لمداكرة د تصنيف:حيوانات مسمومين

سام vs مسموم

سلام @سنوببي. كانضن خاصنا نفرقو مابين سام (venomous) يعني كيعطي السم، متلا ب العضّان، و مسموم (poisonous) يعني فيه السم (متلا شي حاجة كاتّكال). Ideophagous (مداكرة) 22:33، 4 فبراير 2025 (+01)

السلام مافهمتش مزيان لمقصود، واش بغيتي تعني سام (متلاّ: لكوبرا سامة) و مسموم (الضحية مسمومة حيت عضاتها كوبرا)، يلا كان هادشي ف راه ف الدارجة ماكاينش واحد التفراز (يمكن غير ف لمنطقة لي أنا فيه) بين إسم لفاعل و إسم المفعول (متلا: كانقولو هاد الشخص مسموم يعني/Toxic، ف عوض سام). أما يلا كنتي ناوي سام و مسموم أي poisonous و Venomous ف راه عندهم نفس التأتير مادام السم لحيواني هو Venom و السم لمستنشق ولا لموكول كايتسمى (poison). سنوببي (مداكرة) 01:07، 14 فبراير 2025 (+01)

سلام @سنوببي. التانية ديال poisonous و venomous. وخا عندهم نفس التأتير، كانضن خاصنا نضبطو لمفاهيم مزيان، كيما ف النڭليزية، لي هيّ اللوغة د الصيونص دابا. يلا ماضبطناش لمصطلحات مزيان غادي يطراو لينا مشاكيل من بعد حيت ماغاديش نعرفو شنو لي كان مقصود ف لأصل. اللوغة د لكتابة ديما كاتكون مضبوطة ف لمعاني كتر من اللوغة لمهضورة. متلا ف لهضرة يقدر لواحد يڭول "مشيت للبحر" و هوّ قاصد "مشيت للپلاج"، و هادا ماكيعنيش بلي "بحر" مرادف ديال "پلاج". ف جميع لحالات، سوا درنا سام/مسموم ولا شي حاجة خرة كا مرادفات ديال poisonous/venomous، كانضن خاصنا هاد لمصطلحات يكونو عندنا مضبوطين. Ideophagous (مداكرة) 10:11، 14 فبراير 2025 (+01)

مرحبا، شنو ف نضرك خصنا نديرو باش نقدرو نفرزو بيناتهم؟ سنوببي (مداكرة) 01:20، 15 فبراير 2025 (+01)

@سنوببي القتيراح ديالي هوّ داكشي لي ڭلت ف اللول: سام = venomous، مسموم = poisonous. يلا عندك قتيراح حسن، ديرو يلا بغيتي. Ideophagous (مداكرة) 08:56، 15 فبراير 2025 (+01)

صافي وخا ماعنديش إشكال. سنوببي (مداكرة) 00:57، 16 فبراير 2025 (+01)