انتقل إلى المحتوى

لقرن 21

بدل ليانات
من ويكيپيديا
شانڭهاي ولّات رمز ديال لإزدهار لقتيصادي لي طاري ف الشينوا

لقرن 21 هوّ قرن د الزمان لي بدا ف 1 يناير 2001 و غادي يسالي ف 31 دجنبر 2100، على حساب التقويم لميلادي. و هوّ لقرن لي كاينين فيه دابا. هوّ لقرن اللول ف لألفية التالتة.

هاد لقرن تميّز ف بديتو ب الطلوع ديال لقتيصاد لعالمي و لإستهلاكية ديال لعالم التالت، ف لوقت لي الشركات د لپريڤي تزادو، و لمخاوف من لإرهاب خداو معالم جديدة مور هجمات 11 شتنبر 2001 ف ميريكان.[1][2][3] التدخّول ديال الناطو ف أفغانيستان و التحالوف لي قادتو لميريكان ف لعراق ف لبدية د عوام 2000، زيادة على الطيحة ديال عدد د لأنظمة ف ربيع الشعوب ف لبدية د عوام 2010، أدّاو ل نتائج متباينة ف لعالم لعربي، منها حروب أهلية و عدم إستقرار سياسي.[4] ف لبدية د عوام 2020، تزادو لحروب ف لعالم، بحال الجتياح الروسي د ؤكرانيا و حرب غزة.[5][6] ف نفس لوقت لحرب على لادروڭ ستامرّات، ب تركيز على لمكسيك و أمريكا اللاتينية.[7][8] لميريكان بقات كاتّعتابر لقوة لعظمى لوحيدة ف لعالم، ولايني الشينوا ولّات كاتّشاف قوة عظمى طالعة.

ف 2022، 45% د السكان د لعالم كانو عايشين ف دولة "فيها شي شكل ديال الديموقراطية"، ولايني غير 8% عاشو ف "ديموقراطية كاملة".[9] لأمم لمتحدة كاتّوقّع بلي قبل 2050 التلتين ديال سكان لعالم غادي يكونو عايشين ف لمدون.[10]

لقتيصاد لعالمي كبر من 42 تريليون دولار ف عام 2000 ل 101 تريليون دولار ف 2022، ولايني كاينين قتيصادات لي كبرو و وحدين خرين تكمّشو.[a] لمفعول ديال التبدال د لمناخ و طلوع لمستوى د لبحر فاقم لأزمة لإيكولوجية، و 8 د لڭزاير غرقو مابين 2007 و 2014.[11][12][13]

ف اللخر د عام 2019، تنتاشرات جايحة كوڤيد 19 ف لعالم كامل، و تسببات ف 7 مليون وفاة مسجّلة،[14] و 18,2 تال 33,5 مليون وفاة على حساب التقديرات،[15] و جمّكات بشكل كبير لقتيصاد لعالمي، و تسببات ف أكبر ركود قتيصادي من الركود لكبير ف عوام 1930.[16] الجايحة بصمات عيمان 2020 و 2021، و بقات كاتّعتابر أزمة صحية عالمية تال ماي 2023.

بسباب الزيادة لكبيرة ديال عدد لپورطابلات ب أنتيرنيت، بحال السمارتفونات لي ولّاو متوفّرين ف لعالم كامل من لبدية د عوام 2010، كتر من التلتين ديال لبشري كان عندهم أكصي ل أنتيرنيت ف 2023.[17] بعد نجاح لپروجي د الجينوم د بنادم، الصيكونصاج د الدنا ولّى متوفّر و رخيص.[18][19] و وقعو تطوّورات كبار ف التعقيد ديال الدكا الصطيناعي، و أهم لمساهمات جاو من عند شركات، جامعات و لابوّات ميريكانية.[20][21] لأبحات د لفضاء تسارعو ف عقد 2020، و لميريكان كانت مسيطرة ف الستيكشاف د لفضاء، ب طيكنولوجيات و مشاريع بحال طيليسكوپ دجيمس ويب، هيليكوپطير إينجينوويتي، لبوابة د لقامار، و برنامج أرطيميس.[22][23]

نويطات

[بدل | بدل لكود]
  1. ↑ شوف متلاً لعقود الضايعة Lost Decades ف الجاپون.

