انتقل إلى المحتوى

كيطمة (كورة)

من ويكيپيديا
(تحولات من لباس (كرة قدم))
درّي لابس كيطمة عصرية ديال كورة

لكيطمة أولّا اللبسة (أولّا بعض لخطرات التوني) ف كورة هوما لحوايج اللي كايلبسوهوم لكوايرية. لقواعد د اللعبة كايبيّنو شناهي لكيطمة بلقليلة اللي خاص اللعّابة يلبسوها، وكايمنعو اللباس اللي يقدر يكون خطر على لكوايري أولّا اللعّابة اللي فالتيران. لمنافسات ولبوطولات يقدرو يزيّرو فلقد ديال اللوݣو فالتيشورت، أولّا يفرضو لون آخور على لفرقة الضيف.

التيشورتات د اللعّابة غاليبا كايكون فاللور الرقم ديال لكوايري. فلأصل لأرقام كايكونو غادين من 1 ل 11، وكايواتيو نسبيا معا لبلايص ديال اللعب ديالهوم. ولاكين فلبوطولات ولمنافسات ليحتيرافية، هاد النماري كايوليو مخربقين بسباب لكوايرية الزايدين. واخّا هكاك، لكوايري كايتعطاه نمرة كايقصّر بيها فلموسم كامل. لفراقي ليحتيرافيين غاليبا كايحطو لكنيات د اللعّابة فوق (وفبعض لحالات لقلال، تحت) النماري تاعهوم.

تطورات لكيطمة د كورة بزّاف. فاللول كانو كايلبسو تيشورت ديال لقطن، وصبابط تقال قاسحين ديال الجلد. فلقرن لعشرين الصبابط بداو كايولّيو خفاف، والشورطات كايقصارو فالطولة د الرجلين. التقدّوم اللي طرا فلمجال د لحوايج خلّا التيشورتات يولّيو يتصايبو خفاف، بديزاينات ولوان معقّدين. ومعا الزيادة ديال ليشهار ف لقرن لعشرين، اللوݣويات ديال لمستشهيرين ولّاو كايتطبعو فالتيشورتات، وبداو كايتصاوبو للجمهور، الشي اللي خلّا لفراقي يدخّلو لفلوس.

لكيطمة الضرورية

[بدل | بدل لكود]
لكيطمات مستفين فلڤيستيير.

لحوايج اللي خاص يلبسوهوم لكوايرية كاينين فلقانون الرابع ديال لقواعد د اللعبة.[1] لكوايرية دياول لفرقة الضيف كايخصّهوم يحضرو لماطش بلوان خرين إلا كانو عندهوم نفس اللوان دياول لفرقة لمضايفة.[2] لقانون كايݣول باللي "لكوايرية خاصهوم يلبسو كيطمة بلوان كاتفرّقهوم على بعضيّاتهوم وعلى لحكم ولحكّام لمعاونين."[1] بزاف ديال لفراقي عندهوم اللبسة التانية وحتى اللبسة التالتة اللي كايلبسوها إلا اللوان د اللولة والتانية كانو متشابهين بزاف معا اللوان ديال لفرقة لمضايفة.[3] بزاف ديال لفراقي حافضو على لكيطمة ديالهوم لبزاف ديال لعوام[3]، واللوان براسهوم يقدّو يدخلو فالتقافة ديال لفرقة.[4] لكيطمة الضرورية كايكون فيها:

