لأصل ديال لباسكيين
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لأصل ديال لباسكيين و ديال اللوغة لباسكية موضوع متير للجدل، لي خرجو منو بزاف د لفرضيات. لباسكية لعصرية هيّ لوغة منحادرية من لأكويطانية و من لباسكية لبديانية Proto-Basque، و هي اللوغة لقبل-هندو-ؤروپية لوحيدة لي بقات ف ؤروپا لغربية. داكشي علاش لباسكيين كيتّعتابرو عند شي وحدين هوما لبقايا ديال الشعوب لؤروپية لقديمة قبل مايجيو لهندو-ؤروپيين.
لفرضيات الرئيسية على لأصل د لباسكيين هوما:
- أصل محلي: هيّ النظرية لمنتاشرة و كاتڭول بلي اللوغة لباسكية تطورات لألاف لأعوام مابين شمال إيبيريا و جنوب فرانسا ديال دابا، و بلي ماكاين تا شي علاقة مابين لباسكية و أي لوغات عصرية خرة ف مناطق خرين.
- لفرضية لباسكو-إيبيرية: لي كاتفتارض بلي تقدر تكون علاقة مابين لباسكية و اللوغة لإيبيرية لقديمة، شي لي كيعني علاقة مابين الشعوب لي كانو كيهضرو بيها.
- لأصل لقوقازي: لإفتراض بلي اللوغة لباسكية و اللوغات ديال لقوقاز تقدر تكون عندهم علاقة مباشرة، شي لي كايفسر علاش كيشتاركو ف قلدات لوغاوية لي ماكاينينش ف اللوغات لهندو-ؤروپية.
فوق من هادشي، كاينين أبحات لي عتامدو على تحليل لحمض النووي ديال لباسكيين، و بيّنو بلي عندهم شي ماركورات لي ماكاينينش ف الشعوب لي حداهم، شي لي كيدعم فكرة بلي كاينة ستيمرارية مابين السكان لباسكيين لقدام و لعصريين.[1]
- ↑ Doron M. Behar, Christine Harmant, [...], and The Genographic Consortium (2012-05-04). "The Basque Paradigm: Genetic Evidence of a Maternal Continuity in the Franco-Cantabrian Region since Pre-Neolithic Times". American Journal of Human Genetics. 90 (3): 486–493. doi:10.1016/j.ajhg.2012.01.002. PMC 3309182. PMID 22365151.CS1 maint: multiple names: authors list (link)