لإنتيحار ف كازاخستان
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لإنتيحار ف كازاخستان هو سبب كبير للوفاة اللي ماشي طبيعية ف لبلاد و قضية جتماعية طولات بزاف. على حساب التقرير ديال منظمة الصحة العالمية د عام 2011، من بين ڭاع اللي كيتبلغ على الوفاة ديالهم بسباب لإنتيحار ف العالم كل عام، كتلقى 3.23% من كازاخستان.[1] الانيتحار بين المراهقين والشباب مشكلة كبيرة فلبلاد.[2] ف الفئة العمرية اللي بين 15 و 49، لإنتيحار كيمثل 12,2% من مجموع الوفيات ف كازاخستان.[3]
ف لبلاد كاين عدد كبير من حالات لإنتيحار بين البنات من سن 15 حتى 19 عام، و بالنسبة للولاد، هي ثاني أعلى معدل من بعد روسيا. و بين 1999 و 2008، واحد التقرير ديال اليونيسيف ديال 2009 بين باللي بين 1999 و 2008 عدد حالات لإنتيحار بين الشباب ف لبلاد تزادت ب نسبة 23 ف المية[2]
و على حساب ريسا شيير، رئيسة لجنة حماية الطفل ف وزارة التربية ف كازاخستان، كاين عدة عوامل مورا رتفاع معدلات لإنتيحار بين الناس اللي مازالين صغار ف العمر، بحال:[2]
- المعيور و التعدو ف المدارس.
- غياب أولا فقدان القيم.
- الضصارة و قلة التربية.
- لإنعزال.
| عدد حالات لإنتيحار على حساب العمر، كازاخستان، مقارنة مع 2008 و 2015 | |||||||
|---|---|---|---|---|---|---|---|
| العمر ب السنوات | 5-14 | 15-24 | 25-34 | 35-54 | 55-74 | 75+ | المجموع |
| 2008 | 85 | 896 | 1012 | 1395 | 476 | 133 | 4009 |
| 2015 | 43 | 439 | 711 | 1137 | 428 | 114 | 2872 |
| التغيير | -49.4٪ | -51.0٪ | -29.7٪ | -18.5٪ | -10.1٪ | -14.3٪ | -28.4٪ |
| عدد حالات لإنتيحار على حساب العمر و الجنس. كازاخستان، 2008 | |||||||||
|---|---|---|---|---|---|---|---|---|---|
| العمر بالسنوات | 5-14 | 15-24 | 25-34 | 35-44 | 45-54 | 55-64 | 65-74 | 75+ | المجموع. |
| الذكور | 66 | 657 | 860 | 656 | 522 | 240 | 143 | 86 | 3241 |
| إناث | 19 | 239 | 152 | 120 | 97 | 52 | 41 | 47 | 768 |
| المجموع | 85 | 896 | 1012 | 776 | 619 | 292 | 184 | 133 | 4009 |
على حساب اليونيسف و المنظمة الدولية للصحة، كازاخستان عندها أعلى مستوى من لإنتيحار بين الأشخاص اللي ف العمر ديالهم بين 15 و 19 سنة ف العالم.[7] كازاخستان جات التانية عالميا ف لإنتيحار ديال المراهقين و اللولة ف لإنتيحار ديال لبنات.
على حساب واحد الدراسة دارتها اليونيسف ف خمسة د المدون كازاخستانية مع 1700 مراهق، كانت القضايا الإجتماعية و المشاكل العائلية و نقص الدعم من بين الأسباب الكبيرة ديال لإنتيحار بين المراهقين. و على حساب نفس الدراسة، فا لآباء الكازاخستانيين كيدوزو غير 20 دقيقة من "الوقت الممتع" مع ولادهم يوميا.[8]
- ^ "Suicide rate". مأرشيڤي من لأصل ف 2020-08-12. تطّالع عليه ب تاريخ 16 November 2012.
- ^ a b c "Kazakhstan: Concerns Over Adolescent Suicides". UNHCR. مأرشيڤي من لأصل ف 28 أبريل 2021. تطّالع عليه ب تاريخ 16 November 2012.
- ^ tengrinews.kz (2014-09-28). "Kazakhstan and Turkey show highest suicide rates among 15-19 y.o. youth". Главные новости Казахстана - Tengrinews.kz (ب نڭليزية). مأرشيڤي من لأصل ف 2021-01-30. تطّالع عليه ب تاريخ 2021-01-25.
- ^ "Kazakhstan Suicides by age group 2015" (PDF). مأرشيڤي من لأصل (PDF) ف 2018-04-17.
- ^ "Suicide rates (per 100,000), by gender, Kazakhstan, 1981-2008" (PDF). World Health Organization. مأرشيڤي من لأصل (PDF) ف 2019-09-10. تطّالع عليه ب تاريخ 16 November 2012.
- ^ "Suicide rates (per 100,000), by gender, Kazakhstan, 1981-2008" (PDF). World Health Organization. مأرشيڤي من لأصل (PDF) ف 2019-09-10. تطّالع عليه ب تاريخ 16 November 2012.
- ^ "Kazakhstan and Turkey show highest suicide rates among 15-19 y.o. youth". Tengrinews.kz (ب نڭليزية). 2014-09-28. مأرشيڤي من لأصل ف 2021-01-30. تطّالع عليه ب تاريخ 2019-05-03.
- ^ "Alarming proportions of child and youth suicide in Kazakhstan". Tengrinews.kz (ب نڭليزية). 2014-09-28. مأرشيڤي من لأصل ف 2021-01-26. تطّالع عليه ب تاريخ 2019-07-01.