  • تيشورت: كايكون مصاوب من خيط صطيناعي ماكايحبسش لعرݣ، ماشي بحال لخيط الطبيعي.[5] بزاف ديال لفراقي كاتحط اللوݣويات ديال لمستشهيرين فلقدّام ديال التيشورت، واللي كايجيب الرباح للفراقي[6]، وبعض لفراقي كايخلّيوهوم يديرو اللوݣو فالضّهر.[7] بعض لعصبات ولبوطولات كايضبطو شحال خاص يكون لقد ديال اللوݣو فالتيشورت.[8] لمنافسات بحال لپريمر ليݣ والليݣا وبوطولا 1 كايفرضو اللوݣو ديالهوم على لكمام ديال التيشورت.[9] النمرة ديال لكوايري كاتكون فالضهر ديال التيشورت، وبعض لفراقي لعالميين ولمونتخبات كايحطّو النماري فلقدّام،[10] ولفراقي لمحتارفين كايطبعو لكنية فوق من النمرة.[11]
  • شورط: حتال لعام د 1994 كان الشورط ضروري يكون قصير. من داك لعام ولقانون كايݣول باللي الشورط يقدر يوصل حتال الركبة. الطولة لميتالية ديالهوم هي 17-18 سانطيم.[12]
  • تقاشر: كايكونو طوال شوية ويكونو تحت الركبة. ماكاينش شي قانون فلقواعد د اللعبة اللي كايݣول باللي ضروري خاصهوم يكونو طوال.[13] كاينين تقشيرات صغار اللي كايتلبسو عند الرجلين واللي كايكونو مديورين باش يعاونو فالجهد ومايطراش لفديع فلحالة ديال التعكال أولّا الطيوح.[14]
  • سبرديلة: ݣاع لكوايرية ليوما كايلبسو سبرديلة خاصة ب كورة. فالجيهة اللي كاتكون موالية للربيع كايكونو مسامر أولّا متكّات ديال لحديد أولّا لݣومة أولّا لپلاستيك اللي كايعاونو الرجل تشد فالضس ديال التيران على حساب النوع ديالو.[15] كاينين سبرديلات خاصّين بلݣازون الطبيعي، ووحدين خرين ديال لݣازون صطيناعي. وكاينين وحدين خاصّين على حساب لبلايص د اللعب ف كورة.[16] لمعايير علاياش السبرديلة د كورة كايكونو واقفين هوما التباتة، الستيل، الراحة والتحكّوم فلبالون.[17]

لكيطمة التانوية

[بدل | بدل لكود]
لحرّاس كايلبسو الليݣات باش يحميو يديهوم من الجهد ديال لكورة

كاينين شي حوايج اللي لقانون د لقواعد ديال اللعبة كايمنع يتلبسو، بحال الدهب ولخواتم والسناسل.[1]

  • ليݣات: لكوايرية عندهوم لحقّ يلبسو الليݣات، وممكين ݣاع ديال الصوف إلا كان لجو بارد.[18] قبل من السبعينات قليل فين كانو الليݣات كايتلبسو،[19] ولاكين دابا قليل فين كاين شي حارس ماكايلبسهومش. كاينين بزاف ديال لمرارك تاوع الليݣات على حساب الشكل ولخياطة.[20]
  • نضاضر: إلا كان الشوف ديال شي كوايري ناقص، كايمكن ليه يدير النضاضر، غير بشرط مايكونوش خطر عليه وعلى عينيه.لكوايرية اللي عندهوم هاد لموشكيل كايديرو لعداسات، ولاكين شي كوايرية عندهوم الجلالة مايمكنش ليهوم يديروهوم، داكشي اللي كايخلّيهوم يلبسو النضاضر.[21]
  • كاصك: لكوايرية يقدّو يلبسو شي كاصك إلا خافو على الراس/الجبهة ديالهوم، ولاكين بشرط مايكونش خطر عليهوم ولّا على اللي مقصّرين معاهوم.[22]

اللباس د لحكم

[بدل | بدل لكود]
لحكّام ولحّكام لمعاونين غاليبا كايلبسو لكحل

لحكّام و لحكّام لمعاونين خاصهوم يلبسو كيطمة كاتشبه لديك اللي كايلبسوها لكوايرية، ولاكين مختالفة ف اللوان على لفراقي بجوج ولحرّاس دياولهوم.[23] لكحل هو اللون لمعروف ديال لحكّام، ولعبارة ديال "الراجل فلكحل" كتأكّد هاد لهضرة[24][25]؛ واخّا ولّاو كايلبسو لوان خرين باش اللوان مايبقاوش يتشابهو فالتيران.[26] لفيفا كاتخلّي لحكام يلبسو خمسة د اللوان صافي: لكحل، لحمر، الزرق، الصفر ولخضر. يمكن للتيشورتات د لحكّام يكونو فيهوم اللوݣويات دلمستشهيرين، وكايكونو غير فلكمام.[27] لحكام يقدرو يديرو لباضج ديال لفيفا اللي فيه النوع ديال الترخيص د لفيفا ولعام ديال الصلاحية فالجيب ديال الصدر ليسر.

