كومو 1907
كومو 1907
| ||||||
| ||||||
| معلومات عامة | ||||||
| السمية | Como 1907 | |||||
| لكنية | I Lariani (منسوبين لبحيرة كومو) I Biancoblù (لبيضين ؤزرݣين) I Voltiani لڤولطيين | |||||
| السمية لمختصرة | COM | |||||
| تأسس فـ | 25 ماي 1907 | |||||
| لمدينة | كومو | |||||
| التيران | دجيوسيپي سينيڭاليا | |||||
| سعة التيران | 13602 | |||||
| الشخصيات | ||||||
| الرئيس | فرانتشيسكو تيرّازاني
| |||||
| لمالك | Djarum Group
| |||||
| لمدريب | سيسك فابريڭاس
| |||||
| لقتيصاد والتدبير | ||||||
| لموقع الرسمي | https://comofootball.com | |||||
| ليحصائيات | ||||||
| الدوري | الدوري الإيطالي | |||||
| ||||||
كومو 1907 ؤلا كومو هي فرقة دلكورة (ب طاليانية :Como 1907)، تأسسات نهار 25 ماي 1907 فمدينة كومو بجيهة لومبارديا. شاركات كومو ف سيري أ 14 مرة (2025).
تأسسات لفرقة ف 1907 ؤ كانت سميتها فالّلول كومو فوتبول كلوب. ؤ كان الزرڭ هو اللّون ديال التوني الرسمي.من عام 1928 ؤهوما كيستقبلو ماتشات ديالهوم فكومو فتيران ستاديو جوزيپي سينيڭاليا .[1]
مّالين لفرقة هوما الخوت هارتونو، (روبرت بودي هارتونو ؤ مايكل بامبانغ هارتونو) اللي شراو النادي من خلال مجموعة دجاروم في عام 2019.[2] من بين ليزانڨيستيسور لمشهورين كاين سيسك فابريڭاس ؤ لؤسطورة تيري هنري.[3][4]
كان أول موسم لكومو ف تروازيام ديڨيزيو فعام 1913-14 ؤبقات فيه حتال 1922 فاش هبطات. فموسم 1930-31, مع جديون لوكاش، طلعو للسيري بي، بلا مايخسرو حتى ماتش لعام كامل، ماركاو 90 بيت في 32 ماطش ؤ تماركا عليهم 24.
عام 2004، دارت لفرقة إفلاس، ؤ طاحو ديريكت لسيري دي، ڭعدو فيها 3سنين قبل مايطلعو لسيري تشي2(Serie C2)، ف عام 2007.[5] ولكن عاوتاني ف 2016، ديكلاراو سيزي ؤطاحو سيري دي.
الإخوة هارتونو، اللي مكلاصيين 64 و 66 فليستة د الغنادر اللي خرجات في فوربس عام 2022، ؤ فالطاليان هوما إغنى وحدين.[6][7] ف2023 رجع النادي للسيري بي، وفي 2024, للمرة اللولة من 21 سنة، كيطلعو ل السيري آ.[8][9]
كومو تأسسات في 25 مايو 1907 باسم كلب كومو فوت-بول، من قبل لجنة من الأعضاء المتجمعين في بار طاروني، الموجود في ڨيا تشينكوي دجورناتي (قهوة طاروني، في زنقة خمسيّام)، المقر الرئيسي اللول للفرقة.[10][11] في السنوات الأولى من تأسيسها، لعب كومو ماتشات أميكال، ؤ شامپيونات فلمنطقة مع فراقي من ميلانو ؤ سويسرا.[11] في 1 أكتوبر 1911, شارك النادي فماتش افتتاح كامپو ڨيا دي ميللي، ربحو بيللينتزونا ب 3-1. ولاّت كومو كتلعب فهاد تيران .[11]
في عام 1912، ندامجو مع "Minerva"، ؤ ف1927 ندامجو مع إسپيريا و تغيرات سمية ل Associazione Calcio Comense فنفس لعام ربحو كوپا ڨولطا، قصاو آنطير ميلون فدوميفينال ؤ ربحو لفينال 1-0 كونطر جينوا.[11] افتاتحو تيران جديد ستاديو جوزيپي سينيڭاليا في 30 يوليو 1927.
