحة لتمتيلية دالتراث الثقافي غير لمادي د لإنسانية عند ليونسكو.[108] هاد لتسجيل كيشمل لمعرفة ديال لتصميم، لقص، لخياطة، لطريز، لزواق، وكيفاش كيتنقلو هاد لمهارات بين لحرفيين ولأجيال.
لمعمار التاريخي دلمغريب تأثر بلمراحل السياسية ولتبادل مع لأندلوس، لمشرق، صحرا وإفريقيا جنوب صحرا. من لمعالم لمعروفة جامع لقرويين ففاس، صمعة لكتبية فمراكش، صمعة حسان فالرباط، باب لمنصور فمكناس، أسوار مدون خرين، ولقصور ولقصبات فالجنوب. فلفترة لعصرية دخلات أنماط معمارية أوروپية فالأحياء لجديدة اللي تبناو ففترة لحماية، ومن بعد لستيقلال توسعات لمدن بعمارات، أحياء سكنية، مناطق صناعية وتجهيزات حديثة.
لحفاظ على لمدن لعتيقة كايواجه تحديات من بينها تقادم لبنايات، لضغط لسياحي، لتغيير لاستعمالات، لحرائق وبعض لأشغال لي ما كتحترمش لطابع لأصلي. فالمقابل كاينين برامج لترميم لأسوار، لفنادق لتاريخية، لمتاحف، لساحات ولمدارس لعتيقة.
بدأ لإنتاج لسينيما لمغريبية يتوسع من بعد لستيقلال، ومع مرور لوقت تزادو لمخرجين، لشركات لإنتاج ولمهرجانات. وارزازات والمناطق لقريبة منها ولات معروفة كموقع لتصوير إنتاجات دولية بسباب لمناظر، لضوء، لاستوديوهات وقربها من مراكش. كاين مهرجان دولي دلفيلم فمراكش، وزادت مهرجانات موضوعاتية وجهوية فمدون خرين.
لفنون تشكيلية ولمعاصرة عندها حضور فمتاحف، صالات لعرض وفضاءات مستقلة خصوصاً فالرباط، الدار البيضا، مراكش، طنجة، تطوان والصويرة. لمشهد كيجمع بين لاستمرار ديال لحرف ولزخرفة لتقليدية وتجارب حديثة فلتصوير، لفيديو، لنحت، لفن لعمومي ولتصميم.
- مقالة متعمقة: ليستا د معاليم الترات لعالمي ف لمغريب
على حساب ليونسكو، لمغريب عندو 9 مواقع مسجلين فالتراث لعالمي، وكاملين مصنفين مواقع تقافية.[109] هوما:
- لمدينة لقديمة ديال فاس (1981).[110]
- لمدينة لقديمة ديال مراكش (1985).[111]
- قصر آيت بن حدو (1987).[112]
- لمدينة لقديمة ديال مكناس (1996).[113]
- لمدينة لقديمة ديال تطوان (1997).[114]
- لموقع لأثري ديال وليلي (1997).[22]
- لمدينة لقديمة ديال الصويرة، موݣادور لقديمة (2001).[115]
- لمدينة لبرطقيزية ديال مازاݣان فالجديدة (2004).[116]
- الرباط، لعاصمة لعصرية ومدينة تاريخية مشتركة فالتراث (2012).[117]
زيادة على لتراث لمادي، عند لمغريب عناصر كثيرة مسجلة فلوائح ليونسكو دالتراث غير لمادي. من لأمثلة ساحة جامع لفنا كتقافة حية ديال لحلايقية ولموسيقيين ولحكواتيين، موسم طانطان، كناوة، تبوريدة، لممارسات ديال أرݣان، ولمعارف دلكسكس بشكل مشترك مع بلدان لمغريب لكبير، وزاد عليهم لقفطان لمغريبي ف2025.[118][119][120][121]
لكورة هي لرياضة لأكثر شعبية فلمغريب، وكاينين نوادي تاريخية ومنافسات وطنية وجماهير كبيرة فمدون مختلفة. لمنتخب لوطني د لرجال شارك فكؤوس لعالم متعددة، ودار فكاس لعالم 2022 أحسن نتيجة إفريقية وعربية فديك لمسابقة حتى لذاك لوقت، ملي وصل لنصف لنهاية وولا أول منتخب من إفريقيا ومن لعالم لعربي يوصل للمربع لأخير.[122]