مصادر

[بدل | بدل لكود]
  1. ↑ "Majority of Americans distrust the government". Reuters. 19 April 2010. Archived from the original on 24 December 2015. Retrieved 1 June 2015.
  2. ↑ Lake, David A. "Rational Extremism: Understanding Terrorism in the Twenty-first Century according to Kathii Erick Gitonga" (PDF). quote.ucsd.edu. Archived (PDF) from the original on 9 August 2017. Retrieved 1 June 2015.
  3. ↑ "Working with Private Industry | Research Pages | The Stimson Center | Pragmatic Steps for Global Security". www.stimson.org. Archived from the original on 3 February 2016. Retrieved 1 June 2015.
  4. ↑ Fisher, Marc (20 December 2011). "Arab Spring yields different outcomes in Bahrain, Egypt and Libya". The Washington Post. ISSN 0190-8286. Archived from the original on 26 October 2020. Retrieved 19 March 2020.
  5. ↑ Taylor, Adam (29 June 2023). "A historic rise in global conflict deaths suggests a violent new era". The Washington Post. Archived from the original on 13 September 2024.
  6. ↑ Keating, Joshua (25 January 2024). "It's not your imagination. There has been more war lately. Why the "long peace" may be ending". Vox. Archived from the original on 13 September 2024.
  7. ↑ "Lost cause". The Washington Post. 14 June 2021.
  8. ↑ Hernández, Isabela De los Rios (26 June 2024). "Knowledge, Soil, Politics, and Poverty: How Drug Trafficking Has Kept Its Hold on Latin America". Harvard International Review.
  9. ↑ "Democracy Index 2022". Economist Intelligence Unit.
  10. ↑ "68% of the world population projected to live in urban areas by 2050, says UN | UN DESA | United Nations Department of Economic and Social Affairs". www.un.org. Retrieved 2025-01-24.
  11. ↑ Klein, Alice. "Eight low-lying Pacific islands swallowed whole by rising seas". New Scientist. Archived from the original on 25 December 2020. Retrieved 22 September 2019.
  12. ↑ "Township in Solomon Islands Is 1st in Pacific to Relocate Due to Climate Change". Scientific American. August 15, 2014. Archived from the original on 11 November 2020. Retrieved 22 September 2019.
  13. ↑ "Department of Agriculture, Water and the Environment". Department of Agriculture, Water and the Environment. Archived from the original on 11 May 2019. Retrieved 24 February 2021.
  14. ↑ "WHO COVID-19 Dashboard". WHO. 21 January 2024. Archived from the original on 6 February 2024. Retrieved 6 February 2024.
  15. ↑ "The Pandemic's True Death Toll". The Economist. 25 October 2022. Archived from the original on 8 February 2024. Retrieved 26 July 2023.
  16. ↑ Gopinath, Gita (14 April 2020). "The Great Lockdown: Worst Economic Downturn Since the Great Depression". International Monetary Fund.
  17. ↑ "Global offline population steadily declines to 2.6 billion people in 2023". International Telecommunication Union.
  18. ↑ Gent, Edd (2020-03-08). "$100 Genome Sequencing Will Yield a Treasure Trove of Genetic Data". Singularity Hub (ب American English). Archived from the original on 18 November 2020. Retrieved 2020-08-25.
  19. ↑ Molteni, Megan (19 November 2018). "Now You Can Sequence Your Whole Genome for Just $200". Wired. Archived from the original on 8 November 2020. Retrieved 28 May 2019 – via www.wired.com.
  20. ↑ Frank, Michael (September 22, 2023). "US Leadership in Artificial Intelligence Can Shape the 21st Century Global Order". The Diplomat (ب American English). Archived from the original on 8 December 2023. Retrieved 2023-12-08. Instead, the United States has developed a new area of dominance that the rest of the world views with a mixture of awe, envy, and resentment: artificial intelligence... From AI models and research to cloud computing and venture capital, U.S. companies, universities, and research labs – and their affiliates in allied countries – appear to have an enormous lead in both developing cutting-edge AI and commercializing it. The value of U.S. venture capital investments in AI start-ups exceeds that of the rest of the world combined.
  21. ↑ "What is generative AI?". McKinsey & Company (ب American English). January 19, 2023. Archived from the original on 23 April 2023. Retrieved 2024-03-18.
  22. ↑ Signé, Landry Signe; Dooley, Hanna (March 28, 2023). "How space exploration is fueling the Fourth Industrial Revolution". Brookings (ب American English). Archived from the original on 25 May 2024. Retrieved 2023-12-08.
  23. ↑ "Chandrayaan-3 Details". www.isro.gov.in. Archived from the original on 23 August 2023. Retrieved 2024-02-14.


 

مرجّعة من "https://ary.wikipedia.org/w/index.php?title=لقرن_21&oldid=460100"