فموسم 1930-31, مع جديون لوكاش، طلعو للسيري بي، بلا مايخسرو حتى ماتش فسيزون لعادية ؤ حتى لماتشات د الباراج، ماركاو 90 بيت في 32 ماطش ؤ تماركا عليهم 24 .
32-1931 ، فأول تجربة ليهم فسيري بي قدرو باش يصوڨيو هبوط، جاو تاسعين مع ماركو رومانو هداف لموسم.[11]
أطرات لحرب لعالمية الجاوجة بشكل كبير على الكورة فالطاليان، ؤ ؤروپا بصفة عامة،كانت شامپيونا واڭفة، ولكن تورنوات صغار خدامين، كومو ربحات تورنوا ديال تورنيو بينيفيكو لومباردو (تورنوا كيلعبو فيه فراقي د لومبارديا) كيلعبو فيه فراقي بحال آ سي ميلون أمبروسيانا-إنتر، نوڨارا ؤ غيرهوم .[11] بعد الحرب، بدات كومو كاتقاتل في السيريا ب ؤ ڭعدو 3سنين باش يجيبو پروموصيون لأول مرة ل لسيريا أ في عام 1949 مع ماريو ڤارغلين كمدريب.[11] استامرات تجربة كومو مع لكبار4 سنين، لعام اللول جاو فيه سادسين بنفس النقاط مع طورينو لخامس.[11] في الموسم التاني، كومو لعب غير باللعابة طاليانيين، حاجة اللي عجابت بزاف ديال جمهور الطالياني. في العام التالت واخا دامت غير مدة قصيرة ولكن أول مرة فتاريخ لفرقة كتكون مكلاصيا اللولة فالطابلو، سابقين لانطير ؤ ميلان ؤ ناپولي ؤ اليوڨي بنقطة، نهار 23 شتنبر 1951.[12]
في بداية الستينات، طاحت كومو للتروازييم سيري، بسباب "قضية بيسّي"، قضية بدات في اللول د موسم 1962-63 لسيري بي، واحد اللعاب ديفونسور سميتو باولو بيسي شراتو كومو من "طاو آلطوپاشيو" فتوسكانا، لعب خمسا دلماتشات، ولكن ماكانش فخبارهوم باللي "بيسّي" مازال مكملش لعوقوبة ديال توقيف من فاش كان فتوسكانا.[11] كومو خسرات دوك لماتشات اللي لعب فيهم بيسّي واخا فالتيران ربحاتهوم، ؤ هاكدا طاحو لسيري تشي (Serie C).
بعد ربع سنين في السيري تشي، أخيرا طلعو لسيري بي في الموسم 1967-68 كملو لعام فطوپ ديال الڭروپ أ، المدريب كان فرانكو ڨيڨياني ؤ الكاپيتان برونو باليرياني،أكتر واحد لعب لكومو فتاريخها.[11]
في 1974-75, لمدريب ماركيورو ؤ معاونو النجم الصاعد ماركو تارديلي طلعات كومو لسيري آ من جديد، ولكن لعام اللي موراه كتزيد تهبط لسيري بي، مرة خرى.[13]
عام 1978، طاحو لسيري تشي1، ولكن ماركيورو عتقهوم تاني، زاد طلعهوم سيري بي فلعام اللول، ؤلعام تاني طلعو سيري أ ؤ لعبو فيها عامين.
عام 1996-97،ربحات كوپا إيطاليا سيري تشي، فالفينال ربحو نوتشيرينا فالفينال 4 ل2 آلي روتور[14]
بدات شوية لحياة تبان في الكلوب، طلوع لسيري بي فعام 2001، مي الكاپيتان ماسّيميليانو فيرّينيو فماتش كونطر مودينا مورا فاش سالا لماتش ضرب لعّاب ديال مودينا فالڨيستيير ؤ طيحو كوما، تعاقب عليها بحضر 3 سنين. طلعات كومو لسيري أ ف 2002-03، ؤ بقات هي اللخرة فترتيب لعام كامل. فوسط لعام دابزو تاني أولترات ديال كومو ؤ تسد بسبابهم التيران، مشاكل مادية كبيرة. طاحت كومو لسيري بي ؤ تشي1 ؤ تشي2.
