انتقل إلى المحتوى

لمجازر د مكناس

من ويكيپيديا
مقالة ما مصنفاش. هاد لمقالة ما مصنّفاش، حاول تزيد شي تصنيفات كاتناسب معاها و ماتنساش تزول هاد لقالب من بعد ما تصنّفها.

لمجازر د مكناس كانت ف أكتوبر 1956، ف الأصل هي مسيرة احتجاجية ضد لاختطاف اللي قامت بيه فرنسا في حق القادة لجزائريين لمطالبين بالاستقلال، ومن بينهم بن بلة، واللي نظمت في مدينة مكناس بالمغرب، قبل ما تتحول لأحداث شغب ومجزرة راح ضحيتها عدد كبير من المعمرين.

السياق

[بدل | بدل لكود]

السياق العام

[بدل | بدل لكود]

ف وقت وقوع هاد المظاهرات، كان المغرب عاد حصل على الاستقلال ديالو نهار 2 مارس (رغم أنه كان مستقل فعلياً من 18 نوفمبر 1955). مساطر تسليم السلط كانت باقا مستمرة، الشيء اللي خلا هاد الفترة حساسة بزاف بالنسبة للسلطة في المغرب. [1]وفي إطار عملية تسليم السلط، اتفاقية الرباط الدبلوماسية المؤرخة في 28 ماي 1956 —اللي كتنص على أن لا فرنسا ولا المغرب غادي ينهجوا شي سياسة كاتضر بمصالح الطرف الآخر فالاتفاقية— ولات بسرعة غير قابلة للتطبيق بخصوص حرب الجزائر، بحيث أن الدولة والشعب المغربي حسّو بالتضامن مع جيرانهم اللي كانوا كيحاربوا من أجل الاستقلال.[2]

نهار 21 أكتوبر، تخطفاط طائرة القائد الاستقلالي بن بلة فاش كانت طالعة من المغرب، والقبض عليه، شي لي تعتبر استفزاز كبير ف داك لوقت،[1] وكتعتبر دابا هيا سباب هاد الأحداث الدامية.[3]الحزب الوطني، حزب الاستقلال، والاتحاد المغربي للشغل النقابة الرئيسية، و لمرتبط بحزب الاستقلال، واللي كان الهدف ديالهم هو طرد الجيش الفرنسي من المغرب ودعم كفاح جبهة التحرير الوطني الجزائرية (FLN)، نظموا مسيرات احتجاجية لقات إقبال كبير بزاف في المدن وحتى في البوادي. غير المناطق اللي كان فيها جبهة التحرير الوطني مدشنة مخابئ وسواترهي اللي بقات هادئة، باش ما تعطي حتى شي مبرر للجيش الفرنسي باش يتدخل ويدمرها.[1]

المغرب كان كيوّفر قواعد كثيرة لجبهة التحرير الوطني الجزائرية. وفي نفس الوقت، كان الجيش الفرنسي باقي متواجد في المغرب بـ 80,000 جندي[1].

السياق المحلي

[بدل | بدل لكود]

المدينة كان فيها 142,000 نسمة، منهم كثر من 100,000 مسلم (منهم 6,000 جزائري[2][1])، و13,000 يهودي، و21,000 أوروبي. القشلة الفرنسية في منطقة مكناس كانت من أهم لقشالي ف لمغرب، حينت كان فيها 8,000 عسكري، منهم ثلاثة كتائب في وسط المدينة. لقشالي بوحدها كانت كاتشكل ربع ت لمساحة ديال لمدينة وكانت فيها مدرسة ضباط المغاربة التابعة للجيش الفرنسي (دار البيضا)[1]. وفي المنطقة، الأراضي الفلاحية كانت مملوكة أساساً للأجانب.[2]

وأخيراً، أو مجزرة مقتل خمسة عشر مغربياً خلال زيارة المقيم العام الفرنسي في المغرب جلبير غراندفال لمكناس نهار 25 يوليوز 1955، على يد مجموعات الحماية الخاصة، غالباً هي اللي خَلقات رغبة قوية في الانتقام عند السكان المحليين.[1]

الأحداث

[بدل | بدل لكود]

المسيرة في مكناس

[بدل | بدل لكود]

المسيرة كانت مرخصة من طرف الوالي (الجاورنور) سي جنان، وتم إعلان شعار إضراب نهار 23 على الساعة 10. المسيرة عرفات إقبالا كبير، والمجموعات كانت كتدور في المدينة باش تسد الحوانت وتوقف الخدمة في الأورشاش (الأوراش). مسيرة ديال الجزائريين تنظمات مع العشرة صباحاً في المسيرة/المدينة القديمة، ومن بعد جوج مسيرات خرجوا من المدينة العتيقة مع الحادي عشرة، وحدة منهم كان فيها 3000 مشارك[1]. مع الظهر، اليهود هربوا من الحي ديالهم الملاح و مشاو للمعسكرات الفرنسية[4]. المتظاهرين توجهوا نحو المدينة الجديدة وتجاوزوا لباراج تالبوليس في رومبوان ت بوعمير؛ وتم تكسير بعض الواجهات وتخريب طوموبيلات. ومع وحدة ديال النهار، تفرقوا المتظاهرين.[1]

