لكونݣرس لميريكاني
لكونݣرس لميريكاني
| ||
 | ||
| معلومات أساسية | ||
| نوع د لمؤسسة | برلمان ب جوج شومبرات | |
| لبلاد | الولايات المتاحدة د ميريكان | |
| تاريخ د تّأسيس | 4 مارس 1789 | |
| سّيت رّسمي | congress.gov | |
| معلومات إضافية | ||
| أعضاء/ڭزوات | مجلس النواب الأمريكي، مجلس الشيوخ الأمريكي و member of the United States Congress | |
| فروع | ||
| أملاك | ||
 | ||
الكونݣرس د لميريكان (ب نّݣليزية: United States Congress) هو السلطة التشريعية ف لحكومة لفديرالية د لميريكان. السيستيم ديالو كايتسمى برلمان ب جوج مجالس (Bicameral)، يعني فيه جوج مجالس: مجلس النواب (هو لمجلس السفلي)، و مجلس الشيوخ (هو لمجلس لعلوي). هاد لبرلمان ب جوج مجالس ديالو كايجتمع ف مبنى الكاپيطول ف لعاصمة واشينطون.
لأعضاء د لكونݣرس كايتختارو ب لإنتخاب نيشان،[1] وخا يلا خوى شي منصب ف مجلس الشيوخ، يقدر لحاكم د لولاية يعين شي حد مؤقتاً. لكونݣرس فيه ف لمجموع 535 عضو عندهم لحق ف التصويت: 100 سيناتور (ف مجلس الشيوخ) و 435 نايب (ف مجلس النواب). كاينين عاوتاني 6 د لأعضاء خرين ف مجلس النواب ولكن ما عندهمش لحق ف التصويت. نائب رئيس لميريكان كايتعتابر هو رئيس مجلس الشيوخ، ولكن ما عندوش لحق يصوت تما إلا يلا كان كاين تعادل ف لأصوات (النص ب النص).[2]
هاد لكونݣرس كايتجمع ف دورات تشريعية ل ولاية كاتدوم عاماين، و كاتبدا ف شهر يناير من كل عام فردي. ف لعادة، كل دورة كاتقسم ل جوج جلسات (جلسة كل عام). لإنتخابات ف لميريكان كاتدار كل عام فيه رقم زوجي ف النهار د لإنتخابات لميريكانية لمعروف.[ماواضحش] لأعضاء د مجلس النواب كايتنتخبو ل ولاية د عاماين. و قانون معاودة التوزيع د 1929 هو لي قاد لعدد ف 435 نائب، و كاينين قوانين كاتفرض تدار لإنتخابات ف دوائر إنتخابية فردية مقسمة على لولايات على حساب لعدد د السكان ديالها لي كايتحدد ف لإحصاء الرسمي د لميريكان كل عشر سنين، بشرط أي ولاية تكون عندها على الأقل نائب واحد. أما ف مجلس الشيوخ، كل سيناتور كايتنتاخب على لولاية ديالو كاملة لولاية د ست سنين. هاد لإنتخابات كاتكون مفرقة (Staggered)، يعني كل عامين كايتبدل علاين الثلث د مجلس الشيوخ. كل ولاية كيفما بغا يكون عدد السكان ديالها ولا لمساحة ديالها، عندها جوج د الشيوخ، و هادشي علاش كاينين 100 سيناتور ف لمجموع لي كايمثلو 50 ولاية ميريكانية.
على حساب لفصل اللول د الدستور د لميريكان، خاص لواحد يكون ف عمرو على الأقل 25 عام باش يترشح لمجلس النواب، و 30 عام لمجلس الشيوخ. وخاص يكون عندو لجنسية لميريكانية لمدت 7 سنين ف النواب و 9 سنين ف الشيوخ، ويكون ساكن ف لولاية لي كيمثلها. هاد لأعضاء ف الجوج مجالس بجوج يقدرو يترشحو لإعادة لإنتخاب شحال ما بغاو د لمرات بلا حدود.
تأسس لكونݣرس بفضل لفصل اللول د الدستور و تجمع لمرة اللولة ف عام 1789، و بلاصة كونݣرس الإتحاد الكونفيديرالي ف لخدمة التشريعية. وخا لقانون ما كايفرضش هادشي، من التواخر ديال لقرن 19، ولاو علاين ڭاع لأعضاء منخارطين ف واحد من جوج أحزاب كبار: الحزب الديمقراطي ولا الحزب الجمهوري، و قليل فين كايكون شي حد من أحزاب صغار ولا مستاقلين ڭاع. و يقدر أي عضو يبدل لحزب ديالو ف أي وقت وخا هادشي ما كايوقعش بزاف.
- ↑ Seventeenth Amendment to the United States Constitution (ب الإنجليزية). 2026-04-18.
- ↑ Manning, Jennifer E. (December 17, 2020). Membership of the 116th Congress: A Profile (PDF) (Report). Congressional Research Service. p. 4. Archived from the original on January 14, 2021.