2004 علنات لفرقة فاييت.[15] ؤ ف 2007-08 ربحات ڭروپ بي، فالسيري دي، طلعات لكاطرييم ديڤيزيون، Lega Pro Seconda Divisone
في هاد الموسم، ربح النادي كوبا إيطاليا سيري دي بعد ما غلبو كوليجيانا بنتيجة إجمالية 3-1 في الفينال. في عام 2009، رجعات كومو أمرة اخرى لقسم تالت من Lega Pro Prima Divisione بعدما ربح فالپلاي ؤف رودينڭو سايانو، ؤ أليساندريا.
2015، طلعو لسيري بي، فالپلاي ؤف غلبو باسّانو ڨيرتوس 2-0 فمجموع لماتشات.
.png)
في عام 2019، الشركة الإندونيسية دجاروم ديال روبرت بودي هارتونو و مايكل بامبانغ هارتونو شرات كومو.على حساب فوربس، الاخوة هارتونو كيصورو 4 د لمليون ؤرو في الساعة.[16]
كومو رجعات لكومپيتيسيون پروفيصيونيل بعدما ربحات جيروين بي من 2018-19 سيريا دي (قسم هوات). في عام 2021، عينوا لعّاب تشيلسي السابق دينيس وايز رئيس تنفيذي.[17][18] في الموسم 2021-22, عينو اللّعّاب السابق للنادي جياكومو ڭاتوزو كمدريب ونجح يتفادى لهبوط من سيري بي، تكلاصاو 13 داك لعام، أفضل نتيجة للنادي في العشرين سنة الفايتة. نفس الشي تكرر فسيزون 2022-23.
في غشت 2022، سينا اللعّاب السابق لـ أرسنال و إف سي برصلونة سيسك فابريڭاس كمستثمر ؤلعّاب فنفس لوقت.[19] تيري هونري حتى هو دخل لكومو كمستتمر مورا فابريڭاس بشوية.[20][21]
في الموسم 2023-24, ؤ بضبط ف 13 نوفمبر، قرّر النادي يسني مع الويلرزي أوشين روبرتس، ؤ مع سيسك فابريغاس كمدرب مساعد بيدما يجيب رخصة يويفا پرو UEFA Pro. لارياني تكلاصاو تانيين فالبطولة سيري بي، ومعاها پبروموصيون للسيري أ بعدما غابو عليها لمدة 21 سنة. حسم الطلوع كان فآخر ماتش دلعام ف 10 مايو 2024, ضد كوزينتسا الماتش اللي سالا ب1-1, وخلاّ كومو تجي تانية فبلاصة ڨينيتسيا اللي جات تالتة ولبعات لباراج، ؤ بفرق 3 نقاط على پارما فالمركز اللول.[22]
الصليب لبيض وسط الراية لحمرا كان ديما حاضر، حيتاش هو الراية ديال مدينة كومو. ؤ لحاجة لخرى اللي مرة مرة كتبان هي بحيرة كومو.
فعام 2019،بعدما جاو لخوت لأندونيسيين هارتونو، دارو مسابقة تصويت شعبي على شعار جديد للفرقة. اللوڭو اللي ختارو لجمهور فيه موجات نتاع بحيرة كومو، فوقها سمية ديال لفرقة كومو 1907، ؤ لخلفية فيها صليب يوناني. الألوان اللي مستعملين فيه: زرق ؤ بيض. ماكاينش لحمر.
-
اللوڭو د Associazione Calcio Comense, خدمو بيه من 1927 حتال 1936 -
شعار كومو خدمو بيه من 1950 حتال 1970 -
شعار من 1991 حتال 2017 -
اللوڭو جديد اللي مازال خدامين بيه من 2019
.svg){kind=logo}
من الناحية التاريخية، كانت كومو ديما كتلبس زرق فاتح (لون ديال بحيرة كومو) خصوصا مع تيشرت، كيزيدو لبيض زواق ؤلا لتقاشر وشورطات. فبداية الألفين بداو كيستعملو لون زرق شوية مغلوق كيتسمى الزرق لملكي [23] ؤ من تما بدات لفرقة ؤ لجمهور ديالها يتسماو (زرڭين ؤبيضين) <i id="mwAdI">بيانكوبلو</i>.[24] فالماتشات ديال لايكستيريور غالبا كيلبسو لوان معكوسين، شورط زرق ؤ تيشرت بيض.