لمغريب نظم تظاهرات رياضية قارية ودولية، وبنا ووسع ملاعب ومراكز تكوين. فدجنبر 2024 عينات FIFA بشكل رسمي لمغريب وسپانيا ولبرتغال باش ينظمو كاس لعالم 2030 بشكل مشترك، مع تلاتة دلمباريات لاحتفالية ف لأوروݣواي، لأرجنتين ولباراݣواي بمناسبة مئوية لبطولة.[123]
رياضات خرين عندها حضور معروف بحال لألعاب لقوى، لملاكمة، لرياضات لقتالية، لكرة لسلة، لكرة ليد، لتنس، ركوب لخيل ورياضات لبحر.[124] لرياضيين لمغاربة حققو ميداليات أولمبية وبطولات عالمية خصوصاً فالجري دلمسافات لمتوسطة والطويلة. من أبرز لأسماء نوال المتوكل، اللي ولات ف1984 أول مرا مغريبية وعربية وإفريقية مسلمة تربح ميدالية ذهبية أولمبية.[125]
لمغريب عندو أعياد وطنية بتواريخ ميلادية تابتة، وأعياد دينية كتتبدل تواريخها فلتقويم لميلادي حيت مرتبطة بلتقويم لهجري. على حساب لبوابة لرسمية دلمملكة، لائحة لأعياد لوطنية الحالية فيها حتى راس لعام لأمازيغي نهار 14 يناير، وعيد لوحدة نهار 31 أكتوبر اللي تزاد كعيد وطني من 2025.[126]
| لتاريخ | لعيد |
|---|---|
| 1 يناير | راس لعام لميلادي |
| 11 يناير | دكرى تقديم وثيقة لستيقلال |
| 14 يناير | راس لعام لأمازيغي |
| 1 ماي | عيد لشغل |
| 30 يوليوز | عيد لعرش |
| 14 غشت | دكرى استرجاع وادي لدهب |
| 20 غشت | ثورة الملك والشعب |
| 21 غشت | عيد لشباب |
| 31 أكتوبر | عيد لوحدة |
| 6 نونبر | دكرى لمسيرة لخضرا |
| 18 نونبر | عيد لستيقلال |
لأعياد لدينية لرسمية كتشمل عيد لفطر، عيد لأضحى، فاتح محرم وعيد لمولد لنبوي. نهارها لميلادي كيتحدد كل عام على حساب لرؤية ولتقويم لهجري.[126]
بحال دول كثيرة، لمغريب كايواجه مجموعة دلتحديات لمترابطين بين لاقتصاد، لمجتمع ولبيئة. من أكبرها خلق مناصب لشغل بأعداد كافية خصوصاً للشباب ولعيالات وحاملي لشواهد، تقليص لفوارق بين لجهات، وتحسين لجودة دلتعليم ولصحة. معدل لبطالة ديال 2025 ونسبة لأمية اللي باقية عند جزء من لساكنة كيبينو أن لنمو الاقتصادي ماشي بوحدو كافي بلا سياسات اجتماعية وتكوينية مستمرة.[71][2]
لماء من أكثر لملفات حساسية. تراجع نصيب الفرد من لموارد لمائية لمتجددة بشكل كبير عبر لعقود، وزاد تواتر سنوات لجفاف وارتفاع لطلب من لمدن، لفلاحة ولصناعة. لهاد لسبب توسعات مشاريع لتحلية د لما دلبحر، إعادة استعمال لما لمعالج، تحويل لما بين لأحواض وتحديث لشبكات لسقي، ولكن كلفة لطاقة والتوازن بين لفلاحة ولمدن والأنظمة لبيئية باقين تحديات.[127]
لتغير لمناخي كيزيد يرفع لمخاطر ديال لجفاف، لموجات دلسخونية، لفيضانات وحرائق لغابات فبعض لجهات. تقرير لبنك لعالمي على لمناخ والتنمية فالمغريب حط لأمن لمائي، لتكيف مع لجفاف ولفيضانات، وإزالة لكربون من لاقتصاد ضمن لأولويات لكبيرة.[128]
فنفس لوقت، لبلاد داخلة فاستثمارات كبار فلبنية لتحتية، لقطارات، لمطارات، لموانئ، لطاقة لمتجددة ولتهيئة د لمدن، خصوصاً مع مشاريع 2030. لتحدي هو كيفاش هاد لاستثمارات تزيد لإنتاجية ولخدمة وتوصل لمنافع لجهات ولمواطنين مع الحفاظ على لتراث ولموارد لطبيعية.
