ݣريما

من ويكيپيديا
(تحولات من لاݣريما)
طاكسي صغيرة داخل لمجال الحضري للدار لبيضا
طاكسي صغيرة داخل لمجال الحضري للدار لبيضا

لݣريما أولا لاݣريما هي الرخصة لي خاصة أي واحد باش يستاغل الطاكسيات فلمغريب. هاد الرخصة تاتّحتاج حتا فلمركوب لي ماشي عمومي بحال لكار.[1]

تايرجع التاريخ ديال هاد الرخصة ل مورا لاستقلال د لبلاد عام 1956. هاد الرخصة تدارت باش يتقنن لمركوب ف لمدونا و ما بين الجيهات. هاد الرخصة ما زال تاتخلي الريع ف لاقتصاد د لمغريب.

التاريخ[بدل | بدل لكود]

ف لخمسينات والستينات مورا لاستقلال من فرانسا، قرر لمخزن يدير مركوب عصري ف شي مدونا د لمغريب. من غير لمركوب لي كان موجود ف الدارلبيضا، الرباط، فاس، مراكش، مكناس، طنجة و وجدة، تقرر يدار واحد النوع أخور د لمركوب ديال لخواص بحال الطاكسيات صغار و لكبار و حتا لكيران ما بين لجيهات. ف لول تفرقات هاد لاݣريمات على الناس للي كانو ف لجيش د التحرير والناس لموعاقين.

كيفاش دخلات السياسة[بدل | بدل لكود]

ف السبعينات والتمانينات، كان ف لمغريب واحد النوع د لمخاصمة مابين لمخزن ولمعارضة. داكشي علاش خدمات السلطة هاد لاݣريمات باش تعطي لشي ناس لحق باش تستغل لمركوب وحتا لمعادين. هادش لي خلا بزاف ديال صحاب هاد لاݣريمات من لمخزن بحال لأعيان و لفنانين و الرياضيين و حتا رجال الدين.[2] كاينين شي ناس شدو هاد لاݣريمات حيت ما فحالهومش وشي ناس حيت زاوݣو لماليك نيشان مللي زار مدينتهوم.

لقانون[بدل | بدل لكود]

كاين واحد لقانون ف لمغريب للي تاينضم هاد الرخصة لي تايقول بلي هي كاتعطا ماش حق. تاتعتابر ف لمغريب إكرامية "جتيماعية" كاتبقا 6 سنين تقدر تجدد. هاد الرخصة ما تاتحييدش لمولاها وتقدر تكرا أولا تورت وتقدر حتا تباع.

لاݣريمات لي كاينين[بدل | بدل لكود]

كاين ف لمغريب تسعود د لاكريمات ديال لمركوب لي مشروحة ف طابلو لتحت:

نمرة لمركوب شحال
1 طاكسيات صغار 35.000 (2012)[3]
2 طاكسيات كبار 40.000 (2012)[3]
3 طوموبيلات ديال السلعة
4 كاميووات ديال السلعة
5 طوبيسات
6 Bus لكيران 3.681 (2012)
7 Helicopter ليكوبتير ديال السياح
8 Airplane طيارات صغار
9 باطووات

عيون لكلام[بدل | بدل لكود]

  1. ^ محمد بن الطيب (1 مارس 2012). "هسبريس تنشر لائحة المستفيدين من "الكريمات" في المغرب". هيسپريس (ب لعربية). مأرشيڤي من لأصل ف 2023-08-12. تطّالع عليه ب تاريخ 2021-01-20.
  2. ^ حسن حمورو (1 مارس 2012). "أزيد من 50 رياضيا يستفيدون من "الكريمات" على رأسهم المتوكل". هيسپريس (ب لعربية). مأرشيڤي من لأصل ف 2023-08-12. تطّالع عليه ب تاريخ 2021-01-20.
  3. ^ a b محمد بن الطيب (8 نونبر 2012). "75 ألف "كريمة" للطاكسيات في المغرب". هيسپريس (ب لعربية). مأرشيڤي من لأصل ف 2023-08-12. تطّالع عليه ب تاريخ 2021-01-20.