في عام 1926،فاش ندامجو مع إسپيريا باسم Associazione Calcio Comense اختارو يزيدو لحمر ڭرونة فتونيات.[11] ونفس شي طرا نهار ندامجو مع أيس أرديتا فعام 1938، زادو لخضر فالكيطما.
لعبت كومو أول ماتشاتها ف كامپو دي ڨييا دي ميللي، اللي كاين فبلدية كومو. فتاتحو تيران بجوج ماتشات أميكال، نهار 1 أكتوبر 1911، ماتش اللول Internazionale حڭرات على ميلانيزي ب 8-0, ؤ لماتش تاني كومو ربحات بيللينتسونا 3-1. لعبات كومو فهاد تيران حتى لعام 1928.[11]
في الموسم 1928-29, انتاقلو لتيران اللي مازال كيلعبو فيه اليوم: ستاديو جوزيپي سينيڭاليا. تبنى تيران بأوامر بينيطو موسوليني وسماه على سمية واحد بطل حرب طالياني من لحزب لوطني لفاشي جوزيپي سينيڭاليا اللي مات في لحرب لعالمية اللولة .[25] فتيتاح كان في 30 يوليوز 1927, في ماتش دولي بين النمسا ؤ لومبارديا، واللي سالات ب 3-1ل النمساويين.
هاد تيران فملك لبلدية د كومو وكايهز حتالـ 13,602. قبل ما يبدا موسم 2024-25, كان خوف باللي تيران مافيهش شروط كافية باش يتلبعو فيه ماتشات ديال سيري أ، خصوصا الطاقة لاستيعابية، ولكن قدر النادي أنه يصلح لتريبين ؤ يزيد عدد لجمهور اللي يقدرو يدخل يتفرجو.[26]
واحد من الشعارات اللي كيقولوها بزاف مشجعين ديال كومو هو "Non ci sono amici di Como"، "ماشي صحاب كومو"، أهم الديربيات ؤ لماتشات اللي كيتحمسو فيهم لارياني هو ديربي ديل لاريو (ديربي لبحيرة) كونطر جارهم ليكو. ماتشات كونطر ڨاريزي حتى هوما سخان. كاين لماتش ديال مونزا اللي بزاف كيقولو عليه "أقوى ديربي فسيري بي".[27] ففترة التمانينات كان ديما صداع نايض بين جمهور ديال كومو ؤ إنتر ميلون.
في أبريل 2021، خرج واحد دوكيمونتير سميتو، كومو 1907: القصة الحقيقية. الوتائقي كيهضر على تاريخ لماتشات ديال كومو، ؤ على كواليس ديال كيفاش مجموعة Djarum الأندونيسية بغات ترجع كومو 1907 من فرقة سانسور طالع هابط من سيري بي لسيري تشي لواحد من فراقي لموهيمين ديال شمال إيطاليا ؤ السيري أ. الدوكيمونتير نتجاتو Mola، اللي تابعة لمجموعة Djarum.[28]
- التجديد اللخر ف 19 January 2025[29]
| الموقف | الاسم |
|---|---|
| المدير التنفيذي | فرانسيسكو ترازاني
|
| الرئيسة | ميروان سوارسو
|
| مدير الرياضة | كارلبرتو لودي
|
| السكرتير العام | إمناويلا لوبيان
|
.jpg)
- التجديد اللخر ف 1 August 2024
| الموقف | الاسم |
|---|---|
| المدرب الرئيسي | سيسك فابريغاس
|
| مساعد المدرب | مارك بيرتشام
|
| داني غيندو
| |
| المساعد الفني | كريستيانو سكازولا
|
| مدربة الحراسة | إينريكو مالاتيستا
|
| مدرب اللياقة البدنية | أندريا كاستيلاني
|
| أندريا برناسكوني
| |
| محلل الفيديو | كريس غاللي
|
| محلل المقابلة | إيفان بروكيري
|
| مدير الفريق | جوزيفي كالاندرا
|
| فزيوتيرابي | سيمون غالو
|
| جوزيه كالفارو
| |
| رئيس التنمية | أوسيان روبرتس
|
| مدرب الأكاديمية | دانيلي بزيجولي
|
- سيري بي