أعمال الشغب

[بدل | بدل لكود]

في العشية، وقعات عدة أحداث متفرقة. تنظيم مهرجان خطابي من طرف الاتحاد المغربي للشغل في ملعب بوييمرو، في الوقت اللي كانت فيه مجموعات أخرى كتتظاهر في المدينة الجديدة، جايين من المدينة العتيقة و الأحياء القصديرية.[1] [4]مع الساعة 16:00، طار رصاصة وقتلت حارس بلدي سميتو عبد السلام مسكالدي، وهو ضابط سابق في جيش التحرير المغربي [1][2]الأصل ديال ديك الرصاصة بقى غامض ومامفهومش مزيان: يقدر يكون شي فرنسي ضرب على المتظاهرين من السطح ديال دارو،[1] [2]ولا غير خطأ من الحارس نفسه اللي قتل راسو بسلاحه وهو كيحاول يبعد شي متظاهر بضربة بقنداق السلاح. [2][1]البلاغ الرسمي للحكومة المغربية تحدث حتى هو على رصاصة خرجت من بوليسي فرنسي. [1]ولكن وسط ديك الظروف المحلية، تحولات المسيرة لأحداث شغب دموية. [2]وف نفس للحظة، وقع إطلاق نار قرب المدينة العتيقة وتم إحراق السياج الغربي للقيادة العامة للحامية العسكرية الفرنسية.[1]

المتظاهرين طاردو الأوروبيين، وقلبو الطوموبيلات ديالهم وقتلوهم.[4]

في مركز بار لبارودف دخلة ت لمدينة لقديمة، قتلو ستة ديال البوليس الفرنسيين على يد زملائهم المغاربة[2] وتكمل عليهم من طرف المحتجين.[1] الجثث ديالهم تحرقات وترمات.[1][4]

ومع الساعة 17:00، القوات الفرنسية تدخلات ورجّعت المحتجين للداخل ديال لمدينة لقديمة[4][1] ومدعمين من طرف القوات المغربية شوية من بعد. مع الساعة 18:00، السلطات قررات تفرض حظر التجول ابتداءً من الساعة 20:00. الحصيلة ديال داك النهار كانت هي مقتل 29 أوروبي، منهم 23 فرنسي، وثلاثة صبليونيين وثلاثة طاليانيين، ابتداءً من 8 دالليل. الحصيلة ديال داك النهار كانت هي مقتل 29 أوروبي، من بينهم 23 فرنسي، ثلاثة صبليونيين وثلاثة طاليانيين، ومقتل جوج مغاربة، واحد منهم يهودي، إضافة لـ 32 جريح خطير بين الأوروبيين وخمسة عند المغاربة. وكتقدر تكون شي عشرين إصابة خفيفة. هاد المعطيات اتصاوبات غير من خلال المصادر الفرنسية، حيت السلطات المغربية ما دارت حتى شي حصيلة.[1]

ابتداءً من 24 أكتوبر، الجنرال كوجني سيطر على المدينة الجديدة (الأحياء الأوروبية) ونظم دوريات في البادية (اللي كانت كتسمى "منطقة الاستعمار" في مصطلحات داك الوقت)، بحجة أن الحكومة المغربية مشى ليها التحكم. وحظر التجول زادوا قربوه للأيام الموالية أو كيبدا مع 7 دالعشية.[1]

التوتر بقى كبير في المدينة لعدة أيام. البوادي كانت في حالة شغب، ومنها خرجو جوج محاولات ديال الاقتحام نهار 24 و 25 أكتوبر. زيادة على هادشي، بزاف ديال المعمرين هربو للمدينة، الشيء اللي عطا جو ديال مدينة محاصرة. شائعات على مجازر انتقامية كانت كتدور. وأخيراً، نهار 25 أكتوبر، في برج مولاي عمر (في مكناس)، تعرضات دورية لهجوم؛ ماتوا جوج بوليس وبنت صغيرة، وتجرحوا 8 دالبوليس. وفي هاد الفوضى اللي تسببات من بعد، لقاو البوليس المغاربة والفرنسيين راسهم وجهاً لوجه وكان ممكن يوقع إطلاق النار بيناتهم لولا اللطف.[1]

