لؤرطوضوكسية

أيقونة لمسيح ضابط كولشي Christ Pantocrator ف دير لقديسة كاطرين، سينا، مصر

لؤرطودوكسيّا المسيحية وكتّعرف حتى بسمية لؤرطودوكسيّا الشرقية، هي واحد من الفروع الرئيسية ديال المسيحية مع الكاطوليكية و الپروطيستاننية. كتّميّز لؤرطودوكسيّا بالشدّان ديال التقليد الرسولي و لمجامع المسكونية اللولى، وهي كتشوف راسها نيشان لمتيداد دالكنيسة المسيحية اللولى ديال يسوع المسيح والرسل دياولو.

السميّة

لكلمة د "ؤرطودوكسية" (ب نّݣليزية: Orthodox) جات من ليونانية لبالية: ὀρθοδοξία اللي كتعني "الراي المستاقيم" ولاّ "العقيدة الصحيحة" كتّخدّم للدلالة على الطائفة اللي حافضت -على حساب ما كيآمنو مّاليها- على الإيمان المستاقيم كيما خداو الرسل بلا تحريف ولا زيادة.

لكونطيكسط اللي تزادت فيه والتاريخ

كترجع الجدور د لؤرطودوكسية للكنيسة المسيحية اللولانية لؤرطوضوكسية، فين بداو الرسل النشر د التعاليم د المسيح بعد قيامو. تطوّرات المسيحية داخل الإمبراطورية الرومانية، و نتاشرت ف بلايص كي بحال أنطاكية، الاسكندرية، روما، القسطنطينية، ؤرشاليم، وهي اللي معروفا بالبطريكيات الخمسة.

فين كاينين لؤرطودوكس دابا، وشحال بيهم؟

كاين تقريبا 250 مليون أرطوضوكسي فالعالم بزاف منهم ف روسيا، أوكرانيا، اليونان، صيربيا، جورجيا، سوريا، لبنان، و كاينين حتى ف أوروپا الغربية، كندا و لميريكان.