- مربوحة: 1948-49, 1979-80, 2001-022001–02
- دوزيام: 1974-75, 1983-84, 2023-242023–24
- سيري تشي
- مربوحة: 1930-31, 1967-68, 1978-79, 2020-212020–21
- دوزيام: 1993-94، 2000-2001
- مربوحة الپلاي ؤف: 2014-152014–15
- سيري دي
- مربوحة: 2007-08, 2018-192018–19
- مربوحة الپلاي ؤف: 2008-092008–09
- كاس طاليان سيري تشي ( Coppa Italia Serie C)
- مربوحة: 1996-97
- دوزيام: 1992-93، 2014-15
- كوبا إيطاليا سيري دي
- مربوحة: 2007-08
- كوپا ڨولطا
- مربوحة: 1926-27
- تورنيو بينيفيكو لومباردو
- مربوحة: 1944-451944–45
- ^ Federazione Italiana Giuoco Calcio (2 October 2020). "Elenco delle società C.R. Lombardia" (PDF). مأرشيڤي من لأصل (PDF) ف 18 June 2021. تطّالع عليه ب تاريخ 11 October 2020.
- ^ "Como paperone coi fratelli Hartono, Commisso (Fiorentina) e Friedkin (Roma) al top in Serie A: le proprietà più ricche". Eurosport.it (ب طاليانية). 2024-04-03. تطّالع عليه ب تاريخ 2024-08-02.
- ^ Sportelli، Matteo (2024-05-24). "Renzo Rosso, Giovanni Arvedi e Rocco Commisso: chi sono i proprietari più ricchi del calcio italiano". Forbes Italia (ب طاليانية). تطّالع عليه ب تاريخ 2024-08-02.
- ^ Morra، Alessio (2024-05-10). "Come ha fatto il Como a tornare in Serie A: Fabregas, Henry e i proprietari più ricchi in Italia". Sport Fanpage (ب طاليانية). تطّالع عليه ب تاريخ 2024-08-02.
- ^ "Cosenza e Como, promozione in C2" (ب طاليانية). Corriere dello Sport. 27 April 2008. تطّالع عليه ب تاريخ 27 April 2008.[ليان مهرس]
- ^ "I 10 proprietari più ricchi del calcio italiano". Sky Sport Italia (ب طاليانية). 2022-04-06. تطّالع عليه ب تاريخ 2024-08-02.
- ^ "Calcio, i proprietari di club più ricchi al mondo". Sky Sport Italia (ب طاليانية). 2024-04-04. تطّالع عليه ب تاريخ 2024-08-02.
- ^ Torrisi، Antonio (2024-05-10). "Il Como è in Serie A: dalla D alla gloria in cinque anni, la visione di SENT è compiuta". Goal.com Italia (ب طاليانية). تطّالع عليه ب تاريخ 2024-08-02.
- ^ Donato، Lelio (2024-07-07). "L'ambizioso progetto del Como in Serie A: da Pau Lopez a Varane e Belotti, tutti gli obiettivi". Goal.com Italia (ب طاليانية). تطّالع عليه ب تاريخ 2024-08-02.
- ^ "F.C. Como" (ب Italian). fc-como.it. مأرشيڤي من لأصل ف 21 August 2017. تطّالع عليه ب تاريخ 3 August 2024.CS1 maint: unrecognized language (link)
- ^ a b c d e f g h i j k l "La storia" (ب Italian). calciocomo1907.it. مأرشيڤي من لأصل ف 8 February 2015. تطّالع عليه ب تاريخ 3 August 2024.CS1 maint: unrecognized language (link)
- ^ "Die Tabelle am 3. Spieltag der italienischen Serie A 1951/1952". fussballdaten.de (ب لالمانية). 27 September 2012.
