كونڤيرسوس
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
الكونڤيرسوس (من الصبنيولية و البرطقيزية "conversos" اللي كاتعني "المعتنقين" ولا "المتحولين"، و اللي اليهود كيفضلو السمية ديال "الأنوسيم" من العبرية "אנוסים" اللي كاتعني "المكرهين") هما اليهود اللي تحولو ل الكاطوليكية ف صبانيا و البرطقيز، خصوصاً ف القرون 14 و 15، و حتى ولادهم و الحفايد ديالهم. الأغلبية ديال اليهود تحولو ل المسيحية ب سباب لپوݣروم ف 1391. باش الصبنيول يتأكدو بيلا الكونڤيرسوس ولاو مسيحيين حقيقيين و ما كيمارسوش الديانة ديالهم ب التخبية، تأسس المكتب المقدس ديال المحاكم د التفتيش ف صبانيا ف 1481. الملوك الكاطوليك فيردينان و إيسابيلا كانو طردو اليهود اللي ما بغاوش يرجعو مسيحيين ب مرسوم ديال ألامبرا ف 1492، من مور الريكونكيسطا. الأغلبية ديال هاد اليهود هربو ل الطاليان و المغرب. عليها، بزاف ديال اليهود فضلو باش يدخلو ف المسيحية باش ما يتطردوش.[1]
الكونڤيرسوس اللي بقاو كيمارسو اليهودية ب التخبية كانو كيتسمّاو "Judaizantes" (المتهودين) و ب شكل قبيح، كانو كيسمّيوهم "marranos" (الحلالف).
الكونڤيرسوس لعبو دور كبير و مهم ف التورة ديال الكومونيروس (1520-1521) اللي كانت انتفاضة شعبية تسببات ف حرب أهلية ف المنطقة ديال كاسطييا ضد النوايا الامپريالية ديال الملك الصبنيولي.[2]
عيون لكلام[بدل | بدل لكود]
- ^ أليسيا ݣوخمان دي باكال (1997) "الكونڤيرسوس" ف الموسوعة ديال المكسيك، شيكاݣو: فيتزروي ديربورن. ص 340.
- ^ هيرناندو، ماكسيمو دياݣو (2015) "القياد من أصل يهودي-كونڤيرسو ف المدون ديال كاسطييا ف الانتفاضة ديال الكومونيروس" (ب الصبنيولية) كارلوس الخامس: كونڤيرسوس و كومونيروس: كتاب ديال الصحاب، جوزيف پيريز، 2015. ص 71-102.
 هادي زريعة ديال مقالة خاصها تّوسع. تقدر تشارك ف لكتبة ديالها. |