لحسن وڭاڭ
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لحسن بن أحمد وكاك (وڭاڭ)
| ||
 | ||
| معلومات عامة | ||
| زيادة | 1 يناير 1930 تنين أگلو | |
| لموت | 3 غشت 2025 (95 عام) مراكش | |
| لجنسية | لمغريب | |
| لبلاد | لمغريب | |
| لحرفة | فقيه، عالم دين و معلّيم | |
| لّوغات لي كيعرف | عربية و تاشلحيت | |
| معلومات خرى | ||
| دين | إسلام | |
لحسن بن أحمد وكاك (وجاج)، لي معروف بـ الشيخ الوجاجي[1] (1 يناير 1930 - 3 غشت 2025) هوّ عالم مسلم مغريبي. كايتعتابر واحد من أهم لأعلام د لمغريب فـ الدعوة لـ تّوحيد و لِتّباع د سّنة و محاربة لبدع، و خـلا وراه إرث علمي و دعوي كبير دوز فيه كتر من 70 عام د لعطاء.[2]
تزاد الشيخ لحسن وكاك فـ نهار 1 شعبان 1349 هـ (لموافق لـ 1 يناير 1930) فـ دوار "الزاويت" فـ منطقة أكلو بـ إقليم تيزنيت. هاد لـمنطقة هيّ لي فيها زاوية سيدي وكاك، لي كاتعتابر أول مدرسة عتيقة تـبنات فـ لمغريب.
بدا لحسن وكاك بـ حـفاظة د لـقرآن فـ صغرو على يد شيوخ كبار فـ تيزنيت، بحال الشيخ لحسن زدي همو. موراها تنقل لـ مناطق حاحة و إيدويران فين قرا عند فقهاء معروفين بحال محمد بن علي نايت داود و أحمد بن لحسن الأستيفي. ركز بزاف على قراية لّوغة لعربية و أصول لفقه لـمالكي عند خالو الشيخ أحمد الزيتوني.
فـ لبداية د سّتينات، التحق بـ "لجامعة ليوسفية" فـ مراكش فين قرا عند كبار لـعلماء بحال لعلامة لكيكي و رأفت. فـ عام 1959 خـدا "لشهادة لـعالمية" فـ الرباط. و فـ 1972 دخل لـ دار الحديث الحسنية، فين خـدا ديپلوم د دّراسات لـعليا فـ 1977، و موراها خـدا دكتوراه د دّولة فـ لـعلوم لإسلامية فـ 1986.
دوز الشيخ عقود فـ لـتعليم و دّعوة داخل و برا لمغريب:
- **ف لمغريب:** خدم معلم فـ لِبتدائي (1953-1961)، موراها أستاذ فـ تّانوي فـ آسفي و تارودانت. فـ 1977 ولى أستاذ جامعي فـ "كلية لّوغة لعربية" فـ مراكش، و بـقا فيها تال تّقاعد ديالو فـ دجنبر 1990.
- **برا لمغريب:** صيفطات وزارت لأوقاف لـ فرانسا باش يـوعظ و يـقري لـجالية لـمغريبية (مابين 1972 و 2009). خدم حتى أستاذ معار فـ "كلية التربية" فـ مدينة الطائف بـ سّعودية (1984-1986)، و قـرّى فـ لـمعهد سّعودي فـ مـوريتانيا (1990-1997).
خلا الشيخ بزاف د لـكتوبا و لـمحاضرات لـمسجلة، ومن لـكتوبا ديالو:
- "دراسة وتحقيق وقف القرآن الكريم للشيخ الهبطي".
- "منبهة الإمام المقرئ أبي عمرو الداني" (دراسة و تحقيق).
- بزاف د دّراسات لي مفرغة من لـمحاضرات ديالو فـ كلية لّوغة فـ مراكش و كلية شّريعة فـ أكادير.
توفى الشيخ لحسن وكاك نهار لـحد 3 غشت 2025، مورا مسيرة طويلة د دّعوة و لـقراية و تّعليم.[3]
- ↑ "فضيلة الشيخ الدكتور لحسن وكاك ينتقل إلى رحمة الله". pjd.ma. 2025-08-03.
- ↑ "من الزاويت إلى الطائف .. مسار علمي فريد للفقيه الراحل لحسن وكاك". هسبريس. 2025-08-04.
- ↑ "وفاة الفقيه المغربي د. لحسن وجاج بعد مسيرة علمية ودعوية حافلة". هوية بريس. 2025-08-03.