ݣاع لحكام كاتكون عندهوم مݣانة د ليد، صفّارة، جوج كارطات صفرة وحمرة، بزطام فيه ستيلو وشي وراق، قرعة ديال لكشكوشة لمختافية وريالة باش يحددو شكون غايبدا لماطش ولإنا جيهة فالتيران غايمشيو. لحكام كايتّنصحو باش يهزو جوج جوج من لحاجة (تقدر تطيح ليهوم الصفارة أولا يتقادا الستيلو). لحكّام كايكونو عندهوم فلغالب جوج مواݣن: وحدة كايشدّو بيها لوقت ولوخرة كايحسبو بيها لوقت الضايع. فلمستويات لعاليين ديال لبوطولات، كايكون عند لحكام ميكرويات كاهضرو بيهوم معا لحكّام لمعاونين. لحكم لمعاون كايهز رايات ليكترونية، كايورّك على بوطونة فيها واللي كاتعطي ليشارة للحكم فاش كاتكون شي حاجة.[28][29] فلميطشان اللي فيهوم تيكنولوجيا خط لݣول، لحكم كايكون معاه تويشية كاتعلمو بلالارم ديال السيستيم.[30]

مصادر

[بدل | بدل لكود]
  1. 1 2 3 "Law 4 – The Players' Equipment" (PDF). Laws of the Game 2008/2009. FIFA. pp. 18–19. Retrieved 1 شتنبر 2008.
  2. ↑ "Standardised League Rules". Wessex Football League. Archived from the original on 6 مارس 2008. Retrieved 16 يناير 2008.
  3. 1 2 David Moor. "A Brief History of Football Kit Design in England and Scotland". HistoricalFootballKits.co.uk. Archived from the original on 2023-03-25. Retrieved 14 يناير 2008.
  4. ↑ Giulianotti, Richard; Norman Bonney; Mike Hepworth (1994). Football, Violence and Social Identity. Routledge. p. 75. ISBN 978-0-415-09838-0. For a supporter, whether or not he lives in the city of the team, the team colours are the most important symbol of his football faith, dominating any other symbol or cultural meaning such as nation, class or political party.
  5. ↑ "Football and health". BUPA. Archived from the original on 16 فبراير 2008. Retrieved 17 يناير 2008.
  6. ↑ "Man Utd sign £56m AIG shirt deal". BBC. 6 أبريل 2006. Archived from the original on 16 مارس 2023. Retrieved 16 يناير 2008.
  7. ↑ "Back-of-the-shirt Sponsors Draw". Notts County F.C. 30 دجنبر 2007. Archived from the original on 29 دجنبر 2007. Retrieved 16 يناير 2008.
  8. ↑ "Regulations Relating to Advertising on the Clothing of Players, Club Officials and match Officials" (PDF). The FA. Archived from the original (PDF) on 10 أبريل 2008. Retrieved 16 يناير 2008.
  9. ↑ "The F.A. Premier League". Chris Kay International. Archived from the original on 7 مارس 2008. Retrieved 22 يناير 2008.
  10. ↑ "Q & A 2006". England Football Online. 22 نونبر 2006. Archived from the original on 26 يناير 2008. Retrieved 16 يناير 2008.
  11. ↑ Davies, Hunter (2003). "Chapter 3. Equipment: Bring on the Balls". Boots, Balls and Haircuts: An Illustrated History of Football from Then to Now. Cassell Illustrated. p. 158. ISBN 978-1-84403-261-7.
  12. ↑ "MEN'S WORKOUT SHORTS: HOW LONG THEY SHOULD BE BASED ON ACTIVITY". willy california. 6 أكتوبر 2020. Archived from the original on 2023-01-30. Retrieved 1 غشت 2021.
  13. ↑ "Why Soccer Players Wear Long Socks". your soccer home. Archived from the original on 2023-04-01. Retrieved 1 غشت 2021.
