كيو (كبسولة زمنية)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
كيو (ب لحروف اللاتينية KEO) هو واحد لمشروع ديال كبسولة زمنية ف الفضاء اللي كان خاصو يتطلق ف 2003 و ياخذ بريات من الناس لي عايشين ليوم فوق لأرض ل بنادم لي غادي يجي من هنا ل واحد 50.000 عام من دابا، ملي غادي ترجع هاذ لكبسولة مرة أخرى ل لأرض. سميتو جات من أكتر تلات د لأصوات مخدّمين ف لوغات العالم د ليوم: /ك/، /إي/، و /و/[1] أي واحد كان ممكن يساهم ف هاد الكبسولة، والمنظمين شجعو كولشي باش يجمعو بريّات من الدراري الصغار، ناس كبار، و تا ناس اللي ما كايعرفوش يقراو ؤلا يكتبو باش كل ثقافة و ديموغرافيا ف الأرض تكون عندها تمثيلية. زيادة على هادشي، لمنظمين تعهدو باش ما يحيدو حتى برا، و قالو "گاع البريّات اللي وصلاتنا، غادي تكون بلا رقابة، و غادي تمشي ف كيو.".[2] تأجل الإطلاق بزاف د لخطرات بسبب لمشكلات لي كانت طرات ف العالم بحال لأحداث ديال 11 شتنبر لي كانت وقعات ف ميريكان ولا لإعادة ديال هيكلة وكالة لفضاء الأوروپية.[2] حتال 30 غشت 2024، و مازال ما تأكد حتى تاريخ ديال لإطلاق.
البريات و لمكتبة غادي يتخزنو ف دي ڤي ديات مصنوعين من الجاج اللي كايقاوم الإشعاع. واحد التعليمات رمزية غادي تكون ب بزاف ديال لفورمات فين غادي يوريو للناس ف المستقبل كيفاش يقدرو يصنعو ليكتور ديال دي ڤي دي.
الساتليت عندو القدرة باش ياخذ برية مكونة من 4 ديال د الصفحات من كل واحد من كثر من 6 مليار د لبشار (على حساب لموعد لأصلي ديال 2009) اللي كاينين ف الأرض.[3] ملي غادي يتطلق الساتليت، البريات غادي يكونو موجودين ف الإنترنت فابور.
الساتليت براسو هو واحد لكورة لي وسطها خاوي و لي لقطر ديالها 80 سنتيم. ف هاذ لكورة منقوشة الخريطة ديال الأرض و مغلفة ب واحد الطبقة ديال الألومنيوم، طبقة حرارية و مجموعة ديال الطبقات من التيتانيوم و معادن ثقال خرين مداخلين مع الخوا. هاذ لكورة عندها مقاومة للإشعاع لكوني حتى ذيك لي كتكون ف الدخلة د الجو ل لأرض و حتى ضربة ديال الردام لي كيكون ف الفضاء لبراني. ف السنين اللولة ديال لمدار ديالو، كيو غادي يكون عندو جناح ب 10 ميترو باش يكون باين من الأرض. ملي غادي يدخل الجو د لأرض، الطبقة الحرارية غادي تخلق واحد النور صطيناعي باش تعطي واحد الإشارة بلي هاذ الساتليت دخل. الساتليت ما فيه تا شي نظام ديال الإتصالات ولا الدفع. كان مخطط باش يتطلق ب صاروخ أريان 5 (اللي توقف ف 2023 و تعوض ب أريان 6) ف مدار على علو 1800 كيلومتر. هداك لعلو اللي غادي يرجعو ل لأرض من بعد 500 قرن، نفس الوقت اللي فات من ملي بدا الإنسان القديم كايرسم ف المغارات.