- 1 2 3 4 "Population légale du Royaume du Maroc selon les résultats du RGPH 2024" (ب الفرنسية). لمندوبية السامية للتخطيط. 2024-11-07. Retrieved 2026-08-17.
- 1 2 3 4 5 6 7 8 9 "Recensement Général de la Population et de l'Habitat 2024: principaux résultats" (ب الفرنسية). لمندوبية السامية للتخطيط. 2024-12-17. Retrieved 2026-08-17.
- 1 2 Hublin, Jean-Jacques et al. (2017). "New fossils from Jebel Irhoud, Morocco and the pan-African origin of Homo sapiens". Nature, 546: 289–292. doi:10.1038/nature22336. PMID 28593953.
- 1 2 3 4 Jamil M. Abun-Nasr (1987). A History of the Maghrib in the Islamic Period (ب الإنجليزية). Cambridge University Press.
- ↑ "Member States: Morocco" (ب الإنجليزية). لأمم لمتحدة. Retrieved 2026-08-17.
- 1 2 3 4 5 6 7 "Constitution du Royaume du Maroc 2011" (PDF) (ب الفرنسية). لأمانة لعامة دلحوكومة. 2011. Archived from the original (PDF) on 2025-02-13. Retrieved 2026-08-17.
- 1 2 "Government of Morocco" (ب الإنجليزية). لبوابة لرسمية دلمغريب. Retrieved 2026-08-17.
- 1 2 "Morocco - Data" (ب الإنجليزية). لبنك لعالمي. Retrieved 2026-08-17.
- 1 2 "Chiffres clés du tourisme marocain - 2025" (ب الفرنسية). وزارة السياحة والصناعة التقليدية والاقتصاد الاجتماعي والتضامني. Retrieved 2026-08-17.
- 1 2 3 4 5 "Special Committee on Decolonization: Western Sahara" (ب الإنجليزية). لأمم لمتحدة. 2026-06-16. Retrieved 2026-08-17.
- 1 2 "10030th meeting - Western Sahara: Resolution 2797 (2025)" (ب الإنجليزية). مجلس لأمن د لأمم لمتحدة. 2025-10-31. Retrieved 2026-08-17.
- ↑ "UN calls for Western Sahara talks based on Morocco's autonomy plan" (ب الإنجليزية). Reuters. 2025-10-31. Retrieved 2026-08-17.
- ↑ Dahiru Yahya (1981). Morocco in the Sixteenth Century: Problems and Patterns in African Foreign Policy (ب الإنجليزية). Longman.
- ↑ C. R. Pennell (2003). Morocco: From Empire to Independence (ب الإنجليزية). Oneworld.
- ↑ Smith, Tanya M.; Tafforeau, Paul; Reid, Donald J. et al. (2007). “Earliest evidence of modern human life history in North African early Homo sapiens”. Proceedings of the National Academy of Sciences 104 (15): 6128–6133. doi:10.1073/pnas.0700747104.
- ↑ "Pleistocene North African genomes link Near Eastern and sub-Saharan African human populations" (ب الإنجليزية). Proceedings of the National Academy of Sciences / PMC. Retrieved 2026-08-18.
- ↑ "Oldest genomes from North Africa provide evidence for prehistoric migrations" (ب الإنجليزية). Max Planck Institute for the Science of Human History. Retrieved 2026-08-18.
- ↑ "Northwest African Neolithic initiated by migrants from Iberia and Levant" (ب الإنجليزية). Nature. 2023. Retrieved 2026-08-18.
- ↑ Pappa, Eleftheria (2013). Early Iron Age Exchange in the West: Phoenicians in the Mediterranean and the Atlantic. Peeters.
- ↑ "Lixus" (ب الإنجليزية). UNESCO World Heritage Centre. Retrieved 2026-08-18.
- ↑ Richard J. A. Talbert (2000). Barrington Atlas of the Greek and Roman World (ب الإنجليزية). Princeton University Press.
- 1 2 "Archaeological Site of Volubilis" (ب الإنجليزية). UNESCO World Heritage Centre. Retrieved 2026-08-18.
