السبع ليو
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
السبع ليو، هو الاسم التجاري ديال السبع اللي كيبان غالبًا فالأفلام ديال مترو-گولدوين-ماير، وهي شركة أمريكية فالاعلام، واللي مميزة ب شعار فيها السبع ف الوسط.[1][2][3]
من عام 1917 (منين تأسسات الشركة)، الشركة قررت تستعمل طريقة مميزة فالظهور ديالها فالأفلام وكعلامة تجارية. وبما أن المخرج والمنتج السينمائي ألفريد هتشكوك كان من كبار مخرجي أفلام الرعب من أواخر القرن التاسع عشر حتى الثمانينات، هو اللي خرج مقدمة شركة «مترو جولدن ماير» وكان البطل ديالها «سبع» كيزأر.
الشركة ما اعتمدتش على سبع واحد طول مسيرتها، بالعكس، كانو سبعة ديال السبوع وكلهم بانوا باسم «السبع ليو» كعلامة تجارية ديال الشركة. الفكرة بدات عام 1924، وعلى مر العقود، جاو سبعة ديال السبوع اللي بانوا باسم ليو: السبع سلاتس اللي بقا حتى عام 1928، و السبع جاكي، و السبع تيلي، و السبع كوفي، و السبع تانير، و السبع جورج، وآخر واحد هو السبع اللي فعلاً سميتو السبع ليو اللي زأر عام 1957 وصوته باقي حتى اليوم.
| السبوع اللي بانوا كعلامة تجارية لشركة مترو-گولدوين-ماير | |||
|---|---|---|---|
| الاسم | تعريف | الفترة | |
| سلاتس | السبع سلاتس، تدرب عند فولني فيفر، وكان أول سبع بان للشركة، تولد ف حديقة حيوانات دبلن ف 20 مارس 1919، وتوفى ف 1936. | من عام 1924 حتى عام 1928 | |
| جاكي | السبع جاكي، تدرب عند ميل كونتز، وكان الثاني اللي استعملوه كواجهة وعلامة للشركة، بان فكل الأفلام بالأبيض والأسود، أما فالأفلام الملونة دارو ثلاثة ديال السبوع آخرين فهذيك الفترة، وتوفى ف 25 فبراير 1935. | من عام 1928 حتى عام 1956 | |
| تيلي | من عام 1928 الشركة بدات كتجرب بعض الفقرات والمسلسلات الكرتونية القصيرة بالألوان، واختارت دير سبعين مختلفين كتمييز لهاد الأفلام، واحد منهم كان تيلي، اللي بان فكل الأفلام الملونة لمدة أربع سنين. | من عام 1928 حتى عام 1932 | |
| كوفي | من عام 1928 الشركة بدات كتجرب بعض الفقرات والمسلسلات الكرتونية بالألوان، واختارت دير سبعين مختلفين، واحد منهم كوفي، اللي بان فكل الأفلام الملونة لمدة ثلاث سنين. | من عام 1932 حتى عام 1935 | |
| تانير | ف عام 1934 الشركة بدات كتنتج الأفلام الطويلة بالألوان، ودارو السبع تانير كعلامة مميزة لهاد الأفلام، وبقا أكثر من عشرين عام. | من عام 1934 حتى عام 1956 | |
| جورج | جورج هو السادس، استعملوه بدل جاكي وتانير، كعلامة تجارية لمدة عامين فقط، من عام 1956 حتى 1957، وف عام 1958 حتى 1959 استعملوه جنب العلامة الحالية لعام واحد غير. | من عام 1956 حتى عام 1957 | |
| ليو | السبع ليو، هو الأخير من السبعة، وبقا كعلامة تجارية وواجهة للأفلام من عام 1957 حتى اليوم، وبهذا كيبقا أطول واحد من السبعة ظهورًا، تولد ف حديقة حيوان برجرز ف آرنم ف هولندا، تشرا من تاجر الحيوانات هنري تريفيل وتدرب عند رالف هلفر. | من عام 1957 حتى دابا | |
- ↑
{{cite web}}: Empty citation (معاونة) - ↑ [https://lippincott.com/en/work/mgm ] مؤرشف 2016-03-22 فموقع وايباك ماشين
- ↑
{{cite web}}: Empty citation (معاونة)