كعب لغزال (حلوى)
كعب لغزال
| ||
 | ||
| معلومات عامة | ||
| نوع د لماكلة | معجنات | |
| لبلاد لأصلية | لمغرب لكبير | |
| مصاوب من | طحين القمح، معجون اللوز، ماء الزهر، سكر و قرفة | |
كعب لغزال من الحلويات لي معروفا بيها لكوزينة لمغريبية، وهي تتشبه للهلال من العجينة عامرا بلوز لمنسم بما زهر الليمون. وهوا غالي فلمڭادا حيث فيه اللوز وتيتقدم فڭاع المناسبات، و تاتكال بزاف مع أتاي.[1] [2] [3] [4]
- اللوز
- الما تاع زهر
- الدڭيڭ
- سكار
- زبدة
- لقرفة
تنحضرو فلول العمارة بتحياد قشرة اللوز وتخليه حتا ينشف، ويتطحن طحين رطب مع سكار... وتايتزاد عليه الما تاع زهر ومسحوق لقرفة و شوية تاع زبدة و تايتخلط. و تايتحط فتلاجة نص ساعة على الأقل.
و باش نحضرو العجينة تانخلطو دڭيڭ، مع الملحا، و زبدا، و تا نزيدو عليه البيض و تانخلطوه، و تا نزيدوه الما دافي، ونعجنو العجينة عجنا خفيفة، و تانخليوها ترتاح.
من بعد ما ترتاح، تانشروها فوڭ طبلا مرشوشة بدڭيڭ على شكل دائري و نقسموها على شكل مثلتات. و تانفرقو معيلقة صغيرة من العمارة على طراف العريضة تاع المثلت ليفات وقطعنا، و تانلفو ڭاع المثلتات على شكل هلال، و تانكررو العملية لڭاع المثلتات. و تانحطو حلوى كعب لغزال فصينية تاع لخبز، مدهونة بشوي تاع زبدة. تانخبزوها على درجة حرارة 180 حتا تولي ذهبية اللون، و تانخرجوها و نخليوها تبرد من لحسن نبيتو الحلوى ليلة كاملة تنشف قبل ما طيب باش ما تتفرڭعش العجينة حيث تكون تاتخبز ونخرجو العمارة منها.
- ↑ الحاج, عرابة; مايو, عبدالله (2017). "نحو استشراف منهجية عمل طريقة التكاليف المتغيرة في المستشفيات العامة". مجلة العلوم الانسانية: 265. doi:10.37136/1003-000-046-120.
- ↑ "كعب غزال". Archived from the original on 2023-05-29. Retrieved 2023-01-31.
- ↑ "طريقة عمل كعب الغزال المغربي - شملولة". www.shamlola.com. Archived from the original on 2023-01-31. Retrieved 2023-01-31.
- ↑ "حلوى كعب الغزال". موضوع (ب العربية). Archived from the original on 2023-06-10. Retrieved 2023-01-31.
| أهم لأكلات |  | |
|---|---|---|
| حلويات ؤ معجنات | ||
| اللحوم و لمشويات | ||
| أكلات خرين | ||
| أكلات مابقاوش | ||
| مشروبات | ||
| مشروبات كوحولية | ||
| مواضيع خرين | ||
| كوزينات مرتابطة | ||