- ↑ "Idrisid Dynasty" (ب الإنجليزية). Archnet. Archived from the original on 2025-12-06. Retrieved 2026-08-18.
- 1 2 3 Amira K. Bennison (2016). The Almoravid and Almohad Empires (ب الإنجليزية). Edinburgh University Press.
- ↑ "The Art of the Almoravid and Almohad Periods (ca. 1062–1269)" (ب الإنجليزية). The Metropolitan Museum of Art. Retrieved 2026-08-18.
- ↑ Georges Duby (2000). Atlas Historique Mondial (ب الفرنسية). Larousse. pp. 220–224.
- ↑ "A Journey Through Morocco's History and Architecture" (ب الإنجليزية). The Metropolitan Museum of Art. Retrieved 2026-08-18.
- ↑ "Western North Africa, 1000–1400 A.D." (ب الإنجليزية). The Metropolitan Museum of Art. Retrieved 2026-08-18.
- ↑ "Western North Africa, 1400–1600 A.D." (ب الإنجليزية). The Metropolitan Museum of Art. Retrieved 2026-08-18.
- ↑ Jamil M. Abun-Nasr (1987). A History of the Maghrib in the Islamic Period (ب الإنجليزية). Cambridge University Press. pp. 211–230.
- ↑ "Saadi Dynasty (1554-1659 CE)" (ب الإنجليزية). Ministry of Foreign Affairs, African Cooperation and Moroccan Expatriates. Retrieved 2026-08-18.
- ↑ إبراهيم شحاتة حسن (1981)، أطوار العلاقات المغربية العثمانية: قراءة في تاريخ المغرب عبر خمسة قرون (1510-1947)، منشأة المعارف، الإسكندرية، صص. 244–245 و414–422.
- 1 2 3 4 5 6 Susan Gilson Miller (2013). A History of Modern Morocco (ب الإنجليزية). Cambridge University Press.
- ↑ Roberts, Priscilla H.; Roberts, Richard S. (2008). Thomas Barclay (1728–1793): Consul in France, Diplomat in Barbary. Lehigh University Press, pp. 206–223.
- ↑ عبد الرحمن بن زيدان، إتحاف أعلام الناس بجمال أخبار حاضرة مكناس، المطبعة الوطنية، الرباط، ج. 3، صص. 277–281.
- ↑ "Polisario leader says Western Sahara ceasefire with Morocco is over" (ب الإنجليزية). Reuters. 2020-11-14. Retrieved 2026-08-17.
- ↑ "المحكمة الدستورية" (ب العربية). المحكمة الدستورية للمملكة المغربية. Retrieved 2026-08-18.
- ↑ "Bref historique - Chambre des représentants" (ب الفرنسية). مجلس النواب لمغريبي. Retrieved 2026-08-17.
- ↑ "House of Representatives - Kingdom of Morocco" (ب الإنجليزية). مجلس النواب المغربي. Retrieved 2026-08-18.
- ↑ "Moroccan Parliament and the Inter-Parliamentary Union" (ب الإنجليزية). مجلس النواب المغربي. Retrieved 2026-08-18.
- ↑ "Executive Summary - House of Councillors" (PDF) (ب الإنجليزية). مجلس المستشارين المغربي. Retrieved 2026-08-18.
- ↑ "About CNDH" (ب الإنجليزية). المجلس الوطني لحقوق الإنسان. Retrieved 2026-08-17.
- ↑ "Report of the National Human Rights Council to Parliament 2011–2013" (ب الإنجليزية). المجلس الوطني لحقوق الإنسان. Retrieved 2026-08-18.
- ↑ "Dahir No. 1.11.19 establishing the National Human Rights Council" (ب الإنجليزية). المجلس الوطني لحقوق الإنسان. Retrieved 2026-08-18.
- ↑ "RGPH 2024 - Rapport sur la qualité" (ب الفرنسية). لمندوبية السامية للتخطيط. Retrieved 2026-08-18.
- ↑ "Member States - African Union" (ب الإنجليزية). African Union. Retrieved 2026-08-18.
- 1 2 "EU-Morocco Association Agreement" (ب الإنجليزية). المفوضية لأوروپية. Retrieved 2026-08-17.
- 1 2 "Morocco Free Trade Agreement" (ب الإنجليزية). مكتب لممثل لتجاري د لولايات لمتحدة. Retrieved 2026-08-17.
