لمداكرة د لمعاونة:كيفاش تصايب صندوق د التسركيل

ملاحظات

سلام @Hkatib. عطيني ملاحظات ديالك على هاد الصفحة د المعاونة واش جاتك مزيانة و واضحة و مفيدة، ولّا كاين باقي مايتقادّ و يتوضح فيها. السؤال موجه حتى للكتاتبيا الخرين ف الموسوعة يلا عندهم ملاحظات. شكرا و تهلا! Ideophagous (مداكرة) 20:31، 15 فبراير 2025 (+01)

@Ideophagous سلام شكرا بزاف على المجهود اللي درتي شرح كان مزيان وفعلا ايعاون باش نقادو موضيلات جداد، بغيت نسولك شنو الفرق بين مودول و موضيل؟ شي بعض المرات كنشوف "ضبط مخازني" شنو كتعني ؟ وشكرا. Hkatib (مداكرة) 04:56، 17 فبراير 2025 (+01)

سلام @Hkatib. وخا قررتي تغبّر الكونط ديالك غادي نجاوبك. مودول = Module، كيكون فيه كوض مكتوب ب اللونڭاج لووا Lua بشكل كامل (بحال مودول:Lang). موضيل = Template كيكون فيه كوض و تيكست مخلط مابين لووا و الويكي-تيكست wikitext و التيكست العادي، على حساب كيفاش بغى الواحد يصايبو. المودول ف أغلبية د الحالات ماكيعيطش ليه الواحد ف مقال، غير ف الصفحة ديال موضيل ولّا مودول خور. متلا الموضيل {{ناڤبوكس}} يلا حليتي الكوض ديالو غادي تشوف #invoke:Navbox لي هيّ تعييطة على مودول:Navbox.

{{ضبط مخازني}} هوّ موضيل كايجيب المعرّفات ديال الموضوع د المقال من ويكيداطا. هاد المعرّفات كيكونو كايحيلو ل شي سيت ويب ولّا بازدّوني (قاعدة بيانات) بحال "المكتابة الوطنية الفرانساوية" ولّا "قاعدة الأفلام العربية" لي كيخليو الموضوع يكون محدد و معرّف بشكل واضح و مايلتابسش معا مواضيع خرين وخا تكون عندهم نفس السمية. Ideophagous (مداكرة) 09:01، 20 فبراير 2025 (+01)