جزاير
.svg)
لجزائر ؤلا دزاير ولّا الجزاير ؤلا الݣزاير (بلعربية: الجمهورية الجزائرية الديموقراطية الشعبية - بلأمازيغية: ⵜⴰⴳⴷⵓⴷⴰ ⵜⴰⵎⴳⴷⴰⵢⵜ ⵜⴰⵖⵔⴼⴰⵏⵜ ⵜⴰⴷⵣⴰⵢⵔⵉⵜ) هي الدولة لكبيرة ݣاع ف لميساحة ف إفريقيا، هي طرف من لمنطقة لمغاربية فشمال غرب إفريقيا. تايحدّها لبحر لبيض لمتوسط ف الشمال، تونس ف الشمال الشرقي، ليبيا ف الشرق، النيجر ف الجنوب الشرقي، مالي وموريتانيا فالجنوب لغربي، ؤ لمغريب ف لغرب. النضام د لحكام فيها هو شبه رئاسي، و هي مقسومة إداريا ل 58 ولاية و 1541 بلدية.
لبلاصة اللي فيها لجزائر عندها تاريخ قديم و دازو منها بزاف د لحضارات منهم الماسيل والماسيسيل و النوميديين و الفنيقيين و القرطاجيين و الرومان و البيزنطيين والأمويين و المغراويين و اليفرنيين و الرستميين و الزيريين و الحماديين و المرابطين و الموحدين و لعتمانيين و إمارة الأمير عبد القادر و إمارة كوكو و إمارة ايت عباس قبل ما تحتّلها فرانسا ف 1830. بقات فرانسا محتلاّها تال 1962 بعد ثورة التحرير و هو لعام اللي ستاقلات فيه لجمهورية د لجزائر من مورا حرب بقات 8 سنين و ماتو فيها كثر من مليون شهيد و عليها تاتسمّا لجزائر: "لبلاد د لمليون و نص مليون شهيد".[1]
تيسكنو ف لجزائر تقريبا 45 مليون د الناس و لعاصمة ديالها و أكبر مدينة فيها هي لجزائر لعاصمة. اللغات الرسمية د لبلاد هوما لعربية و لأمازيغية، و لفلوس اللي كاتخدّم هي الدينار لجزايري. لجزائر داخلة مع بزاف د لمنضمات عالمية بحال لأمم لمتحدة و لجامعة د الدول لعربية و أوپيك، و هي عضو مؤسس ديال لإتحاد لإفريقي و لإتحاد د لمغرب لعربي.
لجزاير سميتها بلعربية الجزائر، و ب لجزايرية: دزاير، و ب لأمازيغية لزاير. رسميا سميتها الجمهورية الجزائرية الديموقراطية الشعبية، و بلأمازيغية تݣدودا تازايريت تامݣدانت تاغرفانت.
سميت لبلاد جاية من سمية ديال مدينة لجزائر لعاصمة لي بدورها جاية من العربية "الجزائر" لي معناها مجموعة ديال لجزر، ولا من لأمازيغية" تازيري" لي معناها "الضو تع القمر". و كاينة حكاية خرة كاتقول بلي أصل تسمية الجزائر من السمية ديال بولوغين بن زيري مؤسس الدولة الزيرية عام 960. [مصدر؟]
- ↑ "بلد المليون ونصف المليون شهيد - الميادين". Archived from the original on 2022-11-27. Retrieved 2021-02-26.
 |
ويكيميديا كومنز عندا تصاور و معلومات على جزاير. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