- ^ ["La storia" (ب Italian). calciocomo1907.it. مأرشيڤي من لأصل ف 8 February 2015. تطّالع عليه ب تاريخ 3 August 2024.CS1 maint: unrecognized language (link) ""La storia" (ب Italian). calciocomo1907.it. مأرشيڤي من لأصل ف 8 February 2015. تطّالع عليه ب تاريخ 3 August 2024.CS1 maint: unrecognized language (link)"] Check
|url=value (معاونة). - ^ "storia". Archived from the original on 2015-02-08. تطّالع عليه ب تاريخ 2025-01-26.CS1 maint: unfit url (link)
- ^ "Ecco come salverò il Como". La Gazzetta dello Sport (ب طاليانية). 29 December 2004. مأرشيڤي من لأصل ف 12 August 2017. تطّالع عليه ب تاريخ 4 June 2014.
- ^ Riggio، Salvatore (2022-07-29). "Più ricchi di Berlusconi e Zhang: i proprietari del Como guadagnano 4 milioni l'ora Ecco chi sono". Corriere della Sera (ب طاليانية). تطّالع عليه ب تاريخ 2024-08-02.
- ^ "Djarum buys Italy's third tier soccer club". The Jakarta Post. 2019-10-18. تطّالع عليه ب تاريخ 2024-05-12. Unknown parameter
|مؤلف1=ignored (معاونة) - ^ "Exclusive: Como 1907 reveal plans to build club from ground up like Atalanta". Tribal Football. 2022-04-21. تطّالع عليه ب تاريخ 2024-05-12. Unknown parameter
|مؤلف1=ignored (معاونة);|first1=missing|last1=(معاونة) - ^ Mahar، Muhammad Ikhsan (2022-08-30). "Como 1907, Wujud Ambisi Grup Djarum di Sepak Bola". kompas.id (ب لأندونيسية). تطّالع عليه ب تاريخ 2024-01-31.
- ^ Bettoni، Lorenzo (29 August 2022). "Thierry Henry explains his plans for Como". football-italia.net. تطّالع عليه ب تاريخ 9 August 2024.
- ^ "Como, ecco Henry: "Qui si è aperto un nuovo capitolo della mia vita. Fabregas? È pronto..."" (ب طاليانية). La Gazzetta dello Sport. 29 August 2022. مأرشيڤي من لأصل ف 29 August 2022. تطّالع عليه ب تاريخ 29 August 2022.
- ^ Campanale، Susy (10 May 2024). "Como and Parma promoted to Serie A, play-offs set". Football Italia. تطّالع عليه ب تاريخ 2024-08-02.
- ^ Federazione Italiana Giuoco Calcio (2 October 2020). "Elenco delle società C.R. Lombardia" (PDF) (ب طاليانية). مأرشيڤي من لأصل (PDF) ف 18 يونيو 2021. تطّالع عليه ب تاريخ 3 August 2024.
- ^ "I PRODOTTI COMO1907: PURA PASSIONE BIANCOBLU – Como 1907" (ب طاليانية). تطّالع عليه ب تاريخ 3 August 2024.
- ^ "Stadio" (ب طاليانية). مأرشيڤي من لأصل ف 8 September 2015. تطّالع عليه ب تاريخ 3 August 2024.
- ^ Griffiths، Tom (6 April 2024). "Como's Race Against Time". CalcioEngland.com. تطّالع عليه ب تاريخ 2024-08-02.
- ^ "Monza-Como, il derby "eterno" con vista playoff | Sky Sport" (ب طاليانية). مأرشيڤي من لأصل ف 4 January 2017. تطّالع عليه ب تاريخ 3 August 2024.
- ^ Farabi، Quadiliba Al (22 April 2021). "Como 1907: The True Story, Kisah Penyelamatan Klub Sepak Bola Italia". sports.sindonews.com (ب لأندونيسية). تطّالع عليه ب تاريخ 9 August 2024.
- ^ "Como squad". comofootball.com. تطّالع عليه ب تاريخ 10 August 2024.
 هادي زريعة ديال مقالة خاصها تّوسع. تقدر تشارك ف لكتبة ديالها. |