- ↑ "Country Profile - Morocco" (ب الإنجليزية). FAO AQUASTAT. Retrieved 2026-08-18.
- ↑ "Resilience to Water Scarcity and Commodity Price Shocks Are Critical for Moroccan Economic Growth" (ب الإنجليزية). لبنك لعالمي. 2022-07-20. Retrieved 2026-08-17.
- ↑ "Water sharing: From underground to common ground in Morocco" (ب الإنجليزية). Food and Agriculture Organization of the United Nations. Retrieved 2026-08-18.
- 1 2 "Morocco Country Climate and Development Report" (ب الإنجليزية). لبنك لعالمي. 2022-11-03. Retrieved 2026-08-17.
- ↑ "Environmental health Morocco 2025 country profile" (ب الإنجليزية). World Health Organization. Retrieved 2026-08-18.
- ↑ "Morocco - Country Profile" (ب الإنجليزية). اتفاقية التنوع البيولوجي. Retrieved 2026-08-17.
- ↑ "Arganeraie - Man and the Biosphere Programme" (ب الإنجليزية). UNESCO. Retrieved 2026-08-18.
- ↑ "Morocco - Country profile" (ب الإنجليزية). Convention on Wetlands (Ramsar). Retrieved 2026-08-18.
- ↑ "Oasis du sud marocain - Biosphere Reserve" (ب الإنجليزية). UNESCO. Retrieved 2026-08-18.
- ↑ "Twelve new Ramsar Sites for Morocco" (ب الإنجليزية). Convention on Wetlands (Ramsar). Retrieved 2026-08-18.
- ↑ "Le Maroc compte 11 598 070 habitants" (ب الفرنسية). Le Monde. 1960-09-19. Retrieved 2026-08-18.
- ↑ "Rapport annuel UNICEF Maroc 2024" (ب الفرنسية). UNICEF. Retrieved 2026-08-18.
- ↑ "Morocco HCI+ score" (PDF) (ب الإنجليزية). World Bank. Retrieved 2026-08-18.
- ↑ "Morocco - Global Education Monitoring Report country study" (ب الإنجليزية). ليونسكو. Retrieved 2026-08-17.
- ↑ "Morocco - UNICEF DATA" (ب الإنجليزية). UNICEF. Retrieved 2026-08-18.
- ↑ "Morocco - Country overview" (ب الإنجليزية). World Health Organization. Retrieved 2026-08-18.
- ↑ "Upgrading Health Sector, Essential Lever for Implementing Health Reform" (ب الإنجليزية). لبوابة لرسمية دلمغريب. 2025-07-08. Retrieved 2026-08-17.
- ↑ "WHO results report 2024–2025: Morocco" (ب الإنجليزية). World Health Organization. Retrieved 2026-08-18.
- ↑ "Strengthening Human Capital for a Resilient Morocco" (PDF) (ب الإنجليزية). World Bank. Retrieved 2026-08-18.
- ↑ "Noncommunicable diseases in Morocco: a growing challenge" (ب الإنجليزية). World Health Organization - Eastern Mediterranean Region. Retrieved 2026-08-18.
- ↑ "Movement of people - Regional Integration in the Union for the Mediterranean 2025" (ب الإنجليزية). منظمة التعاون والتنمية لاقتصادية. 2025. Retrieved 2026-08-17.
- ↑ "IMF Executive Board Concludes 2026 Article IV Consultation with Morocco" (ب الإنجليزية). International Monetary Fund. 2026-03-23. Retrieved 2026-08-18.
- 1 2 "Situation du marché du travail en 2025" (ب الفرنسية). لمندوبية لسامية للتخطيط. 2026-02-03. Retrieved 2026-08-17.
- ↑ "Annual Foreign Trade Report 2024" (ب الإنجليزية). Office des Changes. Retrieved 2026-08-18.
- ↑ "Annual Balance of Payments and International Investment Position Report" (ب الإنجليزية). Office des Changes. Retrieved 2026-08-18.
- ↑ "Ministry of Industry and Trade" (ب الإنجليزية). وزارة الصناعة والتجارة. Retrieved 2026-08-18.
- ↑ "Stellantis expands production capacity at Morocco plant" (ب الإنجليزية). Reuters. 2025-07-17. Retrieved 2026-08-17.
