لحروف د الداريجة

من ويكيپيديا
(تحولات من لحروف د دّاريجة)

لحروف د دّاريجة هيا لحروف لّي كاتكتب بيها دّاريجة لي كاتكون عادتن هيّا نيت لحروف د لعربية، معا شي حروف زايدة، ف نّصوص ؤ تّوجيهات ؤ لإشهارات، ؤ شي مرات لحروف لّاتينية ؤ لأرقام بحال ف شّاط، ف لميساجات د تيليفون ؤ لجومال لقصيرة ؤ صّوشل ميديا. لكتابة د دّاريجة بشكل عام كاتعكس تّغيير لي حاصل ف لعقلية د لمغاربا توجاه دّاريجة لمغريبية ؤ دّور ديالها ف تّقافة ؤ لمجتمع.[1]

حيت دّاريجة ماعندهاش معيار د لكتابة لي كولشي متافق عليه، ماكاينش تّيفاق كامل على لحروف د لكتابة، سوا من حيت نّوع (حرف لاتيني ؤلا عربي)، ؤلا تا لكتابة د أصوات محددين.

ف مصادر مختالفين[بدل | بدل لكود]

معجم الدارجة المغربية (بوسلام)[بدل | بدل لكود]

معجم الدارجة المغربية ديال محمد بوسلام

ف معجم الدارجة المغربية ديال محمد بوسلام هادو هوما لحروف لي تّعتامدو ف لكتابة ديال دّاريجة ب هاد تّرتيب: ا، أَ، آ، أُ، إِ، ب، بٍ (p)، ت، ث، ج، ح، خ، د، ذ، ر، ز، س، ش، ص، ض، ط، ظ، ع، غ، ف، فٍ (v)، ق، ك، كَ (g)، ل، م، ن، ه، و، ي.[2]

النطقان د لحروف[بدل | بدل لكود]

نّوطق ديال لحروف كيقدر يختالف من منطقة ل خرة ف لمغريب، ؤ كيقدر يتشابه شوية معا داريجات ؤلا عاميات خرين بحال ديال دزاير. لقاف متلا كيتّنطق غالبا بحال لقاف لعربية ولاكين ف بعض لمناطق كيتنطق قاف ناشفة بحال لقاف لياماني و كاين اللي كينطقو بحال لهمزة كيما لمصريين و هادي لحالة ديال لفّاسا ولاكين كيتكتب -ق- ب طاريقة موحدة ؤ كولا واحد عندو لحق يقراه كي بغا.

لملاقية معا التعريف[بدل | بدل لكود]

لحروف شّمسية[بدل | بدل لكود]

هيا لحروف لي فاش كاتكون ف لول ديال جّملة ف تّعريف كاتّنطق ب شّدة (ؤ تقدر تّزاد ليها "ال" ديال تّعريف بحال ف لعربية، علا حساب ليتيفاق لمعمول بيه) ؤ هيا نيت لحروف شّمسية ف لعربية ؤ كانزيدو حتا حرف جّيم.

لحروف لݣمرية[بدل | بدل لكود]

لام تّعريف كاتنطق ف هاد لحروف بحال لݣاف ف لݣمرة.

عيون لكلام[بدل | بدل لكود]

  1. ^ أليكساندر إيلينسون (2013). "DA¯RI JA AND CHANGING WRITING PRACTICES IN MOROCCO [دّاريجة ؤ تّغيير ف لعادات د لكتابة ف لمغريب]". International Journal of Middle Eastern Studies. doi:10.1017/S0020743813000871. Cite journal requires |journal= (معاونة)
  2. ^ محمد بوسلام (2015). معجم الدارجة المغربية: الجذور و الاختلافات الجهوية، الجزء 1. ردمك 9789954351604.
هادي زريعة ديال مقالة خاصها تّوسع. تقدر تشارك ف لكتبة ديالها.