لفقيه بنصالح
لفقيه بنصالح
| ||||
|
الفقيه بن صالح (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم لفقيه بنصالح | |||
| السكان | ||||
| شحال دالسكان | 97,380 (2024) | |||
| شحال دلفاميلات | 22,584 (2014) | |||
| لجغرافيا | ||||
| لعلو | 437 م | |||
| معلومات خرين | ||||
| الرمز لجغرافي | 6546410 | |||
لفقيه بنصالح (معروفة ب لاربعا) مدينة مغريبية و جماعة ترابية حضرية كاينة ف إقليم لفقيه بنصالح، جهة بني ملال خنيفرة، ساكنين فيها 101938 واحد، على حسب لإحصاء لعام 2014.[1]
- نسبة لأمية (نّاس لّي ما كايعرفوش يقراو ولا يكتبو) : 29,8%.
- نسبة سّكان لّي قاريين فوق الليسي (ليسي و جامعة): 15%.
- نسبة نّاس نّشيطين (لّي يقدرو يخدمو): 44,6%.
- نسبة لبطالة (نّاس لّي ما خدامينش و تايقلبو على خدمة): 17,9%.
- نسبة نّاس اللي خدامين ف دّولة : 11,5%.
- نسبة نّاس اللي خدامين ف لپريڤي:44,2%.
تدار جماعة لفقيه بن صالح من طرف مجلس جماعي تْحدّث فـ1958، وكيتكوّن من 39 عضو.
كاينة لفقيه بن صالح فجهة بني ملال خنيفرة، وكتعتبر من لمدن لفلاحية لمهمة ف لمغرب، حيث بزاف ديال سكان كيعيشو من لفلاحة سواء لعصرية ولا تقليدية. ومع هاد شي، كتعاني لمدينة من لبطالة بحال بزاف ديال لمناطق، بسبب قلة لمعامل ولمصانع، وهاد شي كيخلّي بزاف ديال شباب يمشيو لهجرة، خصوصاً لأوروپا. هاد لهجرة وداكشي ديال لفلاحة خلا لمدينة تعرف واحد لنشاط لاقتصادي، أو ولا عندها نوع من رواج مقارنة مع مدون أخرى. سكان ديالها معروفين ب لكرم وحسن ضيافة، وهي مدينة شعبية، وكاين فيها حتى شي معامل ديال لحليب.
تأسسات مدينة لفقيه بن صالح فـ لقرن 16، وكان سبب رئيسي هو توفر لما بكثرة ف لمنطقة، شّي لّي خلاها تستقطب ليها رحّل وتبدا تعمر بشوية بشوية. ومن بين نّاس لّي استقرو فيها كان واحد راجل معروف ب تقوى وطيبوبة، سميتو لفقيه بن صالح، ولّي جاو عندو نّاس باش يستافدو من لعلم ديالو، ومن تما تسمّات لمدينة باسميتو. سكان ديال لمدينة معروفين ب شهامة ولكرم، ومع لوقت عرفات لمدينة تطور فعدة مجالات، رغم بعض لمشاكل بحال ضعف لخدمات فبعض لأحياء لبعيدة على لمركز، لّي فيه حركة تجارية كبيرة. وتزادت تنمية لمدينة من بعد زيارة محمد سادس، لي عطى دفعة للبنية تحتية، بحال تهيئة شارع لحسن ثاني، دارت فيه نافورات ومساحات خضرا، وزادو دارو مركب ثقافي وجتماعي ورياضي.
حسب تقسيم لإداري ديال عام 2009 ولّي طوروه فـ عام 2010، كيتكوّن إقليم لفقيه بن صالح من 16 جماعة، منهم 3 حضرية: لفقيه بن صالح (عاصمة لإقليم)، أولاد عياد، وسوق سبت أولاد نمة. وكاينين حتى جماعات قروية موزعين على 3 دوائر: دائرة بني موسى شرقية: فيها قيادات بحال بني موسى (سيدي حمادي وأولاد بورحمون)، وسيدي عيسى (سيدي عيسى بن علي)، وأولاد زمام. دائرة لفقيه بن صالح: فيها بني عمير، بني عمير شرقية، برادية، وبني وكيل. دائرة بني موسى لغربية: فيها دار ولد زيدوح، أحد بوموسى، وأولاد ناصر.
من بعد ستقلال ديال لمغريب فـ عام 1956، كان ف مدينة لفقيه بن صالح جوج فرق ديال كرة لقدم: فريق لعلم وفريق كوموني، وكان لجمهور منقسم بيناتهم. وفـ1962، قررو لمسؤولين ديال لفريقين يوحدو لجهود ديالهم ودارو فريق واحد سميتو لاتحاد رياضي للفقيه بن صالح، لّي قدر يحقق مجموعة ديال نجاحات ولألقاب على صعيد لمحلي ولوطني.
- ↑ "RGPH 2014 - Site HCP". Archived from the original on 2023-07-02. Retrieved 2020-08-23.
- ↑ Charron, Chantal (2002). "Musée canadien des civilisations, Histoire du mouvement ouvrier au Canada, [], consulté le 20 octobre 2002". Revue d'histoire de l'Amérique française. 56 (1): 123. doi:10.7202/007237ar. ISSN 0035-2357.
 هادي زريعة ديال مقالة خاصها تّوسع. تقدر تشارك ف لكتبة ديالها. |
 |
ويكيميديا كومنز عندا تصاور و معلومات على لفقيه بنصالح. |
| عالمي | |
|---|---|
| وطني | |