- ↑ "Morocco automotive becomes leading export sector" (ب الإنجليزية). وزارة الصناعة والتجارة. Retrieved 2026-08-18.
- ↑ "Industrial development in Morocco" (ب الإنجليزية). وزارة الصناعة والتجارة. Retrieved 2026-08-18.[ليان مهرس ديما]
- ↑ "Global Phosphate Resources and Use" (ب الإنجليزية). U.S. Geological Survey. 2024-12-12. Retrieved 2026-08-17.
- ↑ "What is phosphate?" (ب الإنجليزية). OCP Group. Retrieved 2026-08-18.
- ↑ "Results, reports and presentations" (ب الإنجليزية). OCP Group. Retrieved 2026-08-18.
- ↑ "Financial results" (ب الإنجليزية). OCP Group. Retrieved 2026-08-18.
- ↑ "Plant breeding programmes in Morocco" (ب الإنجليزية). منظمة لأغدية والفلاحة د لأمم لمتحدة. Retrieved 2026-08-17.[ليان مهرس ديما]
- ↑ "Overview of the agricultural sector - Morocco" (ب الإنجليزية). Food and Agriculture Organization of the United Nations. Retrieved 2026-08-18.
- ↑ "GIEWS Country Brief: Morocco" (ب العربية). Food and Agriculture Organization of the United Nations. Retrieved 2026-08-18.
- ↑ "Rapports et statistiques de la pêche maritime" (ب الفرنسية). Département de la Pêche Maritime. Archived from the original on 2025-11-15. Retrieved 2026-08-18.
- ↑ "Département de la pêche maritime" (ب الفرنسية). وزارة الفلاحة والصيد البحري والتنمية القروية والمياه والغابات. Archived from the original on 2026-05-09. Retrieved 2026-08-18.
- ↑ "Chiffres du tourisme au premier semestre 2026" (ب الفرنسية). وزارة السياحة والصناعة التقليدية والاقتصاد الاجتماعي والتضامني. Retrieved 2026-08-17.
- ↑ "Énergies renouvelables - Stratégie" (ب الفرنسية). وزارة لانتقال لطاقي والتنمية لمستدامة. Retrieved 2026-08-17.
- ↑ "Energy Profiles" (ب الإنجليزية). International Renewable Energy Agency. Retrieved 2026-08-18.
- ↑ "Moroccan Agency for Sustainable Energy" (ب الإنجليزية). MASEN. Retrieved 2026-08-18.
- ↑ "Morocco's Energy Transition Experience Spotlighted in New Delhi" (ب الإنجليزية). لبوابة لرسمية دلمغريب. 2025-08-28. Retrieved 2026-08-17.
- ↑ "MASEN launches Noor Midelt II solar farm tender process" (ب الإنجليزية). MASEN. Retrieved 2026-08-18.
- ↑ "Nos autoroutes" (ب الفرنسية). Autoroutes du Maroc. Retrieved 2026-08-18.
- ↑ "Réseau autoroutier du Maroc" (PDF) (ب الفرنسية). Autoroutes du Maroc. Retrieved 2026-08-18.
- ↑ "Presenting the ONCF Group" (ب الإنجليزية). لمكتب لوطني للسكك لحديدية. Archived from the original on 2026-02-07. Retrieved 2026-08-17.
- ↑ "ONCF - Home" (ب الإنجليزية). Office National des Chemins de Fer. Archived from the original on 2026-03-17. Retrieved 2026-08-18.
- ↑ "Al Boraq" (ب الإنجليزية). Office National des Chemins de Fer. Archived from the original on 2026-01-30. Retrieved 2026-08-18.
- ↑ "ONCF call for tender for the acquisition of new trains and industrial development" (ب الإنجليزية). Office National des Chemins de Fer. Archived from the original on 2026-03-17. Retrieved 2026-08-18.
- ↑ "Tanger Med passes the 10 million container mark" (ب الإنجليزية). Tanger Med Special Agency. 2024-12-31. Retrieved 2026-08-17.
- ↑ "Tanger Med Port Complex" (ب الإنجليزية). Tanger Med. Retrieved 2026-08-18.
- ↑ "Maritime connectivity" (ب الإنجليزية). Tanger Med. Retrieved 2026-08-18.
- ↑ "Morocco Aims to Expand Airport Capacity to 80 Million Passengers by 2030" (ب الإنجليزية). لبوابة لرسمية دلمغريب. 2025-07-25. Retrieved 2026-08-17.
