لقصف الدري ديال هيروشيما و ناڭاساكي

مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.

لقصف الدري ديال هيروشيما و ناڭاساكي
جويجة، غارة جوية على مدينة
طرف من	لغارات الجوية على الجاپون
بلاد	لإمبراطورية د الجاپون
لموضع	هيروشيما، ناڭاساكي
الإحداثيات	34°23′41″N 132°27′17″E، 32°44′59″N 129°52′35″E
تاريخ	6 غشت 1945، 9 غشت 1945
حدث هام	ضربة جوية، ضربة جوية
سلاح	قنبولة نووية

ف 6 و 9 غشت 1945، فرڭعات لميريكان جوج قنابل درية على جوج مدون د الجاپون لي هوما هيروشيما و ناڭاساكي على التوالي، ف لوقت ديال لحرب لعالمية الجاوجة. لقصف الجوي قتل مابين 150.000 و 246.000 واحد، أغلبية ديالهم مدنيين، و هيّ لمرة لوحيدة لي تخدّم فيها السلاح النووي ف حرب مسلّحة. الجاپون علنات على لإستسلام ديالها للحولافا ف 15 غشت، 6 يام مور لقصف ديال ناڭاساكي، و لإعلان ديال لإتحاد السوڤياتي للحرب ضد الجاپون و لغزو ديال منشوريا. لحكومة د الجاپون سنات معاهدة لإستسلام ف 2 شتنبر، شي لي أدّى ل نهاية لحرب.

ف لعام اللخر ديال لحرب لعالمية الجاوجة، لحولافا كانو كيوجّدو ل غزو برّي ديال الجاپون لي كان غادي يتقام عليهم غالي. هادشي سبقو قصف ب لقنابل لعادية و لقنابل د لعافية لي خرّبو 64 مدينة جاپونية، منها حملة تدارت على طوكيو. لحرب ف ؤروپا تسالات ملي ألمانيا ستسلمات ف 8 ماي 1945، و لحولافا ضوّرو وجوههم بشكل كامل للحرب ف لمحيط لمهدن. معا حلول يوليوز 1945، لپروجي د مانهاتن كان جاب جوج د النواع ديال لقنابل الدرية: "لولد الصغير"، لي هيّ قنبولة ديال ليورانيوم لمخصّب ف سلاح ديال التهراس بحال لكابوس gun-type fission weapon، و الراجل الطبوز لي هيّ قنبولة د لپلوطونيوم ف سلاح نووي د التفرڭيع الدخلاني implosion-type nuclear weapon. لحولافا طالبو الجيش لإمبراطوري الجاپوني باش يستسلم بدون شروط ف إعلان پوتسضام ف 26 يوليوز 1945، و إلا غادي يتعرضو ل "تدمير ساحق و فيساع". لحكومة د الجاپون تجاهلات هاد التحدير.

لموافقة ديال لمملكة لمتحدة على لقصف تخادت، كيما كاتنص معاهدة كيبيك، و لأمر تّعطى ف 25 يوليوز من عند الجينيرال طوماس ت. هاندي، رئيس لأركان لمؤقت ديال لارمي د لميريكان، باش لقنبولة الدرية تتخدم ف مدون هيروشيما، كوكورا، نييڭاطا و ناڭاساكي. هاد لأهداف تختارو حيت مناطق حضرية كبيرة لي ف نفس لوقت فيهم مواقع عسكارية مهمة. ف 6 غشت، "لولد الصغير" تطيّحات على هيروشيما. 3 يام موراها، "الراجل الطبوز" تطيّحات على ناڭاساكي. مابين شهراين تال 4 شهور موراها، لمفعول ديال هاد لقنابل قتل 90.000 تال 166.000 ف هيروشيما و 60.000 تال 80.000 ف ناڭاساكي؛ علاين النص د لوفيات طراو ف النهار اللول. 4 شهور من بعد بقاو الناس كيموتو بسباب لحروق، الدوخة د لإشعاع، و جروح خرين، زيادة على التراكم ديال أمراض خرين و قلة لماكلة. وخا عدد لعساكريا كان كبير، و تقدر ب 24000 واحد، جوايه 90% ديال لقتلى كانو مدنيين.

لأكاديميين درسو بشكل موسّع لمفعول ديال لقصف على لمجتمع و السياسة و التاريخ لعالمي، و التقافة الشعبية، و باقين نقاشات كبيرة على التبريرات لأخلاقية و لقانونية ديال لقصف النووي، و التبعات الجيوسياسية ديالهم، سيرتو ف إطار لحرب لباردة. لمساندين د لقصف كيڭولو بلي كان ضروري باش تتسالى لحرب ب أقل عدد ديال لقتلى، و بلي جنّب لموت ديال عدد كبر د الناس من الجوانب بجوج، و عاود بلي التخدام ديال لقنبولة الدرية هيّ لي سمحات ب سلام طويل مابين لبلدان بسباب لخوف من لحرب النووية. لمنتقدين للقصف كيڭولو بلي ماكانش ضروري باش تتسالى لحرب، و بلي خاصو يتعتابر جريمة د لحرب، و بلي التخدام ديال السلاح النووي محتامل كتر من ما هو متوقع، و غادي يأدي ل هولوكوسط نووي.