أحداث الشغب في البادية

[بدل | بدل لكود]

ولكن غير توقف الشغب في المدينة بفضل الجيش الفرنسي، امتد للبوادي اللي دايرة بيها ابتداءً من ليلة 23 لـ 24 أكتوبر. ودامت ستة أيام، تحرقات فيها بزاف ديال الضيعات الفلاحية. [1][2]النص ديال المعمرين في البوادي هربوا للمدينة، منهم مئات لجأوا لأحياء خاصة و 22% تجمعوا في ضيعات مهيأة ومحروسة.[1]

الحصيلة البشرية ديال هاد الشغب في البادية سجلات أحد عشر قتيل، منهم ثمانية فرنسيين، جوج برتغاليين وسويسري واحد. كثر من ثلاثمية بناية تحرقات و 81 ضيعة دمرات كلياً أو جزئياً.[1]

التداعيات والذاكرة ديال الحدث

[بدل | بدل لكود]

ابتداءً من 24 أكتوبر، بدا إضراب عند البوليس الفرنسيين في المغرب، اللي طالبوا بالرجوع لفرنسا. والتحقوا بهم بالزربة أعوان البلدية، حراس السجون، عمال السكك الحديدية، الأساتذة، إلخ. حتى وصلات نسبة المضربين في الوظيفة العمومية الاستعمارية من 80 لـ 90%.[1]

نهار 26 أكتوبر، جنازة الضحايا حضروا فيها شي 15,000 واحد، على حساب المصادر. وبداو شائعات كيدورو على تنظيم مجازر جديدة بمناسبة الذكرى ديال التمرد الجزائري نهار 1 نوفمبر 1954و تمنعات المظاهرات اللي كانت غادي تخلدها. نهار 27 أكتوبر، الحكومة المغربية عينات حاكم عسكري خاص، إدريس بن عمر، اللي رجع السلطة المغربية، حد من الدوريات الفرنسية وريب بالـ بولدوزر حومة الصفيح رهاش أجيل في بداية نوفمبر. وكان مصحوب بـ 25 مفتش من الرباط والدار البيضاء. في خمس أيام، تم اعتقال ألف واحد.[1]

باش تضمن علاقات دبلوماسية مزيانة مع فرنسا، علنات الحكومة المغربية على تأسيس محكمة عسكرية استثنائية. انعقدات من 3 ديسمبر 1956 لـ 13 مارس 1957.[1] ورغم صدور عشر أحكام بالإعدام، وأحكام أخرى بالسجن المؤبد أو الأعمال الشاقة، القمع اعتبراتو فرنسا خفيف بزاف وما كافيش.[2]في الواقع، كيبان أن ثلاثة ديال أحكام الإعدام فقط هي اللي تنفذات، وكيتعلق الأمر بقتلة في تازة ما عندهم حتى علاقة بالمجازر. ولكن التنفيذ ديالها نهار 27 ديسمبر دار في جو استعراضي كبير. ومن جهة البوليس المتورطين في الموت ديال عناصر دار بارود، غير بوليسي واحد اللي تحكم بـ 4 سنين دالحبس وثلاثة تبرؤوا بفضل الشك. في المجموع، اتصدرات 48 عقوبة حبسية[1].

هاد لمجازر تسببات في هجرة سريعة ديال لمعمرين الأوروبيين اللي كانوا باقيين في المنطقة.[1]

هاد المجازر دازت في لخفاء وبلا ماتسمع على لمستوى لدولي، حيت الأخبار كانت مسيطرة عليها الثورة في بودابست وأزمة قناة السويس[4]. وهي اليوم غائبة تماماً على الذاكرة الجماعية.[1]

جريدة باري ماتش سمات هاد المجازر بـ « سان بارتليمي المغربية ».[1]

شوف حتى

[بدل | بدل لكود]

جيش التحرير المغرب

المراجع

[بدل | بدل لكود]
  1. 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 Jean-Marc Largeaud, « Violences urbaines, Maroc 1956 », Annales de Bretagne et des Pays de l’Ouest, 123-2 | 2016, mis en ligne le 28 juillet 2018, consulté le 30 janvier 2023.
  2. 1 2 3 4 5 6 7 8 9 10 Mounya Essemlali, « Le Maroc entre la France et l'Algérie (1956-1962) », Relations internationales, 2011/2 (n° 146), موضيل:P.77-93.
  3. ↑ Maurice Faivre, « Le colonel Paul SchŒn du SLNA au comité Parodi », Guerres mondiales et conflits contemporains, 2002/4 (n° 208), موضيل:P.69-89.
  4. 1 2 3 4 5 6 Bernard Lugan, « Meknès, un massacre oublié », Hérodote, publié le 17 octobre 2019, consulté le 30 janvier 2023.