- ↑ "Office National des Aéroports" (ب الفرنسية). ONDA. Retrieved 2026-08-18.
- ↑ "Gnawa" (ب الإنجليزية). ليونسكو. 2019. Retrieved 2026-08-17.
- ↑ "Tbourida" (ب الإنجليزية). ليونسكو. 2021. Retrieved 2026-08-17.
- ↑ "Argan, practices and know-how concerning the argan tree" (ب الإنجليزية). ليونسكو. 2014. Retrieved 2026-08-17.
- ↑ "Knowledge, know-how and practices pertaining to the production and consumption of couscous" (ب الإنجليزية). ليونسكو. 2020. Retrieved 2026-08-17.
- ↑ "Moroccan Caftan: art, traditions and skills" (ب الإنجليزية). ليونسكو. 2025. Retrieved 2026-08-17.
- ↑ "Morocco - World Heritage Convention" (ب الإنجليزية). ليونسكو. Retrieved 2026-08-17.
- ↑ "Medina of Fez" (ب الإنجليزية). UNESCO World Heritage Centre. Retrieved 2026-08-18.
- ↑ "Medina of Marrakesh" (ب الإنجليزية). UNESCO World Heritage Centre. Retrieved 2026-08-18.
- ↑ "Ksar of Ait-Ben-Haddou" (ب الإنجليزية). UNESCO World Heritage Centre. Retrieved 2026-08-18.
- ↑ "Historic City of Meknes" (ب الإنجليزية). UNESCO World Heritage Centre. Retrieved 2026-08-18.
- ↑ "Medina of Tétouan (formerly known as Titawin)" (ب الإنجليزية). UNESCO World Heritage Centre. Retrieved 2026-08-18.
- ↑ "Medina of Essaouira (formerly Mogador)" (ب الإنجليزية). UNESCO World Heritage Centre. Retrieved 2026-08-18.
- ↑ "Portuguese City of Mazagan (El Jadida)" (ب الإنجليزية). UNESCO World Heritage Centre. Retrieved 2026-08-18.
- ↑ "Rabat, Modern Capital and Historic City: a Shared Heritage" (ب الإنجليزية). UNESCO World Heritage Centre. Retrieved 2026-08-18.
- ↑ "Morocco - Intangible Cultural Heritage" (ب الإنجليزية). ليونسكو. Archived from the original on 2021-12-14. Retrieved 2026-08-17.
- ↑ "Browse the Lists of Intangible Cultural Heritage" (ب الإنجليزية). UNESCO. Retrieved 2026-08-18.
- ↑ "Cultural space of Jemaa el-Fna Square" (ب الإنجليزية). UNESCO. Retrieved 2026-08-18.
- ↑ "Moussem of Tan-Tan" (ب الإنجليزية). UNESCO. Retrieved 2026-08-18.
- ↑ "FIFA World Cup Qatar 2022 in numbers" (ب الإنجليزية). FIFA. 2022. Retrieved 2026-08-17.
- ↑ "Extraordinary FIFA Congress appoints hosts of 2030 and 2034 editions of FIFA World Cup" (ب الإنجليزية). FIFA. 2024-12-11. Retrieved 2026-08-17.
- ↑ "Morocco - National Olympic Committee" (ب الإنجليزية). International Olympic Committee. Retrieved 2026-08-18.
- ↑ "Nawal El Moutawakel: pioneer and inspiration" (ب الإنجليزية). International Olympic Committee. Retrieved 2026-08-18.
- 1 2 "Religious & National Holidays" (ب الإنجليزية). لبوابة لرسمية دلمملكة لمغريبية. Retrieved 2026-08-17.
- ↑ "Moroccan Economy Slows in Wake of Drought and Commodity Price Rises" (ب الإنجليزية). لبنك لعالمي. 2022-07-20. Retrieved 2026-08-17.
- ↑ "Morocco Country Climate and Development Report" (ب الإنجليزية). لبنك لعالمي. Retrieved 2026-08-17.
 |
ويكيميديا كومنز عندا تصاور و معلومات على لمغريب. |
قيسارية لمغريب
قيسارية جغرافيا
قيسارية دول
قيسارية الأمازيغ
قيسارية العالم الإسلامي
قيسارية المحيط الأطلسي
قيسارية أفريقيا