| لعام | لحدث | وصف |
|---|---|---|
| 1994 | تصور ديال ساتليت كيو | لفنان و لعالم لفرنساوي، جون-مارك فيليپ، جاتو فكرة ساتليت كيو.[4][5][6] |
| 1996 | التعطال اللول | تأجل الإطلاق بسباب "الإعادة ديال هيكلة الصناعة الفضائية الفرنساوية و من بعدها الأوروپية (1996/1999)"[2] |
| 1998 | أول تبيان ديال الإمكانية التقنية | |
| 1999 | بداية ديال الجميع ديال البروات | بداو كايجمعو البروات وحددو التاريخ اللول ديال الإطلاق ف 2001. [مصدر؟] |
| 2001 | تأجل لإطلاق ل 2003 | الأزمة ف نشاط الفضاء العالمي من 2000 ل 2002 و لهجمات لي كانو طراو على الجوج بروج ديال التجارة العالمية ف 11 شتنبر 2001 و لي بسبابو وقع واحد التعطال واحد خور ف لإطلاق.[[2] |
| 2003 | تأجل لإطلاق ل 2006 | إعادة ديال تنظيم وكالة الفضاء الفرنساوية و لفشل ف لإطلاق التأهيلي ديال أريان 5 أجلو تاريخ الإطلاق ل 2006[2] |
| 2005 | وكالة لفضاء لأوروپية صادقات على لإمكانية التقنية | |
| 2006 | تأجل لإطلاق ل 2007/2008 | ف 2006، تأجل لإطلاق مرة أخرى، بسباب "قلة الحماس عند بزاف ديال الشركاء بسباب الطول ديال هاذ لمشروع".[2] |
| 2008 | وفاة ديال جون-مارك فيليپ | مات جون-مارك فيليپ ف 12 نونبر 2008. و قبل ما يموت، كان عندو شهادة ف الجيوفيزياء و خدم حتى كا رسام |
| 2008 | تأجل لإطلاق ل 2010/2011 | تأجل لإطلاق بسباب "إعادة لهيكلة ديال صناعة معالجة لمعطيات".[2] |
| 2009 | نهاية جمع لبريات لأصلية | تمدد لموعد النهائي ل جمع البروات حتى لآخر 2014. لموعد النهائي باش الناس تساهم كان أصلا 31 دجنبر 2009، ولكن ف 2014، تمدد حتال اللخر د 2014. |
| 2011 | تأجل لإطلاق ل 2012 | تأجل الإطلاق بسباب "النزاعات لمسلحة و الظروف السياسية لي كانت ف لعالم" [2] |
| 2012 | تأجل لإطلاق ل 2013 | |
| 2013 | تأجل لإطلاق ل 2015/2016 | |
| 2016 | تأجل لإطلاق ل 2018/2019 | |
| 2018 | نهاية جمع البريات | |
| 2019 | الإطلاق المخطط | كان مخطط باش يتطلق كيو ف 2019، ولكن هادشي موقعش.[7][8] |
- ↑ "FAQ". keo.org. Archived from the original on 2021-01-08. Retrieved 2025-02-02.
- 1 2 3 4 5 6 7 8 "KEOMAG". keo.org. Archived from the original on 2023-03-27. Retrieved 2025-02-02.
- ↑ "Timeline of the far future". bbc.com.
- ↑ Wheye, Darryl; Kennedy, Donald (2008). Humans, Nature, and Birds: Science Art from Cave Walls to Computer Screens. Yale University Press. pp. 19–. ISBN 9780300123883. Retrieved 19 يونيو 2016.
- ↑ Zimring, Carl A.; Rathje, William L. (2012-02-27). Encyclopedia of Consumption and Waste: The Social Science of Garbage. SAGE Publications. pp. 1081–. ISBN 9781412988193. Retrieved 19 يونيو 2016.
- ↑ "Imprints in space and time". The Hindu. September 16, 2002. Archived from the original on October 28, 2002. Retrieved 19 يونيو 2016.
- ↑ Les dates de KEO مؤرشف 2023-04-06 فموقع وايباك ماشين (in French)
- ↑ "FAQ". keo.org. Archived from the original on 2021-01-08. Retrieved 2025-02-02.