  14. ↑ "Soccer Compression Socks: What, Why, Wear?". soccerblade.com. 5 أبريل 2021. Archived from the original on 2023-03-28. Retrieved 1 غشت 2021.
  15. ↑ "Soccer Shoe Guide". Soccer.com. 29 يوليوز 2019. Archived from the original on 2023-09-07. Retrieved 15 ماي 2020.
  16. ↑ "What Soccer Cleats Should I Wear for my Position?, How to Buy Soccer Cleats?". soccer.com. 23 أكتوبر 2020. Archived from the original on 2023-09-07. Retrieved 1 غشت 2021.
  17. ↑ "What Is the Purpose of Soccer Shoes?". azcentral.com. Archived from the original on 2023-06-09. Retrieved 1 غشت 2021.
  18. ↑ Cox, Richard; Dave Russell; Wray Vamplew (2002). Encyclopedia of British Football. Routledge. p. 75. ISBN 978-0-7146-5249-8.
  19. ↑ "Fußball und Technik" (ب الألمانية). Deutsches Patent- und Markenamt. Archived from the original on 21 يونيو 2011. Retrieved 15 يناير 2008.
  20. ↑ "Goalkeeper Glove Cut Guide". TheGloveBag.com. 28 مارس 2006. Archived from the original on 23 يوليوز 2008. Retrieved 14 يوليوز 2008.
  21. ↑ "Goggles are Davids' most glaring feature". Soccertimes.com. 7 مارس 2003. Archived from the original on 20 أبريل 2008. Retrieved 16 يناير 2008.
  22. ↑ "Cech's rugby-style headgear passes the FA's safety test". The Independent. UK. 20 يناير 2007. Archived from the original on 25 شتنبر 2015. Retrieved 16 أبريل 2008.
  23. ↑ "Advice for Newly Qualified Referees" (PDF). The FA. Archived from the original (PDF) on 20 أكتوبر 2007. Retrieved 15 يناير 2008. (PDF)
  24. ↑ Hyde, Marina (26 مارس 2014). "Andre Marriner debacle highlights Fifa aversion to video technology". The Guardian. Archived from the original on 2023-01-10. Retrieved 2 يوليوز 2014.
  25. ↑ O'Hagan, Simon (28 يناير 1996). "Rosy future for man in black". The Independent. Archived from the original on 2023-01-16. Retrieved 2 يوليوز 2014.
  26. ↑ Cox, Richard; Dave Russell; Wray Vamplew (2002). Encyclopedia of British Football. Routledge. p. 76. ISBN 978-0-7146-5249-8.
  27. ↑ Paul Kelso (17 غشت 2006). "Bright sparks hope over Burns reform". The Guardian. UK. Archived from the original on 6 مارس 2008. Retrieved 18 يناير 2008.
  28. ↑ Solomon, Jon. "SEC will try wireless communication for football officials in 2012". AL.com. Archived from the original on 2018-06-14. Retrieved 13 ماير 2014. {{cite web}}: Check date values in: |access-date= (معاونة)
  29. ↑ "Electronic Flags" (PDF). United States Soccer Federation. Archived from the original (PDF) on 2020-03-25. Retrieved 13 ماي 2014.
  30. ↑ Weir, Keith (8 غشت 2013). "Premier League unveils goalline technology to end disputes". Reuters. Archived from the original on 19 مارس 2023. Retrieved 13 ماي 2014.
Wikimedia Commons ويكيميديا كومنز عندا تصاور و معلومات على كيطمة (كورة).
Wikimedia Commons ويكيميديا كومنز عندا تصاور و معلومات على كيطمة (كورة).
مرجّعة من "https://ary.wikipedia.org/w/index.php?title=كيطمة_(كورة)&oldid=438124"